Luke 1:76 - Chishemanituu Utayimuwin: Kaa Uskaach Testament

⁷⁶ Ekw Zechariah kaa itaat aniyuu ukusisa taan kaa ishi nituweyimikut Chishemanituu chechii itwet, “Ekw maak chii nitawaashiim maauch kaa ispeyihtaakusit Chishemanituu uchischiwehiichesiimh chika ishinihkaatikuun. Chika meskanaahkuwaau Utipeyihchikeu e ishi ayeskuwiihkamut anit che pimuhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷⁶ ᐁᒄ ᓭᑲᕌᔭ ᑳ ᐃᑖᑦ ᐊᓂᔫ ᐅᑯᓯᓴ ᑖᓐ ᑳ ᐃᔑ ᓂᑐᐌᔨᒥᑯᑦ ᒋᔐᒪᓂᑑ ᒉᒌ ᐃᑗᑦ, ᐁᒄ ᒫᒃ ᒌ ᓂᑕᐙᔒᒻ ᒫᐅᒡ ᑳ ᐃᔅᐯᔨᐦᑖᑯᓯᑦ ᒋᔐᒪᓂᑑ ᐅᒋᔅᒋᐌᐦᐄᒉᓰᒻᐦ ᒋᑲ ᐃᔑᓂᐦᑳᑎᑰᓐ᙮ ᒋᑲ ᒣᔅᑲᓈᐦᑯᐙᐤ ᐅᑎᐯᔨᐦᒋᑫᐤ ᐁ ᐃᔑ ᐊᔦᔅᑯᐐᐦᑲᒧᑦ ᐊᓂᑦ ᒉ ᐱᒧᐦᑌᑦ᙮

Luke 1:76 Iomraidhean Croise

Matthew 14:5

Ekw Herod kaa wii nipahaat aniyuu John, mikw maak chii kushteu aniyuu Jewa iinuu, wesh chii taapwehtamuch e uchischiwehiichesuyich John.

Matthew 21:26

Maak itweyihkwe ‘Naapeu chii itikuu,’ chika wii yaakwaamiishtuwaanuuch taan che ihtuutaatahkwaau anichii iinuuch. Wesh misiwe taapwehtamuch John e chii uchischiwehiichesuyich.”

Matthew 3:11

Nipiihch chisiikahaahtaatinaawaau niya e nuukuhch e wii kweskaatisiyekw, mikw maak kutak awen chika takushinuu uste e chisteyihtaakusit ishpishaat niya. Namui maak mechim nitepicheyihtaakusin chechii aapihkunamuch umaschisiniyaapii. Wiya maak chika siikahaahtaakuwaau Kaa payehchisiyich Ahchaahkwa, kaye ishkuteyuu.

Matthew 3:3

Eukw maak uyuu John kaa aayimuumaat aniyaa uchischiwehiichesuu Isaiah kaa ishinihkaasut iskutak kaa itwekupane, Ihtaau awen e tepwet anite pakwaatiskamikaahch e itwet, Ayeskawiihkamuwaahkw Utipeyihchikeu umeskanaam anit che pimuhtet, kuiskumuhtaawaahkw.

Mark 11:32

Chika itaanuu aa maak, ‘Naapeu kaa itikut.’ ” Chii wawaaneyihtamuch taan chechii ishi nishkweushihaatwaau e chii kushtaatwaau aniyuuh iinuuh anit kaa ihtaayich. Wesh misiwe chii taapwehtamiyuuh taapwe e chii uchischiwehiichesuyich aniyaanaa John.

Luke 1:32

Naashch taapwe kata chisteyihtaakusuu. Chishemanituu maauch kaa ispeyihtaakusit Ukusisa ekun che ishinihkaataakanuut. Wesh Utipeyihchikeu Chishemanituuh chika chisheuchimaauhiikuu anite Israel aschiihch mwehch kaa ishi chisheuchimaauhaakanuyich aniyaanaa utaanische umushuum David kaa ishinihkaasuyich.

Luke 1:35

Ekw kaa itikut aniyuu enchil, “Kaa payehchisiit Ahchaahkw chika utihtikw, Chishemanituu maauch e ispeyihtaakusit, usuuhkaatiisiiwinihch ekut che uhchi kanuweyimaausuyin. Eukw maak che uhchi ishinihkaataakanuut an awaash che pimaatisiit kaa payehchisiit kaye Chishemanituu Ukusisa chika ishinihkaataakanuu.

Luke 6:35

Maaute chipaa ihtin, chipaa saachihaauch anichii kaa macheyimiskwaau, kaye chipaa miyutuutawaauch, chipaa miyaauch kaye chekwaayuu e ishi nituweyihtamaaskwaau. Namui chipaa uhchi pukuseyihten miin chechii chiiwemiikuyin, che mishaach maak chitipahamaakusiiwin. Kaye maak uu ihtuutamane chika nuukun e utawaashiimitutaask Chishemanituu, maauch kaa ispeyihtaakusit. Wesh miyutuutaweu misiwe aweyuu aat aniyuu ekaa kaa nanaaskumuyich kaye aniyuu kaa machihtwaayich.

John 1:23

Ekw John kaa itwet, “Eukw an niya kaa chii tipaachimit aniyaanaa uchischiwehiichesuu Isaiah. Chii iteu, Chika takushinuu awen anite pakwaatiskamikaahch e uhtuhtet e ishi tepwet, Ayeskawiihkamuwaahkw Utipeyihchikeu umeskanaam anit che pimuhtet, kuiskumuhtaawaahkw.”

John 1:27

Uu maak eshkw che takushihk wiya uste chisteyihtaakusuu ishpish niya, namui waawaach nitepicheyihtaakusin chechii aapihkunamuch umaschisiniyaapiih.”

John 3:28

Chiyawaau maak chichii pehtuunaawaau uu kaa itweyaan, ‘Namayeu niya an Christ mikw maak nichii pechi niikaanitishihukuun niya chechii aayimuumak.’

ᐊᐸᔅᑕᓚᒡ 16:17

Nichii papaanuushuushkaakunaan an ishkwesh e tepwet e itwet, “Chishemanituu maauch kaa chisteyihtaakusiyich atushkuweuch uchii naapeuch. Chika wiihtamaakuwaauch taanite chechii uhchi pimaachihuyekw.”