Luke 1:58 - Chishemanituu Utayimuwin: Kaa Uskaach Testament

⁵⁸ Iskutak maak piyehtamiyich uwaahkumaakan kaye misiwe iinuu anit peshuch kaa ihtaayich, naashch taapwe chii miyeyihtamiyuu e chii pehtahkwaau taan kaa ishi miyutuutamaakut Utipeyihchikeu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵⁸ ᐃᔅᑯᑕᒃ ᒫᒃ ᐱᔦᐦᑕᒥᔨᒡ ᐅᐙᐦᑯᒫᑲᓐ ᑲᔦ ᒥᓯᐌ ᐄᓅ ᐊᓂᑦ ᐯᔓᒡ ᑳ ᐃᐦᑖᔨᒡ, ᓈᔥᒡ ᑖᐺ ᒌ ᒥᔦᔨᐦᑕᒥᔫ ᐁ ᒌ ᐯᐦᑕᐦᒀᐤ ᑖᓐ ᑳ ᐃᔑ ᒥᔪᑑᑕᒫᑯᑦ ᐅᑎᐯᔨᐦᒋᑫᐤ᙮

Luke 1:58 Iomraidhean Croise

Luke 1:14

Naashch maak chika miyeyihtenaawaau kaye naashch chika sichiyeyihtenaawaau. Mihchetu kaye awenichii chika miywaatamuch iskutak pimaatisiyichen.

Luke 1:25

Ekw Elizabeth kaa itwet, “Nichii pimaameyimun ekaa uhchii ayaawak awaash, mikw maak nichii ihtuutamaakw Utipeyihchikeu chechii ayaaumach awaasha, ekw maak namui nika uhchi pimaameyimun.”

Luke 1:57

Chek chii utihchipayuu Elizabeth che pimaatisiyich aniyuu utawaashiim, chii naapeshiiwiyuu maak.

Luke 14:12

Ekw Jesus kaa itaat aniyuu naapeu kaa wiishaamikut e makusheyich, “E makusheyin maa, ekaawii mikw chiwiichewaakanich wiishaamach maak chiichiinuuch maak chiwaahkumaakanich maak e miisitisiitwaau awenichii anit peshuch e wiichimatwaau, wesh katachii ishinaakuniyuu kaye chiya eshkw chechii wiishaamiskwaau, chechii ihtuutaaskwaau kaye chiya taan aniyuu kaa ishi ihtuutuutwaau.

Romans 12:15

Wiich miywaatamuumaahkuch anichii kaa miywaatahkwaau. Wiich misimeyihtamuumaahkuch anichii kaa misimeyihtahkwaau.

1 Corinthians 12:26

Ihtakuhche e ishi aahkusiimakahch an miiyuu, misiwe e ishpishaach miiyuu chika muushihtaachemakan. Kaye peyakw paschesiwin anit miiyuuhch miyuhkaakanuuhche, misiwe e ishpishaach an miiyuu chika miyeyimuumakan.