Luke 1:49 - Chishemanituu Utayimuwin: Kaa Uskaach Testament

⁴⁹ Wesh Chishemanituu kaa suuhkaatisiit maamishkaach nichii ishi miyutuutamaakw kaye maak chisteyihtaakuniyuu utishinihkaasuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁹ ᐌᔥ ᒋᔐᒪᓂᑑ ᑳ ᓲᐦᑳᑎᓰᑦ ᒫᒥᔥᑳᒡ ᓂᒌ ᐃᔑ ᒥᔪᑑᑕᒫᒄ ᑲᔦ ᒫᒃ ᒋᔅᑌᔨᐦᑖᑯᓂᔫ ᐅᑎᔑᓂᐦᑳᓱᐎᓐ᙮

Luke 1:49 Iomraidhean Croise

Mark 5:13

Ekun maak kaa ihtuutawaat Jesus aniyuu kaa itweyich. Anichii maak machiahchaahkuch, iskutak kaa wiiwiiskuwaatwaau aniyuu naapeu ekw aniyuu kuuhkuusha kaa aashuupiihchishkuwaatwaau. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau. Wiyesh maak niishwaau chishemitaahtumitanuu chii tashiichenich uchii kuuhkuushach.

Luke 1:48

Wesh chii naanaakatuwaapahtamuweu utaapachihaakaniskwem utipihteyihtaakusiiwiniyuu. Taan che ishpish aanische pimaatisiiwaakwenich iinuuch anite ishi niishtamihch chika aayimuutamuch taan kaa ishpish shaweyimikuuch.

Luke 1:50

Muush shaweyimeu aniyuu aweyuu kaa nanahchiishtaakut, ekun muush kaa pechi ihtit kaye maak ekun muush che ihtit.

Ephesians 3:20

Chishemanituu, an umaskuusiiwin e aapatisiimakaniyich chipimaatisiiwinaahch uste yaapach chika chii ihtuutamaakunuu taan e ishpish nitutamuuhkw kaye uste yaapach chika chii ihtuutamaakunuu taan e iteyimahkw chechii ihtuutamaatahkw.

Revelation 15:4

Utipeyihchikeu, awen ekaa che nanihchiishtaask kaye ekaa che chishtaatutahk chitishinihkaasuwiniyuu. Wesh mikw chiya chipayehchisiin. Misiwe awenichii e itiskaanesitwaau chika pechi nuuchiishtaakuch wesh chichii waapahtiiwen e ishpish kuiskw ihtiyin.” Eukw uyuu kaa itahamaasutwaau e nikamutwaau.

Revelation 4:8

Misiwe maak e neutwaau kutwaashch tahtiniyuuh utihtahkunawaauh. Misiwe e ispichishtitwaau ihtakuniyuuh uschiishikuwaauh, waawaach shiipaa utihtahkuniwaahch ihtakuniyuuh. Namui maak chipihtuweuch e nikamutwaau e tipiskaayich kaye e chiishikaayich, e itwetwaau, “Payehchisiyuu, payehchisiyuu, payehchisiyuu Utipeyihchikeu Chishemanituu maauch kaa suuhkaatisiit, an muush kaa pechi ihtaat, an anuhchiish kaa ihtaat, kaye an che takushihk.”