Luke 1:42 - Chishemanituu Utayimuwin: Kaa Uskaach Testament

⁴² Kaa itaat aniyuu Mary e chishewet, “Chii maauch chishaweyimukw Chishemanituu e tashitwaau iskweuch, kaye naashch taapwe shaweyihtaakusuu an awaash che ayaawat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴² ᑳ ᐃᑖᑦ ᐊᓂᔫ ᒣᕇ ᐁ ᒋᔐᐌᑦ, ᒌ ᒫᐅᒡ ᒋᔕᐌᔨᒧᒄ ᒋᔐᒪᓂᑑ ᐁ ᑕᔑᑣᐤ ᐃᔅᑴᐅᒡ, ᑲᔦ ᓈᔥᒡ ᑖᐺ ᔕᐌᔨᐦᑖᑯᓲ ᐊᓐ ᐊᐙᔥ ᒉ ᐊᔮᐗᑦ᙮

Luke 1:42 Iomraidhean Croise

Luke 1:28

Chii nituwaapamikuu maak Mary aniyuu enchil ekw kaa itikut, “Chiyaameyihta, wesh Utipeyihchikeu chiwiicheukw. Chishemanituu mistahii chiwii shaweyimukw.”

Luke 1:41

Iskutak maak Elizabeth kaa waachiyemikut Mary chii muushiheu e uhchi yaayaahchiyich utawaashiim. Ekw Elizabeth kaa saakaschineshkaakut Kaa payehchisiyich Ahchaahkwa.

Luke 1:43

Nimiskaateyihten maak chekwaan niya wehchi pechi chiiutamiyich Nitipeyihchikem ukaawii.

Luke 1:48

Wesh chii naanaakatuwaapahtamuweu utaapachihaakaniskwem utipihteyihtaakusiiwiniyuu. Taan che ishpish aanische pimaatisiiwaakwenich iinuuch anite ishi niishtamihch chika aayimuutamuch taan kaa ishpish shaweyimikuuch.

Luke 19:38

Eukw maak uyuu kaa itwetwaau e maamihchimaatwaau Chishemanituu, “Shaweyihtaakusuu uu chisheuchimaau kaa pechi itishahukut Utipeyihchikeu, chechii ihtuutahk aniyuu kaa itashumaakanuut. Ihtakun chiyaameyihtamuwin kihchikiishikuhch. Kaye maak kata wii maamihchimaakanuu Chishemanituu maauch kaa chisteyihtaakusit.”

Romans 9:5

Aniyehkaanaanich aanische chiwaahkumaakanuuh Abrahamh, Isaac ekw maak Jacob e ihtaayihch chii uhchi aanische pimaatisiyuuch. Ekute kaye wiya Jesus Christ kaa uhchi aanische pimaatisiit iskutak naapeu kaa ishihaakanuut. Chishemanituu an misiwe chekwaayuu kaa pimipayihtaat, kaachiche katawii maamihchimaakanuu. Amen.

Hebrews 12:2

Kaye kanawaapamaataau Jesus, an kaa ihtuutaatahkw chechii taapwehtamuhkw. Wiya chiwiichihiikunuu wetaach chechii suuhchikaapuuyihkw chitaapwehtamuwinaahch paatish tekash chii nanihiiwehiihkwe Chishemanituu. Chii shaapushkam nipuwiniyuu asiteyaahtikuhch kaye namui mechim uhchi aapateyihtamihiikuu aat e chii maayeyimaakanuut kaye e chii nenehkaateyimuhaakanuut wesh mikw aniyuu taan che ishpish muuchicheyihtahk iskutak miyaaupayiche anit e nanehkaateyimut ekun aniyuu kaa maamituneyihtamihiikut. Ekw maak anuhchiish, wiya chuuchisheuchimaaminaanuu anite maak apuu Chishemanituu unihiiwiniihch iitehche.