Luke 1:3 - Chishemanituu Utayimuwin: Kaa Uskaach Testament

³ Ekw maak naashch yaakwaau kaa nituu kachescheyihtamaan uyuu misiwe chekwaayuu taan nihaau kaa ati ispayihkwaau ushkach chehchipayihkwaau. Ekw maak kaa iteyihtamihiikuyaan che miywaakupane kaye niya chechii masinahamuwaapaane e wiihtamaataan misiwe taan nihaau kaa ati ispayihch ekw maak chechii itishahamaataan nimasinahiikan, chiya Theophilus maauch chesteyihtaakusiyin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᒫᒃ ᓈᔥᒡ ᔮᒀᐤ ᑳ ᓂᑑ ᑲᒉᔅᒉᔨᐦᑕᒫᓐ ᐅᔫ ᒥᓯᐌ ᒉᒀᔫ ᑖᓐ ᓂᐦᐋᐤ ᑳ ᐊᑎ ᐃᔅᐸᔨᐦᒀᐤ ᐅᔥᑲᒡ ᒉᐦᒋᐸᔨᐦᒀᐤ᙮ ᐁᒄ ᒫᒃ ᑳ ᐃᑌᔨᐦᑕᒥᐦᐄᑯᔮᓐ ᒉ ᒥᔻᑯᐸᓀ ᑲᔦ ᓂᔭ ᒉᒌ ᒪᓯᓇᐦᐊᒧᐙᐹᓀ ᐁ ᐐᐦᑕᒫᑖᓐ ᒥᓯᐌ ᑖᓐ ᓂᐦᐋᐤ ᑳ ᐊᑎ ᐃᔅᐸᔨᐦᒡ ᐁᒄ ᒫᒃ ᒉᒌ ᐃᑎᔕᐦᐊᒫᑖᓐ ᓂᒪᓯᓇᐦᐄᑲᓐ, ᒋᔭ ᑎᔻᕕᓚᔅ ᒫᐅᒡ ᒉᔅᑌᔨᐦᑖᑯᓯᔨᓐ᙮

Luke 1:3 Iomraidhean Croise

Luke 1:1

Chiya Theophilus, chika aayimuutamaatin an miywaachimuwin taan kaa ishi pimaatisiit Jesus mekwaach utah aschiihch mekwesiin e ihtaayaahch kaa ihtaat. Mihchetu awenichii chii kuchihtaauch chechii masinahahkwaau aniyuu taan kaa ishi pimaatisiyich Jesus.

ᐊᐸᔅᑕᓚᒡ 1:1

Chiya Theophilus chimasinahamaatin. Niishtam masinahiikan kaa masinahamaacheyaan ekut kaa wiihtamaan misiwe taan kaa aihtit Jesus kaye taan kaa ishi chiskutamaachet uskach kaa chihchipayihtaat utaapatisuwin piihiim maak kaa pechi utinaakanuut kihchikiishikuhch ishi.

ᐊᐸᔅᑕᓚᒡ 11:4

Ekw Peter kaa wiihtamuwaat misiwe taan nihaau kaa pechi ispayiyich e itaat,

ᐊᐸᔅᑕᓚᒡ 15:19

Ekw James kaa itaat miin aniyuu iinuu, “Nititeyihten niya anichii ekaa Jewa kaa itiskaanesitwaau kaa taapweyimaatwaau Chishemanituu, namui chipaa uhchi aayihkamihaakanuuch chechii ishi pimaatisiitwaau aniyuu taan e ishi pimaatisiyich Jewa iinuuh.

ᐊᐸᔅᑕᓚᒡ 15:25

Eukw maak wehchii nishtuwiyaahch utah, nichii wiyeyihtenaan maak chechii itishahuchihtwaau awenichii anite e ihtaawekw. Kata pechi wiicheweuch Paul ekw maak Barnabas, aniyuuh niwiichewaakanaanh kaa saachihiimachiht.

ᐊᐸᔅᑕᓚᒡ 15:28

Taapishkun Kaa payehchisiit Ahchaahkw ekw maak niyaan nichii naheyihtenaan ekaa chechii aayimeyihtamihiitaahch mikw maak eukw uu netaweyimitaahch chechii kanuweyihtamekw.

ᐊᐸᔅᑕᓚᒡ 18:23

Ekut kaa ihtaat weipishchiish ekw miin kaa chistuhtet. Ekw anite aschiihch Galatia kaye Phrygia kaa ishinihkaateyikwaauh ekute kaa ituhtet, e ayimihaat aniyuu Jesus kaa taapweyimaayich chechii yaaichikaapuyich.

ᐊᐸᔅᑕᓚᒡ 23:26

“Claudius Lysias niya, chii chisheuchimaau Felix chimasinahamaatin,

ᐊᐸᔅᑕᓚᒡ 24:3

Misiwe maak taanite e ati aihtaayaahch taapwe chiniskumitinaan taan kaa ishi ihtuutaman kaa ishpish uchimaawiyin ute e ihtaayaahch.

ᐊᐸᔅᑕᓚᒡ 26:25

Ekw Paul kaa nishkweushihaat e itaat, “Namui nichiishkwen, Festus maauch kaa chisteyihtaakusiyin. Nitaapwen an kaa ishi wiihtamaan kaye maak kachehtaaweyihtamuwinihch uhchipayuu.

1 Corinthians 16:12

Ekw maak chiichishaanuu Apollos che aayimuumak. Muush nichii siihchimaau chechii chiiutamitaakw iskutak kaautamitaakw aniyuuh kutak chiichishaanuuh. Namui uhchii wiya ituhteu anuhchiish wii. Wiipach kiipaa nihiipayite chika nituwaapamikuwaau.

1 Corinthians 7:40

Niya maak wii e iteyihtamaan uste chipaa miyeyihtam ekaa miin niipuut iskweu e peyakut. Namui chiwii wiishuwaatitinaawaau mikw maak ekun e iteyihtamaan chipaa ishi miywaau ihtiyekw kaye maak nititeyihten e ayaaumach Chishemanituu Utahchaahkwa uu kaa itweyaan.

1 Timothy 4:6

Chiishpin maak uyuu ishi waawiihtamuutwaawenich wiichishaanimaauch chika miyu atushkuwaau Christ Jesus wesh chika miyu nihtaauchihiikuun taan e ishi taapwemakaniyich Chishemanituu utayimuwin kaye an miyu chiskutamaachewin kaa ishi nuushunehaman.