Luke 1:29 - Chishemanituu Utayimuwin: Kaa Uskaach Testament

²⁹ Mary maak chii sechisuu kaye chii miskaateyihtamihiikuu uyuu taan kaa itaakanuut kaye chii maamituneyihtamihiikuu aniyuu taan kaa wiishi wiihtamaakut aniyuuh enchil.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁹ ᒣᕇ ᒫᒃ ᒌ ᓭᒋᓲ ᑲᔦ ᒌ ᒥᔅᑳᑌᔨᐦᑕᒥᐦᐄᑰ ᐅᔫ ᑖᓐ ᑳ ᐃᑖᑲᓅᑦ ᑲᔦ ᒌ ᒫᒥᑐᓀᔨᐦᑕᒥᐦᐄᑰ ᐊᓂᔫ ᑖᓐ ᑳ ᐐᔑ ᐐᐦᑕᒫᑯᑦ ᐊᓂᔫᐦ ᐁᓐᒋᓪ᙮

Luke 1:29 Iomraidhean Croise

Matthew 16:7

Chii ayimituutamuch aniyuu kaa itikutwaau Jesus e itwetwaau, “Ekaa uhchi peshiimuhkw aaihkunaau eukw wehchi itwet uyuu.”

Luke 1:12

Iskutak maak Zechariah wiyaapamaat aniyuu enchil chii kushkupayuu kaye naashch chii sechisuu.

Luke 1:28

Chii nituwaapamikuu maak Mary aniyuu enchil ekw kaa itikut, “Chiyaameyihta, wesh Utipeyihchikeu chiwiicheukw. Chishemanituu mistahii chiwii shaweyimukw.”

Luke 1:66

Misiwe maak tahtu awenichii kaa pehtahkwaau naashch chii maamituneyihtamuch e iteyihtahkwaau, e ishi maa kata iteyihtaakusuu uu awaash. Wesh mitun chii chischeyihtaakun shaash Utipeyihchikeu e wiishuwaatikut uu awaash.

Luke 2:19

Mary maak chii kanuweyihtam utehiihch misiwe uyuu chekwaayuu, taan kaa itaachimaakanuyich, eyuu naashch chii maamituneyihtamihiikuu.

Luke 2:51

Ekw kaa wiichewaat e chiiweyich anite Nazareth, chii pishichiheu maak chekwaayuu e itashumikut. Ukaawii maak chii kanuweyihtamiyuu utehiihch misiwe taan kaa ispayiyich.

ᐊᐸᔅᑕᓚᒡ 10:17

Mekwaach maak Peter e maamituneyihtahk taan chipaa chii ishi wiihtamaachemakaniyich uyuu kaa waapahtiyaakanuut, anichii naapeuch Cornelius kaa pechi itishahukutwaau chii miskamuweuch Simon taanit waachiyich ekw maak anit e uhchi piihtukaanuyich kaa pechi niipuutwaau,

ᐊᐸᔅᑕᓚᒡ 10:4

Chii mistakanuwaapameu maak aniyuu enchil e sechisit ekw kaa itaat, “Chekwaan, Utipeyihchikeu.” Ekw kaa itikut aniyuu enchil, “Chishemanituu chii naheyihtamihiikuu taan kaa ishi ayimihaayin, kaye taan kaa ishi miyu wiichihiitwaau kutakach awenichii, namui maak chika uhchi wanchischisiitutaakw.