John 9:4 - Chishemanituu Utayimuwin: Kaa Uskaach Testament

⁴ Chipaa atushkuwaanuu an kaa pechi itishahuut mekwaach e chiishikaach wesh shaash wiipach kata tipiskaau. Taapaa aapatisinaanuu e tipiskaach.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒋᐹ ᐊᑐᔥᑯᐙᓅ ᐊᓐ ᑳ ᐯᒋ ᐃᑎᔕᐦᐆᑦ ᒣᒀᒡ ᐁ ᒌᔑᑳᒡ ᐌᔥ ᔖᔥ ᐐᐸᒡ ᑲᑕ ᑎᐱᔅᑳᐤ᙮ ᑖᐹ ᐋᐸᑎᓯᓈᓅ ᐁ ᑎᐱᔅᑳᒡ᙮

John 9:4 Iomraidhean Croise

Matthew 20:7

“Ekw kaa itikut, ‘Namui awen eshkw nuuhchi utaaskunikunaan.’ Ekw kaa itaat, ‘Kaye chiyawaau maataan nituu aapatisikw anite nishuuminaahtikw nihtaauchihchikan aschiihch.’ ”

Mark 3:3

Jesus chii iteu aniyuu naapeu kaa maaskaniyich utihchiyuu, “ashtam ute niikaanaanihch.”

John 10:32

Ekw Jesus kaa itaat, “Mihchetwaau chichii waapahtenaawaau taan kaa ishpish chii miyutuutamaatakuch. Nanaahkuu chichii nuukuhtwaatinaawaau miyutuutamaachewinh Chishemanituu e chii pechi miit chechii waapahtiitikuch. Taan an kaa ihtuutamaan wehchi wii pimushinaatahuyekw.”

John 10:37

Ekaa e ihtuutamuwaauche aniyuu kaa ishi nituweyimit Nuuhtaawii chechii ihtuutamuch ekw kiipaa namui ihtakun chechii taapweyimiyekw Chishemanituu Ukusisa e aawiyaan.

John 12:35

Jesus kaa itaat, “Weipishchiish miin chika ihtakun waashtewin utah e ihtaayekw. Suuhk maak pimuhtekw eshkw e ayaayekw waashtewin ekw maak namui wanitipiskusiiwinihch chika uhchi ihtaanaawaau. Awen e pimuhtet anite wanitipiskusiiwinihch namui chischeyihtam taanite e ituhtet.

John 17:4

Nichii waapahtiiwen utah aschiihch taan e ishpish chisteyihtaakusiyin, e chii chiishihtaayaan an atushchewin kaa pechi miyin che ihtuutamaan.

John 4:34

Jesus kaa itaat, “Chechii ihtuutamuch utiteyihtamuwin an kaa pechi itishahuut kaye chechii chiishihtaauch aniyuu kaa ishi nituweyimit chechii ihtuutamuch eukun an mwehch nimiichim e iteyihtamaan.

John 5:19

Jesus maak chii iteu, “Kuiskw chiwiihtamaatinaawaau, Ukusisimaau namui mikw wiya chika chii ihtuutam chekwaayuu. Uhtaawiimaauh kanawaapameu chekwaayuu e ihtiyich kaye wiya maak ekun e ati ihtit. Mikw taan e ihtiyich Uhtaawiih ekun e ihtit kaye wiya Ukusisimaau.

John 5:36

Chii taapweu John taan kaa itaachimit, mikw maak niya taan e ishi maamishkaach ihtiyaan wetaach chiihkanaakuniyuu nuuhtaawii e chii pechi itishahuut. Wesh Nuuhtaawii nichii miikw suuhkaatisiiwiniyuu chechii maamishkaach ihtuuch chechii uhchi chischeyimakuyaan niya e aawiyaan Christ, wiya Nuuhtaawii e chii pechi itishahut.

John 7:33

Jesus maak chii iteu, “Eshkw weipishchiish nika ihtaan utah e ihtaayekw. Mikw maak shaash wiipach nika ituhten anite nuuhtaawii e ihtaat, an kaa pechi itishahuut.

ᐊᐸᔅᑕᓚᒡ 4:20

Wesh taapaa nika chii puuniinaan e waawiihtamaahch taan kaa ishi waapahtamaahch kaye taan kaa ishi pehtamaahch.”

Galatians 6:10

Mikw maak che ishpish miikuwaauhkwe chechii miyutuutamuhkw ekun muush ishi kuchihtaataau chechii ishi miyutuutamuhkw, muush misiwe awen chechii waawiichihiihkw. Etituu maak anichii kaa taapweyimaatwaau Jesus chipaa wii miyutuutawaanuuch.

Ephesians 5:16

Kaye maak ekaawii nanaayuuhtaakw chichiishikaamiwaauh wesh naashch mishaau machaatisiiwin uyuuh anuhchiish kaa chiishikaakwaauh.

Colossians 4:5

Suuhk wii kachehtaaweyihtamukw taan e ishi pimaatisiyekw mekwesiinuu anite anichii ekaa kaa taapwehtahkwaau e pimaatisiyekw. Muush utinamaasukw taanit teupayihch maanh chechii ayimihekuch anichii ekaa kaa taapwehtahkwaau.