John 9:2 - Chishemanituu Utayimuwin: Kaa Uskaach Testament

² Ekw aniyuu uchischinuhamuwaakan kaa kakwechimikut, “Chischinuhamaachesuu chekwaayuu wehchi ishinaakusit uu naapeu chihchiwe ekaa waapahtahk. Wiya aa e chii machituutahk maak aniyuu uniichihiikw e chii machituutamiyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᒄ ᐊᓂᔫ ᐅᒋᔅᒋᓄᐦᐊᒧᐙᑲᓐ ᑳ ᑲᑴᒋᒥᑯᑦ, ᒋᔅᒋᓄᐦᐊᒫᒉᓲ ᒉᒀᔫ ᐌᐦᒋ ᐃᔑᓈᑯᓯᑦ ᐆ ᓈᐯᐤ ᒋᐦᒋᐌ ᐁᑳ ᐙᐸᐦᑕᐦᒃ᙮ ᐎᔭ ᐋ ᐁ ᒌ ᒪᒋᑑᑕᐦᒃ ᒫᒃ ᐊᓂᔫ ᐅᓃᒋᐦᐄᒄ ᐁ ᒌ ᒪᒋᑑᑕᒥᔨᒡ᙮

John 9:2 Iomraidhean Croise

Matthew 16:14

Ekw kaa itikut, “Pasch awenichii aniyaa John siikahaahtaacheu iteyimeuch, ekw kutakach aniyaa Elijah iteyimeuch, ekw kutakach aniyaa Jeremiah ekun e iteyimaatwaau, kutakach miin iteyimeuch kutak uchischiwehiichesuuh e aawiyich.”

Matthew 23:7

Nituweyihtamuch yaaitei muush chechii waautinischenaakanuutwaau anite e mihchetinaanuyich kaye nitaweyimeuch aweyuu ‘Chischinuhamaachesuu’ chechii ishinihkaatikutwaau.

Matthew 23:8

Ekaawii maak wii chiyawaau nitaweyihtamukw ‘chischinuhamaachesuu’ chechii ishinihkaatikuyekw, wesh misiwe chiwiichishaanihtunaawaau, kaye maak mikw peyakushuu chichischinuhamaachesiimuwaau.

Luke 13:2

Ekw Jesus kaa itaat, “Chititeyihtenaawaau aa aniyuu e chii nipahaakanuutwaau e nuukuniyich uste wiyawaau e chii machituutamuwaakupanenich ishpishaat kutakach iinuuch utah Galileehch.

John 4:31

Mekwaach maak uu, Jesus uchischinuhamuwaakanh chii wii aayihkamihiikuu, “Chischinuhamaachesuu, miichisuu,” e itikut.

John 9:1

Mekwaach Jesus e pimuhtet uchischinuhamuwaakan e wiichewaat chii waapameu naapeu ekaa uhchi waapahtamiyich iskunaak kaa pimaatisiyich.

John 9:34

Ekw anichii kaa niikaanishkuwaatwaau Jewa iinuuh kaa nishkweushihaatwaau aniyuu naapeu e itaatwaau, “Machaatisiiwinihch chichii uhchi pimaatisiin kaye anite machaatisiiwinihch ekute kaa ishi nihtaauchinikuyin, e iteyihtaman maak yaapach chechii chiskutamuuyaahch.” Ekw kaa wiiwiitishihwaatwaau chihchiwe anit ayimiheukamikuhch aniyuu naapeu.

ᐊᐸᔅᑕᓚᒡ 28:4

Ekw anichii iinuuch iskutak wiyaapamaatwaau aniyuu chinepukw e chikamuyich anit Paul utihchiyich kaa ititutwaau, “Chii nipahiiweche aahchin uu naapeu, ekw maak aat e chii ushimut anite chihchikamiihch uhchi, yaapach utihtahukuu chechii waweshihaakanuut. Eukw aniyuu wehchi maakumikut aniyuu chinepukw.”