John 8:6 - Chishemanituu Utayimuwin: Kaa Uskaach Testament

⁶ Eukw uyuu kaa itaatwaau e chii wii naanituu kakwechihaatwaau che piikunamiikwen uyuu wiishuwewiniyuu, ekw maak piikunamiikwen chipaa ihtakuniyuu che ishi mimisimaatwaau. Mikw maak anite aschiihch chii ishi nawewiyuu Jesus, kaa masinahiichet anit yekaahch utihchii e aapachihtaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᐅᒄ ᐅᔫ ᑳ ᐃᑖᑣᐤ ᐁ ᒌ ᐐ ᓈᓂᑑ ᑲᑴᒋᐦᐋᑣᐤ ᒉ ᐲᑯᓇᒦᑴᓐ ᐅᔫ ᐐᔓᐌᐎᓂᔫ, ᐁᒄ ᒫᒃ ᐲᑯᓇᒦᑴᓐ ᒋᐹ ᐃᐦᑕᑯᓂᔫ ᒉ ᐃᔑ ᒥᒥᓯᒫᑣᐤ᙮ ᒥᒄ ᒫᒃ ᐊᓂᑌ ᐊᔅᒌᐦᒡ ᒌ ᐃᔑ ᓇᐌᐎᔫ ᒌᓴᔅ, ᑳ ᒪᓯᓇᐦᐄᒉᑦ ᐊᓂᑦ ᔦᑳᐦᒡ ᐅᑎᐦᒌ ᐁ ᐋᐸᒋᐦᑖᑦ᙮

John 8:6 Iomraidhean Croise

Matthew 10:16

“Nituhtamukw, chichihchitishahuutinaawaau mwehch maanishchaanishach e itishahwaakanuutwaau anite e mihchetiyich mahiihkanh e ihtaayich. Yaakwaau ihtikw mwehch chinepukw e ishi yaakwaau ihtit, kaye maak yuuspisiikw mwehch umiimiiu e ishpish yuuspisiit.

Matthew 15:23

Mikw maak namui mitun uhchi chistuteu Jesus aniyuu iskweu. Ekw uchischinuhamuwaakan kaa pechi nituwaapamikut, kaa aayihkamihiikut e itikut, “Iichechishihuu maa an iskweu, mwestaastaakusuu aniyuu e ishimut e nuushuushkaakuyihkw.”

Matthew 16:1

Pasch maak Phariseech ekw maak Sadduceech chii pechi nituwaapameuch aniyuu Jesus e wii kakwechihaatwaau. Chii iteuch maak chechii waapahtiikutwaau maamishkaach waapahtiiwewiniyuu kihchikiishikuhch e uhchiimakaniyich.

Matthew 19:3

Pasch maak Phariseeh chii pechi nituwaapamikuu e wii kakwechihiikut. Chii itikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.”

Matthew 22:18

Jesus maak chii chischeyimeu nitamukw e chii wii itwehiikut ekw kaa itaat, “Chiyawaau kaa ayimihehkaasuyekw, chekwaan wehchi wii pechi kakwechihiyekw.

Matthew 22:35

Peyakw maak anit e tashitwaau anichii Phariseech, kaa chiskutamaachet wiishuwewiniyuu e itaapatisit, chiwii naanituu pisiiwiyeu Jesus, e kakwechimaat chekwaayuu.

Matthew 26:63

Jesus maak namui uhchi chistuu. Ekw miin kaa itikut aniyuu chisheayimiheuchimaau, “Kuiskw maa pechi wiihtamunaan e pehtaask an pemaatisiit Chishemanituu, eukw aa chiya taapwe Christ, Chishemanituu Ukusisa.”

Mark 10:2

Chii takushiniyuuh Phariseeh e chii wii naanituu pisiiwiikut ekaa kuiskw chechii ishi wiihtahk chekwaayuu. Chii ishi kakwechimikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.”

Mark 12:15

Nipaa chiishiihkenaan aa maak namui. Jesus maak chii chischeyimeu e wii pisiiwiikut uyuu e ishi kakwechimikut ekw kaa itaat, “Chekwaan wehchi wii pechi kakwechihiyekw. Peshuwaahkw maa shuuliyaawaapiskush, che kanawaapamak.”

Mark 3:2

Chii ihtaayuuh kaye anit aweyuuh e wii naanituu mamishimikut Jesus ekw naashch kaa naanaakachihiikut chechii aahch miinawaachihiiweyikwen e ayimiheuchiishikaayich.

Mark 8:11

Chii ihtaauch pasch Phariseech e pechi nituwaapamaatwaau Jesus e pechi machihtaakusitwaau. Chii nanaaskuushiheuch e wii naanituu kakwechihaatwaau, ekw kaa itaatwaau chechii waapahtiikutwaau maamishkaach waapahtiiwewiniyuu kihchikiishikuhch e uhchiimakaniyich.

Luke 10:25

Peyakwaau maak naapeu kaa chiskutamaachet ayimihewin wiishuwewiniyuu e itaapatisit chii naateu Jesus e wii kakwechihaat, e itaat, “Taanite che ihtiyaan chechii uhchi ayaayaan kaachiche pimaatisiiwin.”

Luke 11:16

Kutakach maak chii wii kakwechiheuch Jesus e wii naanituu chischeyihtamuwaatwaau taanite wehchipayiyich aniyuu umaskuusiiwin. Ekw kaa itaatwaau chechii waapahtiikutwaau maamishkaach waapahtiiwewiniyuu Chishemanituu e ihtaayich e uhchipayiyich.

John 8:2

Wiipach miin wiyaapaniyich anite chisheayimiheukamikuhch miin chii ituhteu. Misiwe maak aniyuuh iinuuh chii pechi nituwaapamikuu. Kaa waweyapit ekw kaa chiskutamuwaat.

1 Corinthians 10:9

Nesht ekaawii chika uhchi kakwechihaawaau Utipeyihchikeu muyaam taan kaa ihtitwaau pasch anichii awenichii. Chinepukw maak chii nipahiikuuch.