John 8:12 - Chishemanituu Utayimuwin: Kaa Uskaach Testament

¹² Iskutak Jesus miin e ayimihaat aniyuu iinuu chii iteu, “Niya eukw kaa miikwaau iinuuch waashtewiniyuu utah aschiihch. An awen kaa nuushuushkuut chika ayaau pimaatisiiwiniyuu waashtewinihch uhchi kaye namui chika uhchi pimuhteu wanitipiskisiiwinihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐃᔅᑯᑕᒃ ᒌᓴᔅ ᒦᓐ ᐁ ᐊᔨᒥᐦᐋᑦ ᐊᓂᔫ ᐄᓅ ᒌ ᐃᑌᐤ, ᓂᔭ ᐁᐅᒄ ᑳ ᒦᒀᐤ ᐄᓅᒡ ᐙᔥᑌᐎᓂᔫ ᐅᑕᐦ ᐊᔅᒌᐦᒡ᙮ ᐊᓐ ᐊᐌᓐ ᑳ ᓅᔔᔥᑰᑦ ᒋᑲ ᐊᔮᐤ ᐱᒫᑎᓰᐎᓂᔫ ᐙᔥᑌᐎᓂᐦᒡ ᐅᐦᒋ ᑲᔦ ᓇᒧᐃ ᒋᑲ ᐅᐦᒋ ᐱᒧᐦᑌᐤ ᐗᓂᑎᐱᔅᑭᓰᐎᓂᐦᒡ᙮

John 8:12 Iomraidhean Croise

Matthew 5:14

“Chiyawaau eukw waashtewin utah misiwe e ispichiskamikaach uu aschiih. Muyaam maak utenaau e wiikaapuuhtaakanuuhch anite e wachiyuuhch, namui chika chii kaataakanuu an utenaau.

Luke 2:32

Wiya eukw waashtewin che kanawaapahtahkwaau iinuuch ekaa Jewa kaa itiskaanesitwaau chechii uhchi chischeyimaatwaau Chishemanituu. Kaye wiya uhchi chechii uhchi chishtaachimaakanuyitwaau Chishemanituu utiiniim Israel.” Eukw uyuu kaa itwet Simeon.

John 12:35

Jesus kaa itaat, “Weipishchiish miin chika ihtakun waashtewin utah e ihtaayekw. Suuhk maak pimuhtekw eshkw e ayaayekw waashtewin ekw maak namui wanitipiskusiiwinihch chika uhchi ihtaanaawaau. Awen e pimuhtet anite wanitipiskusiiwinihch namui chischeyihtam taanite e ituhtet.

John 12:36

Taapweyimaahkw an awen kaa miiwet waashtewiniyuu eshkw e ihtaat utah e ihtaayekw, ekw maak anite waashtewinihch che ihtaayekw.” Uyuu maak kaa itwet Jesus ekw kaa nakataat, anite ekaa che uhchi miskaakut ekute kaa nituu ihtaat.

John 12:46

Nichii takushin utah aschiihch chechii miiweyaan waashtewin. Ekw maak an awen che pechi taapweyimikwe namui chika uhchi ihtaau anite wanitipiskusiiwinihch.

John 14:6

Jesus chii nishkweushiheu e itaat, “Niya eukw meskanuu kaye taapwewin kaye pimaatisiiwin, namui awen chika chii naateu Uhtaawiimaau mikw niya uhchi.

John 3:19

Waashtewin chii pechi pachishtinaakanuu utah aschiihch mikw maak uste chii iteyihtamuch awenichii wanitipiskusiiwinihch chechii ishi pimaatisiitwaau ishpish wii waashtewinihch chechii ishi pimaatisiitwaau wesh chii machaatisiyuuch. Eukw maak uyuu che uhchi wiyaaskunaakanuutwaau.

John 7:17

An maak awen suuhk wii ihtuutamuwaate Chishemanituu utiteyihtamuwiniyuu, aniyuu taan e ishi chischinuhamaacheuch ekut che uhchi chischeyihtahk Chishemanituuh kaa pechi itashumiikwen aniyuu chechii ishi chiskutamaacheuch maak mikw niya nititeyihtamuwinihch wehchipayiyikwe.

John 9:5

Mekwaach utah e ihtaayaan aschiihch eukw niya iinuuch uwaashtewinawaau.”

ᐊᐸᔅᑕᓚᒡ 13:47

Eukw uyuu Utipeyihchikeu kaa itashumiyimiht chechii ihtiyaahch kaa itwet, Chichii wiyaapamitin chechii waashtuweyin anite nanaahkuu e itiskaanesitwaau awenichii e ihtaatwaau, chechii uhchi chischeyihtahkwaau taanit e uhchi pimaachihiiwet Chishemanituu. Misiwe maak e ispichiskamikaach utah aschii chika pehtaakun.”

ᐊᐸᔅᑕᓚᒡ 26:23

Uu kaa ishi aayimuutekupane eukw uu Christ kaa ishinihkaataakanuut cheshtinaash che nanehkaachihaakanuut, kaye wiya niishtam che wanishkaat nipuwinihch uhchi, chechii aayimuutamuwaat Jewa iinuuh kaye aniyuu ekaa Jewa kaa itiskaanesiyich waashtewinihch e ihtakuhch pimaachihiikusiiwin.”

2 Peter 2:17

Uchii maak awenichii mwehch uhtahiipaan e paahkupayihkuwaauh iteyihtaakusuuch, maak mwehch kaskawanishkuch e papaamaasitwaau. Anite maauch e ukaashteyaayich ekute e ayeskuushtwaakutwaau Chishemanituu chechii ihtaatwaau.

2 Peter 2:4

Taapaa yaapach uhchi manaachiheu Chishemanituu aniyuu enchil kaa wanituutamiyich, yaapach machi ishkutehch chii itishahuweu. ekute maak anite mekwaach e ihtaayich. Maahchikwaapiskahwaakanuyuu anite e ukaashteyaayich. ekute maak anite che ihtaayich che ishpish ekaa utihchipayiyich taanit che wiyaaskunaakanuyich.

1 John 1:6

Chiishpin itweyihkwe Chishemanituu e wiicheuhkw, wanitipiskusiiwinihch maak e ishi pimaatisiihkw, chinanatayinaanuu kaye namui taapwewinihch chit ishi pimaatisiinaanuu.

Jude 1:13

Mwehch kiskanich chihchikamiihch mekwaach naashch e mista ayuutihch, ekun e ishi piisteutaamutwaau upimaatisiiwiniwaahch taan e ishi pimaameyihtaakuniyich tipiiwe umachituutamuwinawaauh. Mwehch achahkushach mikw nitamukw kaa ishi papaamipayitwaau ekun e ishinaakusitwaau. Ihtakuniyuu maak anite maauch wekaashteyaayich e ayeskuushtamaakutwaau Chishemanituuh kaachiche che ihtaatwaau.

Jude 1:6

Chischisiitutawaahkuch kaye anichii enchilich ekaa uhchi nanaakataweyihtahkwaau taan kaa ishpish miyaakanuutwaau tipeyihchichewiniyuu kaye kaa nakatahkwaau taanit kaa pachishtinaakanuutwaau chechii ihtaatwaau. Mekwaach kaachiche puuchisiyaapiih maahchikwaapihkaasuuch anite nihtaamihch tekash kaa ukaashteyaayich. ekute chepahukuutwaau Chishemanituu paatish utihchipayiyiche aniyuu naashch chesteyihtaakuniyich e chiishikaayich che wiyaaskunaakanuutwaau.

Revelation 21:24

Misiwe maak awenichii e itiskaanesitwaau utah aschiihch ekut che uhchi waashtenimaatwaau aniyuu waashtewiniyuu anit aniyuu ihtaawinihch kaa uhchipayiyich. ekute e ituhtataatwaau uchisteyihtaakusuwinawaauh neshta uweyuutisiiwinawaau chisheuchimaauch utah aschiihch kaa ihtaatwaau.