John 7:7 - Chishemanituu Utayimuwin: Kaa Uskaach Testament

⁷ Taapaa ihtakuniyuu chekwaayuu chechii uhchi uhkaatitaakuch awenich utah aschiihch kaa ihtaatwaau ekaa kaa taapweyimaatwaau Chishemanituu, mikw maak nuuhkaatikuch niya wesh niwiihten taan e ishpish machaatisiinaanuuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᑖᐹ ᐃᐦᑕᑯᓂᔫ ᒉᒀᔫ ᒉᒌ ᐅᐦᒋ ᐅᐦᑳᑎᑖᑯᒡ ᐊᐌᓂᒡ ᐅᑕᐦ ᐊᔅᒌᐦᒡ ᑳ ᐃᐦᑖᑣᐤ ᐁᑳ ᑳ ᑖᐺᔨᒫᑣᐤ ᒋᔐᒪᓂᑑ, ᒥᒄ ᒫᒃ ᓅᐦᑳᑎᑯᒡ ᓂᔭ ᐌᔥ ᓂᐐᐦᑌᓐ ᑖᓐ ᐁ ᐃᔥᐱᔥ ᒪᒑᑎᓰᓈᓅᐦᒡ᙮

John 7:7 Iomraidhean Croise

Luke 6:26

Yaakwaau chiyawaau kaa miywaachimikuyekw, wesh anichii kaa miywaachimitaakuch, aniyehkaanaan maak uwaahkumaakanawaau, ekun mwehch kaa ishi miywaachimaayich machi uchischiwehiichesuuh.”

John 17:14

Nichii wiihtamuwaauch taan kaa ishi miyin chechii wiihtamuukwaau. Chii uhkaatikuch maak aweyuu utah aschiihch kaa ihtaayich wesh taapaa utah aschiihch ishi tipeyihtaakusuuch mwehch niya e ishi ekaa tipeyihtaakusiyaan utah aschiihch.

John 3:19

Waashtewin chii pechi pachishtinaakanuu utah aschiihch mikw maak uste chii iteyihtamuch awenichii wanitipiskusiiwinihch chechii ishi pimaatisiitwaau ishpish wii waashtewinihch chechii ishi pimaatisiitwaau wesh chii machaatisiyuuch. Eukw maak uyuu che uhchi wiyaaskunaakanuutwaau.

Romans 8:7

Wesh anichii nitamukw chechii ishi naniheyihtamihiisutwaau kaa ishi maamituneyihtahkwaau nishkuushtaweuch Chishemanituuh. Namui ihtuutamuweuch taan e itashuweyich. Namui mechim chii ihtuutamuweuch.

Galatians 4:16

Chuuhkaasinaawaau aa ekw taapwewin e wiihtamaatakuch.

James 4:4

Taapwe nitawiin kaa ihtiyekw. Namui aa chichischeyihtenaawaau awen e saachihtaat taan e itaatisiinaanuyich utah aschiihch uhkaateu Chishemanituu. An awen kaa saachihtaat taan e itaatisiinaanuyich utah aschiihch ihtuutaasuu chechii uhkaataat Chishemanituu.

1 John 4:5

Anichii nitamukw kaa ishi chiskutamaachetwaau utah aschiihch uhchiyuuch. Ekun maak wehchi ishi ayimitwaau e ishi ayimiyich aniyuuh aweyuuh ekaa kaa chischeyimaayich Chishemanituuh, ekw maak naashch yaapatihtaakutwaau aniyuuh aweyuuh utah aschiihch kaa ihtaayich.