John 7:4 - Chishemanituu Utayimuwin: Kaa Uskaach Testament

⁴ Namui awen kaataau taan chechii ishi ihtuutahk netuweyihtamukwe chechii miyu chischeyimaakanuut. E ihtuutamuwane maak maamishkaach ihtuwin, pachishtinisuu chechii chischeyimakuyin taan chechii ishi ihtuutaman.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᓇᒧᐃ ᐊᐌᓐ ᑳᑖᐤ ᑖᓐ ᒉᒌ ᐃᔑ ᐃᐦᑑᑕᐦᒃ ᓀᑐᐌᔨᐦᑕᒧᑴ ᒉᒌ ᒥᔪ ᒋᔅᒉᔨᒫᑲᓅᑦ᙮ ᐁ ᐃᐦᑑᑕᒧᐗᓀ ᒫᒃ ᒫᒥᔥᑳᒡ ᐃᐦᑐᐎᓐ, ᐸᒋᔥᑎᓂᓲ ᒉᒌ ᒋᔅᒉᔨᒪᑯᔨᓐ ᑖᓐ ᒉᒌ ᐃᔑ ᐃᐦᑑᑕᒪᓐ᙮

John 7:4 Iomraidhean Croise

Matthew 23:5

Misiwe chekwaayuu kaa ihtuutahkwaau uchii kaa chiskutamaachetwaau wiishuwewiniyuu ekw maak Phariseech pukuseyihtamuch misiwe aweyuu chechii waapamikutwaau. Aniyuu e itaaspisutwaau kaye e taapiskahkwaau miiwatishiyuu chii pukuseyimuuch chechii iteyimikutwaau aweyuu naashch e ayimihewaatisiitwaau.

Matthew 4:6

Ekw kaa itaat, “Taapwe Chishemanituu Weukusiitutaaskwe, aamikwaashkuhtih. Wesh itashteu Chishemanituu utayimuwinihch, Chishemanituu chika itashuwaateu utenchilamh chechii miyunaanaakachihiiskwaau, enchilich chika tahkunikuch ekaa mechim che uhchi aahkuhtataayin chisit asiniihch.”

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Matthew 6:5

“Kaye maak e ayimihaayin, ekaawii ihtih e ihtitwaau anichii utayimihehkaasuch. Naashch e miyeyihtahkwaau e naaniipuutwaau e ayimihaatwaau anite ayimiheukamikuhch kaye anite wiyesh misiwe aweyuu chechii waapamikutwaau. Chiwiihtamaatin shaash ayaauch utipahamaakusiiwinawaau uchii.

Luke 6:45

Wesh awen kaa kuiskutaatisiit, taan e ishi miyu ayaat utehiihch kata chischeyihtaakuniyuu upimaatisiiwinihch, ekw maak awen e machaatisiit, taan e ishi maayaach ayaat utehiihch kata chischeyihtaakuniyuu upimaatisiiwinihch. Wesh e ishi ayimit awen ekut wehchi chischeyihtaakusit taan e ishi tehet.”

John 18:20

Ekw Jesus kaa itaat, “Misiwe taan kaa itweyaan chii pehtamuch awenich. An maak taan kaa ishi chiskutamaacheyaan anite ayimiheukamikuhch kaye chisheayimiheukamikuhch anite misiwe Jewa iinuuch kaa chii pechi nishtuwiitwaau, namui nihtaa nuhchi kaataan chekwaan e itweyaan.

John 7:3

Ekw Jesus wiichishaanh kaa itikut, “Chistuhte maa, nete Judeahch che ituhteyin, che waapahtahkwaau anichii kaa nuushuushkaaskwaau taan e ishi maamishkaach ihtuut.

John 7:5

Wesh wawaach tipiiwe wiichishaanh namui uhchi taapweyimikuu Jesus.