John 7:16 - Chishemanituu Utayimuwin: Kaa Uskaach Testament

¹⁶ Jesus kaa nishkweushihaat e itaat, “An kaa ishi chischinuhamaacheyaan namayeu niya an nichischinuhamaachewin, Chishemanituu aniyuu uchischinuhamaachewin, an kaa pechi itishahuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᒌᓴᔅ ᑳ ᓂᔥᑴᐅᔑᐦᐋᑦ ᐁ ᐃᑖᑦ, ᐊᓐ ᑳ ᐃᔑ ᒋᔅᒋᓄᐦᐊᒫᒉᔮᓐ ᓇᒪᔦᐤ ᓂᔭ ᐊᓐ ᓂᒋᔅᒋᓄᐦᐊᒫᒉᐎᓐ, ᒋᔐᒪᓂᑑ ᐊᓂᔫ ᐅᒋᔅᒋᓄᐦᐊᒫᒉᐎᓐ, ᐊᓐ ᑳ ᐯᒋ ᐃᑎᔕᐦᐆᑦ᙮

John 7:16 Iomraidhean Croise

John 14:10

Philip, namui aa chitaapwehten e piihchishkuuk Uhtaawiimaau kaye maak Uhtaawiimaau e piihchishkuut. Nipeyakunaan.” Ekw Jesus kaa itaat aniyuuh uchischinuhamuwaakanh, “Uu kaa ishi ayimihiitakuch Chishemanituu nichii itashumikw chechii iteuch. Uhtaawiimaau an kaa piihchishkuut ihtuutam maamishkaach ihtuwinh niya uhchi.

John 14:24

An awen ekaa kaa pechi saachihiit namui nanihiihtam nitayimuwiniyuu. Uu kaa ishi pehtamekw namui niya e ihtaayaan uhchipayuu maak Nuuhtaawii e ihtaat uhchipayuu, an kaa pechi itishahuut.”

John 17:14

Nichii wiihtamuwaauch taan kaa ishi miyin chechii wiihtamuukwaau. Chii uhkaatikuch maak aweyuu utah aschiihch kaa ihtaayich wesh taapaa utah aschiihch ishi tipeyihtaakusuuch mwehch niya e ishi ekaa tipeyihtaakusiyaan utah aschiihch.

John 17:8

Nichii wiihtamuwaauch taan kaa ishi miyin chechii wiihtamuukwaau. Chii utinamuch maak taan kaa ishi wiihtamuukwaau. Chischeyihtamuch taapwe chiya e chii pechi itishahuyin taapwehtamuch kaye uyuu.”

John 3:11

Kuiskw chiwiihtamaatin. Nitaayimuutenaan taan e ishi chischeyihtamaahch kaye taan kaa ishi waapahtamaahch namui maak yaapach waachipeyakw chiwii taapwehtuunaan.

John 3:31

Wesh an ishpimihch kaa uhtuhtet eukw an maauch e ispeyihtaakusit. An aschiihch kaa uhchiit, aschiihch ishi pimaatisiyuu, kaye aschiiyuu aayimuutam. An awen kihchikiishikuhch kaa uhchiit wiya maauch ispeyihtaakusuu.

John 5:30

“Niya maak, namui nuuhchi miikuun niya waa ihtiyaan chechii ihtiyaan, Iskutak e wiyaaskunicheyaan taan e itashumit Chishemanituu ekun e ihtiyaan. Kuiskunaakun maak an e wiyaaskunicheyaan wesh taan e itashumit an kaa pechi itishahuut ekun an waa ihtiyaan.”

John 6:44

Namui nika chii pechi naatikw awen ekaa Nuuhtaawii ihtuutaakute chechii pechi naasit. Maahchishtai chiishikaache misiwe awen e chii pechi naasit nika wanishkaanaau.

John 8:28

Ekw Jesus kaa itaat, “Iskutak chiistaaskuhwekwe Iinuu Ukusisa ekw che chischeyimiyekw eukw niya e aawiyaan. Chika chischeyihtenaawaau kaye ekaa ihtuutamaan chekwaan paatish kaa itashumit Nuuhtaawii chechii ihtuutamaan. Mikw aniyuu taan e itashumit uhtaawiimaau chechii wiihtamuch eukw aniyuu che wiihtamuch.

2 John 1:9

An awen ayiwaak kaa ishi chiskutamaachet taan e ishi Chiskutamaacheyich Christ kaye ekaa kaa nanihiihtuwaat taan kaa ishi chiskutamaacheyich namui ayaaweu Chishemanituuh. Ekw an awen muush yaakwaau kaa naanaakachihtaat taan e ishi Chiskutamaacheyich Christ taapishkun Uhtaawiimaau ekw maak Ukusisimaau wiicheweu.

Revelation 1:1

Eukw uyuu kaa ishi waapahtiiwet Jesus, Chishemanituu chii miikuu chechii chischeyihtamihaat aniyuu kaa atushkuwaayich Chishemanituu taan che ispayiyich wiipach. Niya, John, Chishemanituu kaa atushkuwaat, nichii itishahamaakw Christ enchil chechii pechi wiihtamuyich taan aniyuuh shaash wiipach che ispayiyich.