John 7:12 - Chishemanituu Utayimuwin: Kaa Uskaach Testament

¹² Mihchetu maak aweyuu chii ayimitutaakuu anit kaa ihtaayich. Pasch e itweyich, “Naashch taapwe miyeyihtaakusuu uu naapeu.” Ekw kutak e itweyich, “Namui miyeyihtaakusuu, wiyeshimeu aweyuuh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᒥᐦᒉᑐ ᒫᒃ ᐊᐌᔫ ᒌ ᐊᔨᒥᑐᑖᑰ ᐊᓂᑦ ᑳ ᐃᐦᑖᔨᒡ᙮ ᐸᔅᒡ ᐁ ᐃᑗᔨᒡ, ᓈᔥᒡ ᑖᐺ ᒥᔦᔨᐦᑖᑯᓲ ᐆ ᓈᐯᐤ᙮ ᐁᒄ ᑯᑕᒃ ᐁ ᐃᑗᔨᒡ, ᓇᒧᐃ ᒥᔦᔨᐦᑖᑯᓲ, ᐎᔦᔑᒣᐤ ᐊᐌᔫᐦ᙮

John 7:12 Iomraidhean Croise

Matthew 10:25

Chipaa miyeyihtam maak an kaa chiskutamuwaakanuut, iteyihtaakusit e iteyihtaakusiyich aniyuu kaa chiskutamaakut, kaye an aapachihaakan iteyihtaakusit e iteyihtaakusiyich uchimaam. Niya maak aat e uchimaawiyaan chischisikw maa taan kaa ishi maayeyimitwaau e chii itwetwaau an machiahchaahkw uchimaau Beelzebul e aawiyaan. Chiyawaau maak etituu chika maayeyimikuwaauch.”

Matthew 21:46

Chii wii maakuneuch maak aniyuu Jesus, mikw chii kushteuch aniyuu iinuu taan che ihtiyich wesh anichii iinuuch mitun chii cheshtinaateyihtamuch Jesus e uchischiwehiichesuyich.

Matthew 27:63

Ekw kaa itaatwaau, “Uchimaau, nichischisinaan eshkw e chii pimaatisiit an kaa nanatayit e chii itwet, ‘Nishtu chiishikaauh ishpish ekw che wanishkaanikuuyaan nipuwinihch uhchi.’

Luke 18:19

Jesus maak chii iteu, “Chekwaan wehchi ishinihkaasiyin kaa miyuhtwaat. Namui awen ihtaau tekash chechii miyuhtwaat, mikw Chishemanituu.

Luke 23:47

An maak shimaakanishuuchimaau iskutak kaa waapahtahk taan kaa ispayiyich, chii chishtaachimeu Chishemanituu kaye chii itweu, “Cheshtinaash taapwe chii kuiskutaatisiiche uu naapeu.”

Luke 23:50

Chii ihtaau maak anit naapeu Joseph e ishinihkaasut Judea aschiihch, Arimathea e ishinihkaateyich Jewa ihtaawiniyuu e chii uhchiit. Chii kuiskupimaatisiikupane kaye naashch chii miyeyihtaakusikupane uu naapeu,

Luke 6:45

Wesh awen kaa kuiskutaatisiit, taan e ishi miyu ayaat utehiihch kata chischeyihtaakuniyuu upimaatisiiwinihch, ekw maak awen e machaatisiit, taan e ishi maayaach ayaat utehiihch kata chischeyihtaakuniyuu upimaatisiiwinihch. Wesh e ishi ayimit awen ekut wehchi chischeyihtaakusit taan e ishi tehet.”

Luke 7:16

Misiwe maak anit kaa tashitwaau awenichii chii sechisuuch ekw kaa chishtaachimaatwaau Chishemanituu e itwetwaau, “Chichii utihtikunuu e chisteyihtaakusit uchischiwehiichesuu. Kaye maak chii itweuch, Chishemanituu pechi wiichiheu utiiniim.”

John 6:14

Anichii maak iinuuch anit kaa ihtaatwaau, anichii kaa waapamaatwaau Jesus aniyuu miskach ihtuwiniyuu e ihtuutamiyich chii iteuch, “Cheshtinaash eukw uu uchischiwehiichesuu an kaa ashuwaapamuhkw chechii pechi itishahwaakanuut utah aschiihch.”

John 7:32

Ekw anichii Phariseech kaa pehtawaatwaau aniyuuh iinuuh taan kaa ishi chiimuut aayimuumaayich Jesus. Anichii maak kaa niikaanapitwaau ayimiheuchimaauch kaye anichii Phariseech chii itishahuweuch aniyuuh kaa maakunawesiyich kaa naanaakachihtaayich chisheayimiheukamikuyuu chechii nituu maakunaayich Jesus.

John 7:47

Ekw anichii Phariseech kaa itwetwaau, “Kaye aa chiyawaau chichii wiyeshihiikuwaau.

John 7:52

Chii nishkweushiheuch maak e itaatwaau, “Kaye chiya aa Galilee aschiihch kuuhchiyin. Ayimihtaayine Chishemanituu utayimuwin chika chischeyihten ekaa wiiskaat uhchi uhchiit awen e uchischiwehiichesuut anite Galilee aschiihch.”

John 9:16

Pasch maak anichii Phariseech chii iteuch, “Uu naapeu Jesus namui Chishemanituu e ihtaayich uhchiyuu, taapaa aapateyihtam e Jewa ayimiheuchiishikaayich.” Kutakach maak chii iteuch, “Taanite chechii uhchi maamishkaach ihtit awen e machituutamukwe. Chii pahkaanipayuuch maak uyuu uhchi.”

ᐊᐸᔅᑕᓚᒡ 11:24

Wesh uu naapeu Barnabas naashch chii kuiskutaatisiyuu, kaye chii saakaschineshkaakuu Kaa payehchisiyich Ahchaahkwa, kaye chii suuhcheyihtaakuniyuu utaapwehtamuwin. Ekw maak etituu mihchetu iinuuch kaa taapweyimaatwaau Utipeyihchikeu Jesus.

Romans 5:7

Namui awen chipaa uhchi wii nipistamuweu aweyuu e kuiskutaatisiyich mikw maak maaskuuch chipaa chii ishinaakuniyuu chechii ihtaat awen e kakweteyihtahk chechii nipistamuwaat aweyuu e miyu iiniiwiyich.

Philippians 2:14

Ihtuutahtaau misiwe chekwaan ekaa mista ayimitutamuhkw kaye ekaa mamachipayihkahtaatuyihkw.