John 7:11 - Chishemanituu Utayimuwin: Kaa Uskaach Testament

¹¹ Aniyuuh maak Jewa iinuuh kaa niikaanishkuwaayich chii naanituweyimikuu anite e makushaanuyich. Chii naanituu kakwechischeyimuyuuh taanite e ihtaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐊᓂᔫᐦ ᒫᒃ ᒎᐗ ᐄᓅᐦ ᑳ ᓃᑳᓂᔥᑯᐙᔨᒡ ᒌ ᓈᓂᑐᐌᔨᒥᑰ ᐊᓂᑌ ᐁ ᒪᑯᔖᓄᔨᒡ᙮ ᒌ ᓈᓂᑑ ᑲᑴᒋᔅᒉᔨᒧᔫᐦ ᑖᓂᑌ ᐁ ᐃᐦᑖᑦ᙮

John 7:11 Iomraidhean Croise

John 1:19

Jewa tipeyihchichesuuch chii itishahuweuch John anite e ihtaayich Jewa e itiskaanesiyich ayimiheuchimaauh kaye e ayimihewaatisiitwaau Levi iinuuh Jerusalemihch e uhchiyich chechii nituu chischeyimikut wiya e aawiikwe an Christ Chishemanituu kaa pechi itishahwaat chechii pimaachihaayich aweyuuh.

John 11:56

Mihchetu maak uchii iinuuch chii naanituwaapameuch Jesus anit chisheayimiheukamikuhch e maausukuutwaau e ishi kakwechimitutwaau, “Taan e iteyihtaman chiya, chika pechi naachi makusheu aa chititeyimaau.”

John 7:1

Miin paatimaa ekw Jesus kaa ituhtet anite Galilee kaa ishinihkaateyich aschiiyuu, namui wii anite Judea kaa ishinihkaateyich aschiiyuu itehche uhchi wii ituhteu wesh chii chischeyihtam e chii wii nipahiikut aniyuu Jewa iinuuh kaa niikaanishkuwaayich.

John 7:13

Namui maak uhchi chisheweuch e ayimitutawaatwaau Jesus wesh chii kushteuch aniyuu Jewa iinuuh kaa niikaanishkuwaayich.

John 7:15

Anichii maak Jewa iinuuh kaa niikaanishkuwaatwaau naashch chii miskaateyihtamihiikuuch e ishpish miyuuhtaakusiyich e Chiskutamaacheyich ekw kaa itwetwaau, “Taanite wehchi naashch mistahii chischeyihtahk masinahiikaniyuu ekaa maak wiiskaat uhchi chiskutamuwaakanuut.”

John 9:12

Ekw kaa kakwechimaatwaau aniyuu naapeu, “Taanite kaa ituhtet an naapeu kaa miinuwaachihiisk.” Ekw kaa itwet an naapeu, “Namui nichischeyimaau taanite kaa ituhtet.”