John 6:2 - Chishemanituu Utayimuwin: Kaa Uskaach Testament

² Chii mihchetiyuu maak aweyuuh kaa nuushuushkaakut wesh chii wii waapamikuu e maamishkaach ihtit e miinuwaachihaat aweyuuh e aahkusiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒌ ᒥᐦᒉᑎᔫ ᒫᒃ ᐊᐌᔫᐦ ᑳ ᓅᔔᔥᑳᑯᑦ ᐌᔥ ᒌ ᐐ ᐙᐸᒥᑰ ᐁ ᒫᒥᔥᑳᒡ ᐃᐦᑎᑦ ᐁ ᒦᓄᐙᒋᐦᐋᑦ ᐊᐌᔫᐦ ᐁ ᐋᐦᑯᓯᔨᒡ᙮

John 6:2 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 13:2

Naashch maak chii ati mihchetiyuu aweyuu e pechi nishtuwiyich anit e ihtaat ekw nitawaach kaa puusit utiyuu ekute maak anite kaa apit, ekw aniyuu aweyuu anite yaayeu chii niipuuyuuh.

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 8:1

Iskutak maak Jesus piyechi pinisuwet aniyuu wachiyuu, mihchetu aweyuuh chii ati nuushuushkaakuu.

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Mark 6:33

Mihchetu maak aweyuu chii waapamikuuch kaye tiiwehch chii nisituunaakuuch kaa waapamikutwaau. Nanaahkuu maak ihtaawinihch chii uhchipahiituuch e wii utihtahkwaau anite kaa wii isichimeyich Jesus neshta aniyuuh uchischinuhamuwaakaniyuuh. Anichii maak iinuuch chii wii atushkuweuch nete che naatakahamiyich.

John 11:47

Ekw anichii Phariseech kaye kaa niikaanapitwaau ayimiheuchimaauch chii nishtuuneuch kaa uchimaawiitwaau kaa niikaanishkuwaayich iinuu e itaatwaau, “Taan che ihtiihkw. Naashch mihchetu maamishkaach chekwaayuu e ishi ihtuutahk uu naapeu.

John 12:18

Eukw maak aniyuu wehchi nituu nachihaatwaau Jesus mihchetu awenichii iskutak tekushiniyich anite Jerusalemihch, aniyuu e chii pehtahkwaau taan kaa ishi maamishkaach ihtiyich.

John 12:37

Aat maak mihchetwaau naashch e maamishkaateyihtaakuniyikwaau chekwaayuuh e chii ihtuutahk anit Jewa e ihtaayich yaapach namui uhchi wii taapweyimikuu wiya e aawit Christ.

John 2:11

Ekut maak anit Canahch anite Galilee aschiihch, niishtam kaa maamishkaach ihtit Jesus, ekut kaa nuukuniyich uchisteyihtaakusuwin. Ekut maak kaa uhchi taapweyimikut uchischinuhamuwaakanh.

John 2:23

Mekwaach maak Jesus kaa ihtaat anite Jerusalemihch aniyuu mekwaach kaa makushaanuyich miyaaskaacheu makushaaniyuu, mihchetu aweyuu chii taapweyimikuu wiya taapwe e aawiyit Christ iskutak kaa waapamikut e maamishkaach ihtit.

John 20:30

Jesus uchischinuhamuwaakan mihchetu chii waapamikuu maamishkaach chekwaayuu e ihtuutahk ekaa uhchi masinahiikanuyikwaau utah masinahiikanihch.

John 3:2

Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”

John 6:14

Anichii maak iinuuch anit kaa ihtaatwaau, anichii kaa waapamaatwaau Jesus aniyuu miskach ihtuwiniyuu e ihtuutamiyich chii iteuch, “Cheshtinaash eukw uu uchischiwehiichesuu an kaa ashuwaapamuhkw chechii pechi itishahwaakanuut utah aschiihch.”

John 6:22

Miin wiyaapaniyich mihchetu awenich eshkw chii ihtaauch anite kwestehchekaam aniyuu saakahiikaniyuu anite Jesus kaa ashamaat mihchetu aweyuuh. Chii chischisuuch maak anichii iinuuch mikw e chii peyakushiyich utiyuu e chii aapachihtaayich chischinuhamuwaakanh kaye ekaa uhchi puusiyich Jesus anit.

John 6:26

Jesus kaa itaat, “Kuiskw chiwiihtamaatinaawaau, namui mikw an e chii waapamiyekw maamishkaach waapahtiiwewinh e ihtuutamaan wehchi pechi naanituwaapamiyekw. An e chii muwekw aaihkunaau kaye e chii chiishpuyekw ekun wehchi naanituuwaapamiyekw.

John 6:30

Ekw kaa itaatwaau aniyuu Jesus, “Taan chechii ishi miskaach ihtiyin chechii uhchi taapweyimataahch.