John 6:1 - Chishemanituu Utayimuwin: Kaa Uskaach Testament

¹ Paatimaa anite Jesus chii aashuuham Galilee saakahiikaniyuu. Tiberias saakahiikan chii ishinihkaataakanuu kaye uu Galilee saakahiikan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐹᑎᒫ ᐊᓂᑌ ᒌᓴᔅ ᒌ ᐋᔔᐦᐊᒻ ᑲᓕᓖ ᓵᑲᐦᐄᑲᓂᔫ᙮ ᑕᐃᐲᕆᔭᔅ ᓵᑲᐦᐄᑲᓐ ᒌ ᐃᔑᓂᐦᑳᑖᑲᓅ ᑲᔦ ᐆ ᑲᓕᓖ ᓵᑲᐦᐄᑲᓐ᙮

John 6:1 Iomraidhean Croise

Matthew 15:29

Jesus kaa chistuhtet anit uhchi, ekw anite aniyuu Galilee saakahiikaniyuu kaa ati yaayewet. Ekw kaa shaakachuwet wachiyuu, ekute anite kaa ati waweyapit.

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Luke 5:1

Peyakwaau Jesus mekwaach e niipuut yaayeu saakahiikanihch Gennesaret e ishinihkaateyich, mihchetu maak iinuu e maakushkaakut e nituhtamiyich Chishemanituu utayimuwiniyuu,

John 21:1

Paatimaa maak ekw miin Jesus kaa nuukushiishtawaat uchischinuhamuwaakanh anite aniyuu saakahiikaniyuu Tiberias kaa ishinihkaateyich. Maaute maak kaa ishi nuukushiishtawaat.

John 6:23

Kutak maak utih chii pechi naatakaamepayuuh anite Tiberias e uhchipayihkwaauh.

John 7:1

Miin paatimaa ekw Jesus kaa ituhtet anite Galilee kaa ishinihkaateyich aschiiyuu, namui wii anite Judea kaa ishinihkaateyich aschiiyuu itehche uhchi wii ituhteu wesh chii chischeyihtam e chii wii nipahiikut aniyuu Jewa iinuuh kaa niikaanishkuwaayich.

John 9:10

Ekw kaa kakwechimaatwaau e itaatwaau, “Taanite kaa uhchi ispayihch chechii waapahtaman ekw.”