John 4:9 - Chishemanituu Utayimuwin: Kaa Uskaach Testament

⁹ Naashch maak chii kushkupayuu an iskweu aniyuu kaa itikut Jesus ekw kaa itaat, “Jewa naapeu chiya. Niya maak Samaria iskweu niya. Chekwaan wehchi nituweyihtaman chechii minihiitaan.” Namui mitun uhchi papiskaateuch Jewa iinuuch aniyuu iinuuh anite Samaria aschiihch kaa uhchiyich, eukw uyuu wehchii itwet uyuu an iskweu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᓈᔥᒡ ᒫᒃ ᒌ ᑯᔥᑯᐸᔫ ᐊᓐ ᐃᔅᑴᐤ ᐊᓂᔫ ᑳ ᐃᑎᑯᑦ ᒌᓴᔅ ᐁᒄ ᑳ ᐃᑖᑦ, ᒎᐗ ᓈᐯᐤ ᒋᔭ᙮ ᓂᔭ ᒫᒃ ᓴᒣᕆᔮ ᐃᔅᑴᐤ ᓂᔭ᙮ ᒉᒀᓐ ᐌᐦᒋ ᓂᑐᐌᔨᐦᑕᒪᓐ ᒉᒌ ᒥᓂᐦᐄᑖᓐ᙮ ᓇᒧᐃ ᒥᑐᓐ ᐅᐦᒋ ᐸᐱᔅᑳᑌᐅᒡ ᒎᐗ ᐄᓅᒡ ᐊᓂᔫ ᐄᓅᐦ ᐊᓂᑌ ᓴᒣᕆᔮ ᐊᔅᒌᐦᒡ ᑳ ᐅᐦᒋᔨᒡ, ᐁᐅᒄ ᐅᔫ ᐌᐦᒌ ᐃᑗᑦ ᐅᔫ ᐊᓐ ᐃᔅᑴᐤ᙮

John 4:9 Iomraidhean Croise

Matthew 10:5

Ekw uchii niishushaap kaa chihchitishahukutwaau Jesus e itikutwaau, “Ekaawii ituhtekw anite iinuuch ekaa Jewa iinuuch kaa itiskaanesitwaau e ihtaatwaau kaye ekaawii ituhtekw anite ihtaawinh Samaria aschiihch kaa ihtakuhkwaauh.

Luke 10:33

Miin kutak naapeu, Samaria aschiihch e uhchiit chii utihteu aniyuu naapeu, ekw naashch kaa chistimaacheyimaat.

John 4:27

Ekut kaa uhchi takushiniyich Jesus uchischinuhamuwaakanh, naashch maak chii kushkupayuuch e waapamaatwaau Jesus e ayimihaayich aniyuu iskweu. Yaapach maak namui waachipeyakw uhchi kakwechimeuch chekwaayuu wehchi ayimihaayich aniyuu iskweu kaye namui uhchi kakwechimeuch chekwaayuu kaa aayimuutamiyich.

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”

ᐊᐸᔅᑕᓚᒡ 1:8

Chika saakaschineshkaakunaawaau suuhkaatisiiwin, iskutak Kaa payehchisiit Ahchaahkw chii utihtikuyekwe. Ekw maak che papaamaachimiyekw anite Jerusalemihch, misiwe Judea aschiihch, Samariahch kaye misiwe e ispichiskamikaach aschii.”

ᐊᐸᔅᑕᓚᒡ 10:28

Ekw kaa itaat aniyuu iinuu, “Chika aayimuutamaatinaawaau chekwaan. Chimiyuchischeyihtenaawaau anite Jewa ayimihewin wiishuweusinahiikanihch e itashtech awen e Jewa iinuut ekaa chechii chiiutamaat aweyuu ekaa Jewa itiskaanesiyich kaye ekaa chechii wiichewaakanitutawaat. Chishemanituu maak nichii waapahtiikw ekaa chechii aataweyimak awen, chechii iteyimak ekaa payehchisiit maak e machisit chechii iteyimak.

ᐊᐸᔅᑕᓚᒡ 10:32

Ekw miin kaa iishit, ‘itishahuuch awenichii anite Joppa chechii wiishaamaatwaau aniyuu naapeu Simon Peter kaa ishinihkaasuyich. Anite ihtaau Simon e ihtaayich an kaa chiishinichet kaa ishinihkaataakanuut, anite yaayeu chihchikamiihch kaa wiichit,’ nichii itikw an enchil.