John 4:5 - Chishemanituu Utayimuwin: Kaa Uskaach Testament

⁵ Iskutak maak anite Samaria aschiihch e ihtaat, chii utihtam ihtaawiniyuu Sychar e ishinihkaateyich. Peshuch maak utah uyuu ihtaawiniyuu ekut kaa ihtakuniyich aniyuu nihtaauchihchikan aschiiyuu aniyaa Jacob kaa miyaat ukusisa Joseph.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐃᔅᑯᑕᒃ ᒫᒃ ᐊᓂᑌ ᓴᒣᕆᔮ ᐊᔅᒌᐦᒡ ᐁ ᐃᐦᑖᑦ, ᒌ ᐅᑎᐦᑕᒻ ᐃᐦᑖᐎᓂᔫ ᓴᐃᑲᕐ ᐁ ᐃᔑᓂᐦᑳᑌᔨᒡ᙮ ᐯᔓᒡ ᒫᒃ ᐅᑕᐦ ᐅᔫ ᐃᐦᑖᐎᓂᔫ ᐁᑯᑦ ᑳ ᐃᐦᑕᑯᓂᔨᒡ ᐊᓂᔫ ᓂᐦᑖᐅᒋᐦᒋᑲᓐ ᐊᔅᒌᔫ ᐊᓂᔮ ᒉᑲᑉ ᑳ ᒥᔮᑦ ᐅᑯᓯᓴ ᒞᓴᕝ᙮

John 4:5 Iomraidhean Croise

Luke 9:52

Mekwaach maak aniyuu e ati pimuhtet chii niikaanitishihweu aweyuuh anite aniyuu ihtaawiniyuu Samaritan iinuuh kaa ihtaayitwaauh, chechii nituu ayeskuushtaayich taanite chechii ihtaakupane aniyuu che tipiskaayich.

John 4:12

Weskach anite utaahch chitaanische waahkumaakanuu Jacob chichii miikunuu uyuu uhtahiipaaniyuu. Chii minihkweu uyuu nipiiyuu kaye ukusisa ekw maak umaanishchaanishimh ekut kaa uhchi minihkweyich. Uste aa chiya chititeyimisun ishpish wii aniyaa chitaanische waahkumaakanuu Jacob.”

John 4:39

Mihchetu Samaria iinuuch anit aniyuu ihtaawiniyuu kaa uhchiitwaau chii taapweyimeuch Jesus. Wesh chii iteu an iskweu, “Misiwe nichii wiihtamaakw taan kaa pechi ihtuuch.”

John 4:6

Chii ihtakun anit uhtahiipaan, Jacob uhtahiipaan chii ishinihkaateu. Naashch maak chii ayeskuhteu Jesus, kaa ati waweyapit peshuch anit uhtahiipaanihch. Wiyesh chii aapihtaachiishikaayiche.

John 4:8

Namui mekwaach uhchi ihtaayuuh Jesus uchischinuhamuwaakanh aniyuu wesh anite ihtaawinihch chii ituhteyuuh miichimiyuu e chii nituu utinamiyich.