John 4:12 - Chishemanituu Utayimuwin: Kaa Uskaach Testament

¹² Weskach anite utaahch chitaanische waahkumaakanuu Jacob chichii miikunuu uyuu uhtahiipaaniyuu. Chii minihkweu uyuu nipiiyuu kaye ukusisa ekw maak umaanishchaanishimh ekut kaa uhchi minihkweyich. Uste aa chiya chititeyimisun ishpish wii aniyaa chitaanische waahkumaakanuu Jacob.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐌᔅᑲᒡ ᐊᓂᑌ ᐅᑖᐦᒡ ᒋᑖᓂᔅᒉ ᐙᐦᑯᒫᑲᓅ ᒉᑲᑉ ᒋᒌ ᒦᑯᓅ ᐅᔫ ᐅᐦᑕᐦᐄᐹᓂᔫ᙮ ᒌ ᒥᓂᐦᑴᐤ ᐅᔫ ᓂᐲᔫ ᑲᔦ ᐅᑯᓯᓴ ᐁᒄ ᒫᒃ ᐅᒫᓂᔥᒑᓂᔑᒻᐦ ᐁᑯᑦ ᑳ ᐅᐦᒋ ᒥᓂᐦᑴᔨᒡ᙮ ᐅᔅᑌ ᐋ ᒋᔭ ᒋᑎᑌᔨᒥᓱᓐ ᐃᔥᐱᔥ ᐐ ᐊᓂᔮ ᒋᑖᓂᔅᒉ ᐙᐦᑯᒫᑲᓅ ᒉᑲᑉ᙮

John 4:12 Iomraidhean Croise

Matthew 12:42

Iskutak maak wiyaaskunicheu chiishikaau utihchipayihche, aniyaa chisheuchimaaskweu shaawinuutaahch kaa tipeyihchichekupane chika uhchi pisikuu che nishuuwanaachimaat aniyuu aweyuuh anuhchiish kaa pimaatisiitwaau. Wesh wiya naashch taapwe waahyuu chii uhtuhteu mikw chechii nituu nituhtamuwaat aniyaa chisheuchimaau Solomon ukachehtaaweyihtamuwiniyuu. Ihtaau maak utah awen uste e iteyihtaakusit ishpishaat Solomon, namui maak aapatihtawaakanuu.”

John 4:13

Jesus maak chii iteu, “Awen kaa minihkwet uyuu nipiiyuu utah, miin chika paahkutaahtam.

John 4:20

Aanische chiwaahkumaakanuuch chii takushinuuch e pechi nituu nuuchiishtuwaatwaau Chishemanituu utah wachiihch. Chiyawaau maak Jewa iinuuch muush ekun e itweyekw, mikw anite Jerusalemihch ekute chechii nuuchiishtuwaakanuut Chishemanituu.”

John 4:5

Iskutak maak anite Samaria aschiihch e ihtaat, chii utihtam ihtaawiniyuu Sychar e ishinihkaateyich. Peshuch maak utah uyuu ihtaawiniyuu ekut kaa ihtakuniyich aniyuu nihtaauchihchikan aschiiyuu aniyaa Jacob kaa miyaat ukusisa Joseph.

John 4:6

Chii ihtakun anit uhtahiipaan, Jacob uhtahiipaan chii ishinihkaateu. Naashch maak chii ayeskuhteu Jesus, kaa ati waweyapit peshuch anit uhtahiipaanihch. Wiyesh chii aapihtaachiishikaayiche.

John 8:53

Chititeyihten aa chiya maauch e chisteyihtaakusiyin ishpish Abraham. Abraham chii nipuu kaye anichii uchischiwehiichesuuch chii nipuuch, awen maak chiya e iteyimisuyin.”

Hebrews 3:3

Uste maak iteyihtaakusuu Jesus taan kaa iteyihtaakusiyich Moses wesh wiya ihtuutaweu aweyuu Chishemanituu chechii utiiniimitutaakuyich. Mwehch awen kaa waaskaahiikanihchet uste wiya iteyihtaakusuu ishpishaat aniyuu waaskaahiikaniyuu kaa wiikaapuuhtaat.