John 4:1 - Chishemanituu Utayimuwin: Kaa Uskaach Testament

¹ Phariseech chii pehtamuch etituu e mihchetiyich aweyuu e nuushuushkuwaayich Jesus eyuu maak etituu wiya e mihchetiyich aweyuu e siikahaahtuwaat e ishpish John.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᕓᕆᓰᒡ ᒌ ᐯᐦᑕᒧᒡ ᐁᑎᑑ ᐁ ᒥᐦᒉᑎᔨᒡ ᐊᐌᔫ ᐁ ᓅᔔᔥᑯᐙᔨᒡ ᒌᓴᔅ ᐁᔫ ᒫᒃ ᐁᑎᑑ ᐎᔭ ᐁ ᒥᐦᒉᑎᔨᒡ ᐊᐌᔫ ᐁ ᓰᑲᐦᐋᐦᑐᐙᑦ ᐁ ᐃᔥᐱᔥ ᒞᓐ᙮

John 4:1 Iomraidhean Croise

Luke 1:76

Ekw Zechariah kaa itaat aniyuu ukusisa taan kaa ishi nituweyimikut Chishemanituu chechii itwet, “Ekw maak chii nitawaashiim maauch kaa ispeyihtaakusit Chishemanituu uchischiwehiichesiimh chika ishinihkaatikuun. Chika meskanaahkuwaau Utipeyihchikeu e ishi ayeskuwiihkamut anit che pimuhtet.

Luke 19:31

Kakwechimikuyekwe awen chekwaayuu wehchi aapihkunamekw ekw che itekw, ‘Utipeyihchikeu nitaweyimeu.’ ”

Luke 19:34

“Utipeyihchikeu nituweyimeu,” chii iteuch.

Luke 2:11

Anite ihtaawinihch kaa uhchiit aniyaa chisheuchimaau David, chiyawaau chipimaatisiistamaakunaawaau awaash, eukun Utipeyihchikeu Christ.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Luke 7:19

Kaa itishahwaat uyuu chechii ishi kakwechimaayich Utipeyihchikeu, “Eukw aa chiya Christ an chipaa takushinikupane maak eshkw che ashuwaapamaauchihtipane kutak chechii takushihk.”

John 3:22

Anite Judea aschiihch chii ituhteu Jesus uchischinuhamuwaakan e wiicheukut. Ekute anite kaa ihtaatwaau, Jesus maak chii siikahaahtaacheu.

John 3:26

Chii nituwaapameuch John ekw kaa itaatwaau, “Chischinuhamaachesuu, an naapeu taapishkun kaa ihtaayekw anite waapanuutaahch an Jordan siipiihch, an kaa aayimuumat, anuhchiish kaye wiya siikahaahtaacheu kaye misiwe aweyuuh nituwaapamikuu.”

ᐊᐸᔅᑕᓚᒡ 10:36

Chichischeyihtenaawaau Chishemanituu e chii ihtakuniyich taan kaa ishi ayimihaat Israel iinuuh, e chii wiihtamuwaat miywaachimuwiniyuu anit chechii uhchi ayaayich chiyaameyihtamuwiniyuu Jesus e ihtaayich uhchi. Wesh wiya Jesus misiwe ayaau tipeyihchichewiniyuu.

1 Corinthians 1:17

Taapaa nuuhchi pechi itishahuukw Christ chechii siikahaahtaacheuch. Nichii pechi itishahuukw chechii kacheskweuch e waawiihtamuch miywaachimuwiniyuu. Uu maak e ihtiyaan namui aschiiyuu kachehtaaweyihtamuwin nitaapachihtaan. Wesh uu aapachihtaayaan ekw kiipaa namui chipaa uhchi suuhcheyihtaakun an miywaachimuwin anit yaayimuumaakanuut Christ aashiteyaahtikuhch e chii nipit.

1 Corinthians 15:47

An niishtam naapeu Adam, iskutak kaa usihiikut Chishemanituuh sischuuhch chii uhchi usihiikuu. Christ maak kihchikiishikuhch chii uhtuhteu wiya.

1 Corinthians 2:8

Namui maak waawaach peyakw anichii kaa uchimaautwaau utah aschiihch uhchi nisihtuhtamuch uyuu kachehtaaweyihtamuwiniyuu wesh taapaa chipaa uhchi chiistaaskuhweuch aniyuu Utipeyihchikeuh maauch kaa chisteyihtaakusiyich chii chischeyihtamuwaakupanenich.

2 Corinthians 4:5

Iskutak e kacheskweyaahch namui niyaan nitaayimuumisunaan. Jesus Christ nitaayimuumaanaan wiya e Utipeyihchikeut. Jesus nichii pechi itishahukunaan chechii atushkaataahch.

James 2:1

Niichishaanitikw, e taapweyimekw Utipeyihchikeu Jesus Christ an maauch chesteyihtaakusit, ekaawii aatuweyimaahkw awen, misiwe awen peyakunihch chipaa iteyimaawaau.

Revelation 19:16

Utakuhpihch ekw maak upwaamihch masinaateyuu ishinihkaasuwiniyuu. Itashteyuu “Mwaauch e chisteyihtaakusit e tashiyich misiwe Utipeyihchikeuh kaye wiya maauch suuhcheyihtaakusuu e tashiyich misiwe chisheuchimaauh.”