John 3:8 - Chishemanituu Utayimuwin: Kaa Uskaach Testament

⁸ E yuutihch, mikw anite waa ishiiwech ekute e ishiiwech. Pehtaakun e yuutihch namui mikw chischeyihtaakun taanite nihaau wehchipayihch kaye taanite e ispayihch an e yuutihch. Ekun maak mwehch e ishinaakusit Kaa payehchisiit Ahchaahkw, namui chichischeyimaanuu aweyuu miin che miyaat pimaatisiiwiniyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁ ᔫᑎᐦᒡ, ᒥᒄ ᐊᓂᑌ ᐙ ᐃᔒᐌᒡ ᐁᑯᑌ ᐁ ᐃᔒᐌᒡ᙮ ᐯᐦᑖᑯᓐ ᐁ ᔫᑎᐦᒡ ᓇᒧᐃ ᒥᒄ ᒋᔅᒉᔨᐦᑖᑯᓐ ᑖᓂᑌ ᓂᐦᐋᐤ ᐌᐦᒋᐸᔨᐦᒡ ᑲᔦ ᑖᓂᑌ ᐁ ᐃᔅᐸᔨᐦᒡ ᐊᓐ ᐁ ᔫᑎᐦᒡ᙮ ᐁᑯᓐ ᒫᒃ ᒬᐦᒡ ᐁ ᐃᔑᓈᑯᓯᑦ ᑳ ᐸᔦᐦᒋᓰᑦ ᐊᐦᒑᐦᒄ, ᓇᒧᐃ ᒋᒋᔅᒉᔨᒫᓅ ᐊᐌᔫ ᒦᓐ ᒉ ᒥᔮᑦ ᐱᒫᑎᓰᐎᓂᔫ᙮

John 3:8 Iomraidhean Croise

John 1:13

Aniyuuh maak kaa taapweyimikut uschi pimaatisiyuuh Chishemanituu e ihtaayich uhchi, namui wii muhch iskweu ekw maak naapeu e ihtaayich uhchi pimaatisiyuuch namui kaye iinuu utiteyihtamuwiniihch uhchi. Taapwe Chishemanituu e ihtaayich chii uhchi uschi pimaatisiyuuch.

John 3:7

Ekaawii maamishkaateyihtamihiikw uu e ititaan e nituweyihtaakusiyin miin chechii pimaatisiyin.

John 3:9

Nicodemus maak chii iteu, “Taanite maak chechii uhchi ispayihch uu.”

ᐊᐸᔅᑕᓚᒡ 2:2

Sischikuuch chii uhchi pehtamuch muyaam e mistayuutiniyich e itihtaakuniyich anite chiishikuhch uhchi. Misiwe e ishpishaayich piihtakamihch aniyuu waaskaahiikaniyuu kaa ihtaatwaau chii pehtaakuniyuu.

ᐊᐸᔅᑕᓚᒡ 4:31

Iskutak maak kaa chiishi ayimihaatwaau, chii aayaahchipayuu aniyuu anit kaa nishtuwiitwaau. Misiwe maak chii saakaschineshkaakuuch Kaa payehchisiyich Ahchaahkwa, ekw maak kaa suuhcheyimutwaau kaye namui uhchi kushtaachuuch e waawiihtahkwaau Chishemanituu utayimuwiniyuu.

1 Corinthians 12:11

Mikw maak peyakushuu Kaa payehchisiit Ahchaahkw, misiwe maak paahpeyakw aweyuu miyeu nanaahkuu ahchaahkw miiwewinh. Wiya maak Kaa payehchisiit Ahchaahkw wiyeyihtam chekw miiwewiniyuu che miyaat aweyuuh.

1 Corinthians 2:11

Muyaam awen taan nihaau e iteyihtahk mikw wiya tipiiwe Utahchaahkuhch chischeyihtam. Ekun maak mwehch Chishemanituu Utahchaahkwa, mikw wiya Chishemanituu Utahchaahkwa chischeyihtamiyuu taan nihaau e iteyihtamiyich Chishemanituuh.

1 John 2:29

Chichischeyihtenaawaau Christ e kuiskutaatisiit, kaye maak chipaa chischeyihtenaawaau an awen kaa kuiskutaatisiit e utawaashiimitutaakut Chishemanituu.