John 3:7 - Chishemanituu Utayimuwin: Kaa Uskaach Testament

⁷ Ekaawii maamishkaateyihtamihiikw uu e ititaan e nituweyihtaakusiyin miin chechii pimaatisiyin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐁᑳᐐ ᒫᒥᔥᑳᑌᔨᐦᑕᒥᐦᐄᒄ ᐆ ᐁ ᐃᑎᑖᓐ ᐁ ᓂᑐᐌᔨᐦᑖᑯᓯᔨᓐ ᒦᓐ ᒉᒌ ᐱᒫᑎᓯᔨᓐ᙮

John 3:7 Iomraidhean Croise

John 3:12

Namui chitaapwehtuunaawaau e wiihtamaatakuch taan e ispayihch utah aschiihch. Taanite maak chechii uhchi taapwehtamekw wiihtamaatakuche taan e iteyihtaakuhch anite kihchikiishikuhch.

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 3:6

Misiwe chiniichihiikunuuch e ihtaatwaau chichii uhchi ayaanaanuu uu wiyaas pimaatisiiwin. Mikw maak kaa payehchisiit ahchaahkw e ihtaat uhchi ekut wehchi ayaayihkw Ahchaahkw pimaatisiiwin.

John 3:8

E yuutihch, mikw anite waa ishiiwech ekute e ishiiwech. Pehtaakun e yuutihch namui mikw chischeyihtaakun taanite nihaau wehchipayihch kaye taanite e ispayihch an e yuutihch. Ekun maak mwehch e ishinaakusit Kaa payehchisiit Ahchaahkw, namui chichischeyimaanuu aweyuu miin che miyaat pimaatisiiwiniyuu.”

John 5:28

Ekaawii kushkupayikw, wesh shaash peshunaakun misiwe anichii kaa chiskahaakanuutwaau chechii pehtamuwaatwaau Ukusisimaau upehtaakusuwiniyuu,

Colossians 1:12

Kaye maak e muuchicheyihtamekw che nanaaskumekw Uhtaawiimaau an kaa ihtuutaataakw chechii tepicheyihtaakusuwekw chechii ayaawekw aniyuu kaa itwet cheshtinaash che miyaat aniyuu kaa taapwehtamiyich waashtewinihch kaa ihtaayich.

Hebrews 12:14

Suuhk kuchihtaakw chechii ishi pimaatisiyekw chechii miyu wiichewekuch kutakach awenich. Suuhk kuchihtaakw kuiskw chechii ishi pimaatisiyekw. Wesh taapaa kata chii naateu awen Chishemanituu ekaa kuiskutaatisiite.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

Revelation 21:27

Namui chika uhchi pachishtinikanuu chekwaan e maayaatahch chechii ihtakuhch anit an ihtaawin. Namui kaye chika chii piihcheu an awen nitawiin kaa ihtit maak kaa wiich nanatayit. Mikw anichii kaa masinaateyikwaau utishinihkaasuwinawaau anite aniyuuh Maanishchaanish upimaatisiyuu masinahiikaniihch chika chii piihcheuch aniyuu ihtaawiniyuu.