John 3:6 - Chishemanituu Utayimuwin: Kaa Uskaach Testament

⁶ Misiwe chiniichihiikunuuch e ihtaatwaau chichii uhchi ayaanaanuu uu wiyaas pimaatisiiwin. Mikw maak kaa payehchisiit ahchaahkw e ihtaat uhchi ekut wehchi ayaayihkw Ahchaahkw pimaatisiiwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᒥᓯᐌ ᒋᓃᒋᐦᐄᑯᓅᒡ ᐁ ᐃᐦᑖᑣᐤ ᒋᒌ ᐅᐦᒋ ᐊᔮᓈᓅ ᐆ ᐎᔮᔅ ᐱᒫᑎᓰᐎᓐ᙮ ᒥᒄ ᒫᒃ ᑳ ᐸᔦᐦᒋᓰᑦ ᐊᐦᒑᐦᒄ ᐁ ᐃᐦᑖᑦ ᐅᐦᒋ ᐁᑯᑦ ᐌᐦᒋ ᐊᔮᔨᐦᒄ ᐊᐦᒑᐦᒄ ᐱᒫᑎᓰᐎᓐ᙮

John 3:6 Iomraidhean Croise

John 1:13

Aniyuuh maak kaa taapweyimikut uschi pimaatisiyuuh Chishemanituu e ihtaayich uhchi, namui wii muhch iskweu ekw maak naapeu e ihtaayich uhchi pimaatisiyuuch namui kaye iinuu utiteyihtamuwiniihch uhchi. Taapwe Chishemanituu e ihtaayich chii uhchi uschi pimaatisiyuuch.

John 3:7

Ekaawii maamishkaateyihtamihiikw uu e ititaan e nituweyihtaakusiyin miin chechii pimaatisiyin.

Romans 7:18

Nichischeyihten ekaa mitun chii miyutuutamaan niya tipiiwe e wii miyutuutamaan, utah kiipaa muhch nipimaatisiiwinihch. Aat e ihtakuhch e wii miyutuutamaan namui yaapach nichii miyutuuten.

Romans 7:25

Nanaaskumaataau Chishemanituu an waachihiitahk Jesus Christ uhchi. Maau e ispayaan. Niya utah tipiiwe e ihtaayaan nimiyeyihtamihiikuwaan Chishemanituu uwiishuwewin kaye niwii nanihiihtamuwaan. Mikw maak anit taan e ishi pimaatisiyaan ihtakun e ishi utaapachihaakanitutaakuyaan machihtwaawin.

Romans 7:5

Wesh eshkw weskach chititaatisiiwinuuh e chii tipeyimikuyihkw, an maak e ihtakuhch wiishuwewin kaye maak e chii chischeyihtamuhkw an wiishuwewin, ekut kaa uhchipayihch aahch e muushchipayihch chechii machituutamuhkw. Uu maak e chii ishi pimaatisiihkw mwehch e nipiihkw chichii ishinaakusinaanuu.

Romans 8:13

Wesh an ishi pimaatisiine taan e ishi nituweyihtamuumakahch chiyaas chika nipin. Pachishtinate maak Kaa payehchisiit Ahchaahkw chechii wiichihiisk chechii puunihtaawat taan waa ishi wehchipayihch chechii machituutam ekw kiipaa taapwe che pimaatisiyin.

1 Corinthians 6:17

Ekw maak awen e wiichewaat Utipeyihchikeu, peyakw ahchaahkw ishinaakusuuch.

2 Corinthians 5:17

Iskutak Christ e ihtaayich e ishi tipeyihtaakusit awen tekash ushchihtaakanuyuu upimaatisiiwin. Taan kaa iteyihtaakusit weskach shaash miyaaupayiniyuu. Misiwe chii ishi uschihaakanuu upimaatisiiwinihch.

Galatians 5:24

Anichii maak Jesus Christ kaa tipiyeusiitutaakutwaau shaash chii wiyeyihtamuch ekaa chechii pachishteyimitisutwaau kaau chechii ihtuutahkwaau taan waa ishi wehchipayiyich chechii ishi machi pimaatisiitwaau. Namui wii machituutamuch taan kaa ishi pechi machituutahkwaau anite ishi utaahch. Mwehch taapwe e chii asich chiistaaskutahkwaau umachaatisiiwinawaau kaye umachinituweyihtamuwinawaau aashiteyaahtikuhch ekun kaa ihtitwaau.

Ephesians 2:3

Ekun maak peyakwaau misiwe kaa ishinaakusiihkw kaye chiyaanuu, mikw taan waa ihtiihkw chichii ihtinaanuu. Chichii ihtuutenaanuu mikw taan e ishi nituweyihtamuumakahkwaau chiyaasinuuh kaye chimituneyihchikanuuh. An maak kaa ishpish chii machaatisiihkw chii iteyihtaakuniyikupane taapwe kaye chiyaanuu chechii waweshihiitahkw Chishemanituu.

Colossians 2:11

Ihtakuniyuu e ishi chischinuwaachishuutaakw Chishemanituu e nuushuushkuumekw Christ, namui wii aniyuu taan e ishi chischinuwaachishushutwaau Jewa iinuuch iteyihtaakuniyuu uyuu. Aniyuu Christ e chii aapihkunitaakw taan e ishi suuhchimaahchikwaapihkaatikuyekw e wii machituutamekw e chischinuwaachishukuyekw ishinaakuniyuu taan kaa ishi chischinuwaachishuutaakw Chishemanituu.

1 John 3:9

An awen Chishemanituu kaa pimaachihiikut puuniyuu e machituutahk. Wesh Chishemanituu ihtuutaakuu chechii iteyihtaakusit Chishemanituu e iteyihtaakusiyich. Namui maak chii machituutam Chishemanituuh e chii pimaachihiikut.