John 3:2 - Chishemanituu Utayimuwin: Kaa Uskaach Testament

² Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐯᔭᒀᐤ ᒫᒃ ᐁ ᑎᐱᔅᑳᔨᒡ ᒌ ᓂᑐᐙᐸᒣᐤ ᒌᓴᔅ ᐁᒄ ᑳ ᐃᑖᑦ, ᒋᔅᒋᓄᐦᐊᒫᒉᓲ, ᒋᒋᔅᒉᔨᒥᑎᓈᓐ ᒋᔭ ᒋᔅᒋᓄᐦᐊᒫᒉᓲ ᐁ ᒌ ᐯᒋ ᐃᑎᔕᐦᐆᔅᒃ ᒋᔐᒪᓂᑑ᙮ ᐌᔥ ᓇᒧᐃ ᐊᐌᓐ ᒋᑲ ᒌ ᐃᐦᑑᑕᒻ ᐊᓂᔫ ᒫᒥᔥᑳᒡ ᐃᐦᑐᐎᓐ ᒋᔭ ᑳ ᐃᐦᑑᑕᒪᓐ ᐁᑳ ᐐᒋᐦᐄᑯᑌ ᒋᔐᒪᓂᑑ᙮

John 3:2 Iomraidhean Croise

Matthew 22:16

Chii itishahweuch maak uchischinuhamuwaakanawaau kaye Herod utaapachihaakaniyuu anite Jesus e ihtaayich. Ekw kaa itaatwaau aniyuu Jesus, “Chischinuhamaachesuu, chichischeyimitinaan taapwe e taapwemakahch taan e ishi chiskutamaacheyin kaye misiwe peyakunihch e ishi chiskutamuutwaau awenichii taan e ishi nituweyimikutwaau Chishemanituu chechii ishi pimaatisiitwaau. Namui mitun wiyesh chititeyihtamihiikuun taan che ati iteyihtamihiikutwaau awenichii taan e ishi chiskutamaacheut, kaye misiwe peyakunihch chititeyimaauch awenichii.

Matthew 23:7

Nituweyihtamuch yaaitei muush chechii waautinischenaakanuutwaau anite e mihchetinaanuyich kaye nitaweyimeuch aweyuu ‘Chischinuhamaachesuu’ chechii ishinihkaatikutwaau.

Matthew 23:8

Ekaawii maak wii chiyawaau nitaweyihtamukw ‘chischinuhamaachesuu’ chechii ishinihkaatikuyekw, wesh misiwe chiwiichishaanihtunaawaau, kaye maak mikw peyakushuu chichischinuhamaachesiimuwaau.

Mark 12:14

Chii pechi nituwaapameuch maak ekw kaa itaatwaau, “Chischinuhamaachesuu, chichischeyimitinaan muush e taapweyin taan e itweyin. Namui wiyesiin awen an kaa ayimihiit wesh misiwe awen peyakunihch chit iteyimaau. Namui chikanawaapahtamuwaan taan e ishi chisteyihtaakusit awen. Kuiskw kaye chichiskutamuwaauch awenichii taan e ishi nitaweyimikutwaau Chishemanituu chechii ishi pimaatisiitwaau. Itashteu aa wiishuwewinihch Rome chisheuchimaau chechii miyaakanuut aniyuu shuuliyaayuu kaa chiishiihkaasuyich aweyuu.”

John 1:38

Jesus maak chii chipihchikaapuu, kaa aapisaapit kaa waapamaat aniyuu e nuushuushkaakut, ekw kaa itaat, “Chekwaan niyaanituwaapahtamekw.” Ekw kaa itaatwaau, “Chischinuhamaachesuu taanite e wiichiyin.”

John 10:38

Aat ekaa wii taapweyimiyekw e itweyaan Chishemanituu Ukusisa e awiyaan mitun chipaa cheshtinaateyihtamihiikunaawaau e piihchishkuut Uhtaawiimaau kaye niya maak e piihchishkuuk an uhchi e maamishkaach ihtiyaan.”

John 12:37

Aat maak mihchetwaau naashch e maamishkaateyihtaakuniyikwaau chekwaayuuh e chii ihtuutahk anit Jewa e ihtaayich yaapach namui uhchi wii taapweyimikuu wiya e aawit Christ.

John 14:10

Philip, namui aa chitaapwehten e piihchishkuuk Uhtaawiimaau kaye maak Uhtaawiimaau e piihchishkuut. Nipeyakunaan.” Ekw Jesus kaa itaat aniyuuh uchischinuhamuwaakanh, “Uu kaa ishi ayimihiitakuch Chishemanituu nichii itashumikw chechii iteuch. Uhtaawiimaau an kaa piihchishkuut ihtuutam maamishkaach ihtuwinh niya uhchi.

John 15:24

Namui chipaa uhchi ataameyihtaakusuuch machihtwaawiniyuu ekaa uhchi ihtuutamuch maamishkaach ihtuwin niyaanitam anit e ihtaatwaau. Nichii ihtuuten chekwaayuuh ekaa wiiskaat kutak awen uhchi ihtuutahk. Misiwe maak chii waapahtamuch. Yaapach maak nichii uhkaatikuch. Nuuhtaawiih kaye chii uhkaateuch aniyuu e uhkaasitwaau.

John 2:11

Ekut maak anit Canahch anite Galilee aschiihch, niishtam kaa maamishkaach ihtit Jesus, ekut kaa nuukuniyich uchisteyihtaakusuwin. Ekut maak kaa uhchi taapweyimikut uchischinuhamuwaakanh.

John 20:16

“Mary,” chii iteu Jesus. Chii kweschikaapuu Mary ekw kaa itaat aniyuu Jesus Hebrew e ishi ayimit, “Rabboni,” chii iteu. Uu maak Rabboni kaa iinaanuuhch e itweshtamuwaataakanuuhch Utipeyihchikeu iinaanuu.

John 3:26

Chii nituwaapameuch John ekw kaa itaatwaau, “Chischinuhamaachesuu, an naapeu taapishkun kaa ihtaayekw anite waapanuutaahch an Jordan siipiihch, an kaa aayimuumat, anuhchiish kaye wiya siikahaahtaacheu kaye misiwe aweyuuh nituwaapamikuu.”

John 4:31

Mekwaach maak uu, Jesus uchischinuhamuwaakanh chii wii aayihkamihiikuu, “Chischinuhamaachesuu, miichisuu,” e itikut.

John 5:36

Chii taapweu John taan kaa itaachimit, mikw maak niya taan e ishi maamishkaach ihtiyaan wetaach chiihkanaakuniyuu nuuhtaawii e chii pechi itishahuut. Wesh Nuuhtaawii nichii miikw suuhkaatisiiwiniyuu chechii maamishkaach ihtuuch chechii uhchi chischeyimakuyaan niya e aawiyaan Christ, wiya Nuuhtaawii e chii pechi itishahut.

John 6:2

Chii mihchetiyuu maak aweyuuh kaa nuushuushkaakut wesh chii wii waapamikuu e maamishkaach ihtit e miinuwaachihaat aweyuuh e aahkusiyich.

John 7:31

Mihchetu maak aweyuu chii taapweyimikuu e itweyich, “Mistahii chii ishi maamishkaach ihtuu uu naapeu. Pechi itishahwaate maak Chishemanituu aniyuuh Christ, uste aa kata ishi maamishkaach ihtuutamiyuuh taan e ishi ihtuutamiyich uyuu naapeu.”

John 9:16

Pasch maak anichii Phariseech chii iteuch, “Uu naapeu Jesus namui Chishemanituu e ihtaayich uhchiyuu, taapaa aapateyihtam e Jewa ayimiheuchiishikaayich.” Kutakach maak chii iteuch, “Taanite chechii uhchi maamishkaach ihtit awen e machituutamukwe. Chii pahkaanipayuuch maak uyuu uhchi.”

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 2:22

Kaa ati itwet miin Peter, “Chiyawaau Israelihch kaa uhchiyekw Nituhtuukw taan che ishi aayimuumak Jesus Nazareth kaa uhchiit. Mitun chii nuukuniyuu taapwe Chishemanituuh e chii pechi itishahukut aniyuu e chii maamishkaach ihtit kaye e chii maamishkaach waapahtiiwet nanaahkuu chekwaayuu kaye maak e chii waapahtiiwet chischinawaach waapahtiiwewinh. Chiyawaau chichischeyihtenaawaau uu wesh ekut utah mekwesiinuu e ihtaayekw kaa ihtuutahk uyuuh chekwaayuuh Chishemanituuh e chii miikut kaschihuwiniyuu.

Philippians 1:14

Kaye maak, e ihtaayaan utah chipahutuukamikuhch mihchetu chiichishaanuuch etituu suuhchikaapuuch e taapweyimaatwaau Utipeyihchikeu, etituu ati suuhchiteheuch e waawiihtahkwaau miywaachimuwiniyuu ekaa mitun kushtaachitwaau.