John 3:16 - Chishemanituu Utayimuwin: Kaa Uskaach Testament

¹⁶ Wesh Chishemanituu e ishpish chii saachihaat misiwe aweyuu utah aschiihch chii miiweu kaa peyakushiyich Ukusisa, misiwe aweyuuh kaa taapweyimaayich ekaa chechii nishuunaatisiyich maak chechii ayaayich kaachiche pimaatisiiwiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐌᔥ ᒋᔐᒪᓂᑑ ᐁ ᐃᔥᐱᔥ ᒌ ᓵᒋᐦᐋᑦ ᒥᓯᐌ ᐊᐌᔫ ᐅᑕᐦ ᐊᔅᒌᐦᒡ ᒌ ᒦᐌᐤ ᑳ ᐯᔭᑯᔑᔨᒡ ᐅᑯᓯᓴ, ᒥᓯᐌ ᐊᐌᔫᐦ ᑳ ᑖᐺᔨᒫᔨᒡ ᐁᑳ ᒉᒌ ᓂᔔᓈᑎᓯᔨᒡ ᒫᒃ ᒉᒌ ᐊᔮᔨᒡ ᑳᒋᒉ ᐱᒫᑎᓰᐎᓂᔫ᙮

John 3:16 Iomraidhean Croise

Matthew 9:13

Wii nisituhtamukw maa anite chihchi masinahiikanihch kaa itashtech, ‘Chishewaatisiiwin eukw netuweyihtamaan, namui wii e machishtawehamaanuuhch chekwaan.’ Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

Mark 12:6

Chek mikw peyakw naapeu kaa ihtaayich anit e ihtaat an uchimaau, eukw uyuu tipiyeu ukusisa. Eukw uyuuh kaa itishahwaat chek e iteyihtahk, ‘Chika chisteyimeuch uyuu nikusa.’

Luke 2:14

“Chisteyimaahkw Chishemanituu maauch ishpimihch kaa ihtaat. Chika miyaakanuuch chiyaameyihtamuwiniyuu anichii kaa naniheyihtamihaatwaau Chishemanituu utah aschiihch.”

John 1:14

An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.

John 1:18

Namui wiiskaat awen uhchi waapameu Chishemanituu, mikw aniyuu kaa peyakushiyich Ukusisa kaa saachihaat chii ihtuutaakuu chechii chischeyimaakanuut.

John 1:29

Miin maak aniyuu wiyaapaniyich John chii waapameu Jesus e pechi naatikut, ekw kaa itwet, “Kanawaapamaahkw maa uu naapeu, eukw uyuu Chishemanituu umaanishchaanishimh kaa pechi itishahwaat chechii wepeyihtamuwaakanuyich aweyuuh umachihtwaawiniyuuh.

John 10:28

Nimiyaauch kaachiche pimaatisiiwiniyuu, namui maak wiiskaat chika uhchi nisuunaatisiyuuch. Kaye maak namui awen nika chii miskamukw e tahkunamach.

John 3:15

Ekw maak misiwe awen kaa taapweyimaat che ayaat kaachiche pimaatisiiwiniyuu.

John 3:18

An maak awen che taapweyimaakwe Ukusisimaauh namui chika uhchi nishuuwanaachimaakanuu, an maak awen ekaa che taapeyimaakwe shaash nishuuwanaachimaakanuu wesh namui taapweyimeu aniyuu Chishemanituu kaa peyakushiyich Ukusiyuuh.

John 3:36

An maak awen kaa taapweyimaat Ukusisimaau ayaau kaachiche pimaatisiiwiniyuu, ekw an awen ekaa kaa nanihiihtuwaat Ukusisimaau namui chika uhchi ayaau kaachiche pimaatisiiwiniyuu. Chishemanituu utaahkuyuwesuwiniyuu chika maahtakushkaakuu.

John 6:40

Wesh eukw uyuu Nuuhtaawii utiteyihtamuwin, misiwe aweyuu kaa waapamaayich kaye kaa taapweyimaayich Ukusisimaau kaachiche pimaatisiiwiniyuu chechii ayaayich. Niya maak che wanishkaanak maahchishtai chiishikaache.”

Romans 5:10

Eshkw maak mekwaach ekaa mitun uhchi aapateyimahkw Chishemanituu yaapach chii uhtinam taanite chechii uhchi ishinaakuniyich chechii ati miyu wiicheuhkw. Kaa nipistamaakuuhkw Christ ekut kaa uhchi nihiipayihtaat uyuu chechii ishinaakuniyich. Ekw maak anuhchiish e miyuwicheuhkw Chishemanituu cheshtinaateyihtaakun che pimaachihiitahkw Jesus upimaatisiiwiniihch uhchi.

Romans 5:8

Chishemanituu maak wii mitun chichii waapahtiikunuu taan e ishpish saachihiitahkw, chii pachishtineu Christ chechii nipistamaakuuhkw eshkw mekwaach machihtwaawinihch e chii ihtaauhkw.

Romans 8:32

Namui waawaach Ukusisa chuuhchi manaatinamaakunuu. Chii pachishtineu chechii nipistamaakuuhkw. Aniyuu maak waawaach tipiiwe Ukusisa e chii pachishtinaat chechii nipahaakanuyich chiyaanuu uhchi ekut che uhchi cheshtinaahuyihkw mikw che ishi miikuyihkw kutak chekwaayuuh.

Ephesians 2:4

Mikw maak aniyuu naashch e mishaayich Chishemanituu uchishewaatisiiwin, kaye maak aniyuu e ishpish mista saachihiitahkw,

2 Thessalonians 2:16

Chishemanituu Kuuhtaawiinuu neshta Chitipeyihchikeminuu Jesus Christ chisaachihiikunuuch kaye chichii miikunuuch kaachiche kaachiichihiiwewiniyuu kaye aspeyimuwiniyuu shaweyihchichewinihch uhchi.

Titus 3:4

Mikw maak iskutak kaa waapahtiitahkw Chishemanituu chipimaachihiiweminuu e ishpish chishewaatutaatahkw kaye e ishpish saachihiitahkw

Hebrews 2:9

Mikw maak chichischeyimaanuu wii Jesus e ayaat tipeyihchichewiniyuu misiwe chekwaayuu chechii uchimaahkahtahk. Chii ihtuutawaakanuu weipishchiish etituu chechii tipihteyihtaakusit e iteyihtaakusiyich enchilh. Uyuu maak chii ihtuutawaakanuu chechii nachishkahk nipuwiniyuu. Eukw uyuu wehchii miyaakanuut chechii chisteyihtaakusit kaye chechii ispeyihtaakusit aniyuu e chii nachishkahk nanehkaateyimuwiniyuu iskutak kaa nipahaakanuut. Aniyuu maak Chishemanituu naashch e chii saachihaat aweyuu utah aschiihch eukw aniyuu wehchii nipistamuwaat Jesus misiwe aweyuu.

1 John 3:1

Kanawaapahtamukw maa e ishpish saachihiitahkw Chishemanituu e miitahkw Chishemanituu utawaashiim chechii ishinihkaatakuuhkw. Taapwe maak kuutawaashiimitutaakunuu. Anichii ekaa kaa taapweyimaatwaau Chishemanituu namui chichischeyimikunuuch awenich chiyaanuu wesh taapaa chischeyimeuch Chishemanituu.

1 John 4:19

Wiya niishtam chichii saachihiikunuu Chishemanituu. Ekun maak wehchi saachihiiweyihkw.

Revelation 1:5

Jesus Christ kaye, an muush kuiskw kaa wiihtahk e tipaachimaat Chishemanituuh, nipukuseyimaau chechii shaweyimitaakw kaye chechii miitaakw chiyaameyihtamuwiniyuu. Wiya Jesus Christ maauch niishtam chii wanishkaanaakanuu nipuwinihch uhchi kaachiche chechii pimaatisiit. Wiya chisheuchimaaututaweu misiwe chisheuchimaauh utah aschiihch. Chisaachihiikunuu kaye chii pachishtinisuu chechii nipahaakanuut chiyaanuu uhchi ekaa chechii tipeyimikuyihkw chimachihtwaawinuuh.