John 3:11 - Chishemanituu Utayimuwin: Kaa Uskaach Testament

¹¹ Kuiskw chiwiihtamaatin. Nitaayimuutenaan taan e ishi chischeyihtamaahch kaye taan kaa ishi waapahtamaahch namui maak yaapach waachipeyakw chiwii taapwehtuunaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᑯᐃᔅᒄ ᒋᐐᐦᑕᒫᑎᓐ᙮ ᓂᑖᔨᒨᑌᓈᓐ ᑖᓐ ᐁ ᐃᔑ ᒋᔅᒉᔨᐦᑕᒫᐦᒡ ᑲᔦ ᑖᓐ ᑳ ᐃᔑ ᐙᐸᐦᑕᒫᐦᒡ ᓇᒧᐃ ᒫᒃ ᔮᐸᒡ ᐙᒋᐯᔭᒄ ᒋᐐ ᑖᐺᐦᑑᓈᓐ᙮

John 3:11 Iomraidhean Croise

Matthew 11:27

Ekw Jesus iskutak kaa chiish ayimihaat chii iteu, “Nuuhtaawii misiwe chekwaayuu nichii miikw chechii nanaakatuweyihtamuch. Wesh namui awen chischeyimeu aweyuu aniyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau chischeyimeu, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

Matthew 23:37

“Chiyawaau Jerusalemihch kaa ihtaayekw, kaa nipahekuch anichii uchischiwehiichesuuch kaye kaa paahpimusinaatahwekuch aniyuu Chishemanituu kaa pechi itishahamaataakw, taan tahtwaau kaa wii maausukupititakuch anite ishi e ihtaayaan, muyaam pakahaahkwaan e ihtuutuwaat upakahaahkwaanishimh, shiipaa utatahkunihch e ishi maausukunaat e wii naanaakachihaat. Ekun maak mwehch kaa wii ihtuutaatakuch. Mikw namui kuuhchi pachishtinaawaau uu chechii ihtuutaatakuch.

Luke 10:22

Ekw Jesus iskutak kaa chiishi ayimihaat kaa itaat aniyuu anit kaa ihtaayitwaauh, “Nuuhtaawii misiwe chekwaayuu nichii miikw chechii naanaakatuweyihtamaan. Wesh namui awen chischeyimeu aweyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

John 1:11

Kaa takushinit utah aschiihch wiya tipiiwe utiiniimh chii pechi nituwaapameu, mikw maak namui uhchi aapateyimikuu.

John 1:18

Namui wiiskaat awen uhchi waapameu Chishemanituu, mikw aniyuu kaa peyakushiyich Ukusisa kaa saachihaat chii ihtuutaakuu chechii chischeyimaakanuut.

John 12:49

Namui mikw niya e iteyihtamaan nuuhchi ishi ayimin. An Uhtaawiimaau kaa pechi itishahuut wiya nichii wiihtamaakw taan che iteuch ekun maak mikw kaa ishi wiihtamaan.

John 14:24

An awen ekaa kaa pechi saachihiit namui nanihiihtam nitayimuwiniyuu. Uu kaa ishi pehtamekw namui niya e ihtaayaan uhchipayuu maak Nuuhtaawii e ihtaat uhchipayuu, an kaa pechi itishahuut.”

John 3:12

Namui chitaapwehtuunaawaau e wiihtamaatakuch taan e ispayihch utah aschiihch. Taanite maak chechii uhchi taapwehtamekw wiihtamaatakuche taan e iteyihtaakuhch anite kihchikiishikuhch.

John 3:13

Namui maak awen uhchi uhpiskaau kihchikiishikuhch ishi mikw Iinuu Ukusisa kihchikiishikuhch kaa uhtuhteyich.”

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

John 5:43

Nichii takushin utah aschiihch Nuuhtaawii e chii pechi itishahuut yaapach maak namui chitaapateyiminaawaau. Kutak awen chii takushinit ekaa Chishemanituu uhchi pechi itashuwaat chipaa Nituhtaawawaau wiya.

John 7:16

Jesus kaa nishkweushihaat e itaat, “An kaa ishi chischinuhamaacheyaan namayeu niya an nichischinuhamaachewin, Chishemanituu aniyuu uchischinuhamaachewin, an kaa pechi itishahuut.

John 8:14

Jesus kaa itaat, “Aat mikw niya e tipaachimisuyaan taapwemakan taan e itweyaan. Wesh nichischeyihten taanite wehchiyaan kaye taanite che ituhteyaan. Chiyawaau maak namui chichischeyiminaawaau taanite wehchiyaan kaye taanite che ituhteyaan.

John 8:26

Mihchen chekwaayuu chechii wiihtamaan chechii uhchi wiyaaskunikuyekw. Mikw maak nika wiihtamuwaauch iinuuch utah aschiihch aniyuu taan kaa ishi pehtuuk e aayimuutahk an kaa pechi itishahuut, wesh muush taapweucheyihtaakusuu wiya.”

John 8:38

Nitaayimuuten taan kaa ishi waapahtiit nuuhtaawii. Chiyawaau maak kaye aniyuu taan e itashumitaakw Kuuhtaawaau eukw aniyuu e ihtuutamuwekw.”

ᐊᐸᔅᑕᓚᒡ 22:18

Nichii waapamaau Utipeyihchikeu e pechi iishit, ‘Chiipiih, nakat uu Jerusalem anuhchiish, taapaa wesin chika uhchi taapwehtaakuch uchii iinuuch utah taan che pechi itaachimiyin,’ nichii itikw.

2 Corinthians 4:4

Namui taapwehtamuch wesh ihtaayuuh aniyuuh kaa machimanituyich kaa uchimaahkahtamiyich uyuu aschiiyuu. Eukunh maak aniyuuh e ihtuutaakutwaau ekaa chechii waapahtahkwaau aniyuu waashtewiniyuu anit chechii uhchi pimaachihutwaau. Namui chii nisituhtamuch aniyuu miywaachimuwiniyuu ati wehchi waapahtiikuyihkw Jesus Christ uchisteyihtaakusuwin. Wesh mwehch e ishi chisteyihtaakusit Chishemanituu ekun mwehch e ishi chisteyihtaakusit Jesus.

Revelation 1:5

Jesus Christ kaye, an muush kuiskw kaa wiihtahk e tipaachimaat Chishemanituuh, nipukuseyimaau chechii shaweyimitaakw kaye chechii miitaakw chiyaameyihtamuwiniyuu. Wiya Jesus Christ maauch niishtam chii wanishkaanaakanuu nipuwinihch uhchi kaachiche chechii pimaatisiit. Wiya chisheuchimaaututaweu misiwe chisheuchimaauh utah aschiihch. Chisaachihiikunuu kaye chii pachishtinisuu chechii nipahaakanuut chiyaanuu uhchi ekaa chechii tipeyimikuyihkw chimachihtwaawinuuh.

Revelation 3:14

Miin maak nichii itikuun. Eukw uyuu itasinahamuu an enchil kaa naanaakachihaat umaamuuayimihaauh Laodiceahch kaa ihtaayich. “Eukw uyuu e itwet an anit wehchi cheshtinaateyihtaakuniyich misiwe taan e itwet Chishemanituu che ihtuutamaachet kaye che ihtit, an kuiskw kaa ihtit e wiihtahk taan nihaau e iteyihtaakusiyich Chishemanituuh, aniyuuh kaa aapachihaat Chishemanituu misiwe chekwaayuu kaa ushihtaat.