John 21:3 - Chishemanituu Utayimuwin: Kaa Uskaach Testament

³ Ekw Simon Peter kaa itaat aniyuu chischinuhamuwaakanh, “Nika nituu nuutamesen.” Kaa itikut, “Chika wiicheutinaan.” Kaa puusitwaau. Iskan tipiskaau maak chii ihtaauch ekaa uhchi pitahuyaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᓵᐃᒪᓐ ᐲᑕᕐ ᑳ ᐃᑖᑦ ᐊᓂᔫ ᒋᔅᒋᓄᐦᐊᒧᐙᑲᓐᐦ, ᓂᑲ ᓂᑑ ᓅᑕᒣᓭᓐ᙮ ᑳ ᐃᑎᑯᑦ, ᒋᑲ ᐐᒉᐅᑎᓈᓐ᙮ ᑳ ᐴᓯᑣᐤ᙮ ᐃᔅᑲᓐ ᑎᐱᔅᑳᐤ ᒫᒃ ᒌ ᐃᐦᑖᐅᒡ ᐁᑳ ᐅᐦᒋ ᐱᑕᐦᐅᔮᑣᐤ᙮

John 21:3 Iomraidhean Croise

Luke 5:5

Simon maak chii nishkweushiheu e itaat, “Chischinuhamaacheu, iskan tipiskaau nichii nuutamesenaan, namui maak nuuhchi pitahuyaanaan. Eyuwehch maak nika pakashtawehwaanaanich nitahiipiinaanich wesh ekun e iishiyaahch chechii ihtiyaahch.”

John 21:4

Iskutak maak e ati petaapaniyich, Jesus chii niipuu anite yaayeu, mikw namui uhchi chischeyimeuch anichii chischinuhamuwaakanich Jesus aniyuuh.

ᐊᐸᔅᑕᓚᒡ 18:3

Kaa wiichimaat kaye kaa wiichaapatisiimaat e ushihtaayich maahkii wesh ekun kaa itaapatisiyich mwehch wiya kaa itaapatisit anit chechii uhchi wiichihiisut.

ᐊᐸᔅᑕᓚᒡ 20:34

Chichischeyihtenaawaau kaye niya tipiiwe e chii ayaapatisiyaan chechii uhchi wauhchistamaasuyaan taan e ishi nituweyihtamaan chechii pimaachihuyaan kaye taan e ishi nituweyihtahkwaau anichii kaa wiicheutwaau.

1 Corinthians 3:7

Namui maak chekwaan iteyihtaakusuu an awen kaa nihtaauchihchet kaye an awen kaa shuuchishtataat aniyuu nihtaauchihtaakaniyuu. Chishemanituu eukw chihchiwe e iteyihtaakusit an kaa ihtuutahk chechii nihtaautiniyich aniyuu nihtaauchihtaakaniyuu.

1 Corinthians 9:6

Mikw aa niyaan Barnabas e niishiyaahch iteyihtaakun chechii aapatisiyaahch chechii uhchi pimaachihiisuyaahch.

1 Thessalonians 2:9

Niichishaanitikw, cheshtinaash chichischisinaawaache taan kaa ishpish mistaapatisiyaahch anit e ihtaayekw. Nichii aapatisinaan e chiishikaach kaye e tipiskaach niyaan chechii pimipayihiisuyaahch ekaa chechii kusikushkaakuyekw e iteyihtamekw chechii pechi pimipayihiyaahch mekwaach e waawiihtamaataahch Chishemanituu umiywaachimuwin.