John 20:2 - Chishemanituu Utayimuwin: Kaa Uskaach Testament

² Kaa chihchipahtaat kaa nituwaapamaat Simon Peter ekw maak aniyuu kutak chischinuhamuwaakan Jesus kaa saachihaayich ekw kaa itaat uyuuh, “Chii utinamuweuch Utipeyihchikeu wiiyuuyuu namui maak nichischeyihtamuwaan taanite kaa chiskashtaawaatwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᑳ ᒋᐦᒋᐸᐦᑖᑦ ᑳ ᓂᑐᐙᐸᒫᑦ ᓵᐃᒪᓐ ᐲᑕᕐ ᐁᒄ ᒫᒃ ᐊᓂᔫ ᑯᑕᒃ ᒋᔅᒋᓄᐦᐊᒧᐙᑲᓐ ᒌᓴᔅ ᑳ ᓵᒋᐦᐋᔨᒡ ᐁᒄ ᑳ ᐃᑖᑦ ᐅᔫᐦ, ᒌ ᐅᑎᓇᒧᐌᐅᒡ ᐅᑎᐯᔨᐦᒋᑫᐤ ᐐᔫᔫ ᓇᒧᐃ ᒫᒃ ᓂᒋᔅᒉᔨᐦᑕᒧᐙᓐ ᑖᓂᑌ ᑳ ᒋᔅᑲᔥᑖᐙᑣᐤ᙮

John 20:2 Iomraidhean Croise

John 13:23

An maak peyakw chischinuhamuwaakan, aniyuu Jesus naashch kaa saachihaat, uhpime anit e ihtaat chii apiyuu.

John 19:26

Jesus chii waapameu aniyuu ukaawii kaye aniyuu uchischinuhamuwaakan kaa saachihaat e niipuyich anit ekw kaa itaat aniyuu ukaawii, “Eukuu chikus.”

John 20:13

Ekw kaa itikut aniyuu enchil, “Iskweu, Chekwaan wehchi maatuuyin.” Ekw Mary kaa itaat, “Chii utineuch Nitipeyihchikem namui maak nichischeyimaauch taanite kaa chiskahaatwaau.”

John 20:15

Chii itikuu maak, “Iskweu, chekwaan wehchi maatuuyin. Awen kaa nanituwaapamat.” Kaa kanawaapamaat Mary aniyuu nihtaauchihchikanh kaa naanaakachihtaayich e iteyimaat, ekw kaa itaat, “Pechi wiihtamuu maa taanite kaa ahiit ekw maak che nituwaapamak.”

John 20:9

Uyuu maak mekwaach eshkw namui uhchi nisituhtamuch anit aniyuu Chishemanituu utayimuwinihch kaa itashteyich miin che wanishkaayich.

John 21:20

Peter chii kweschikaapuu kaa waapamaat aniyuu kutak chischinuhamuwaakan, aniyuu Jesus kaa saachihaayich. Eukun aniyuu kaa aaspichisimuyich Jesus e ihtaat mekwaach kaa miichisutwaau kaye kaa ishi kakwechimaat, “Utipeyihchikeu, awen che wiyeshipachishtinisk.”

John 21:24

Eukun uu chischinuhamuwaakan kaa tipaatutahk uyuuh chekwaayuuh, kaye kaa masinahahk uyuuh chekwaayuuh. Chichischeyimaanuu maak e taapwemakaniyich misiwe taan kaa ishi wiihtahk.

John 21:7

Aniyuuh maak chischinuhamuwaakan Jesus kaa saachihaat, chii iteu aniyuu Peter, “Utipeyihchikeu an.” Iskutak maak Simon Peter piyehtahk Utipeyihchikeu e aawiyich aniyuuh chii pushchishkam utakuhp aniyuu kaa manahk che aapatisit, ekw kaa pakashtawekwaashkuhtit.