John 2:4 - Chishemanituu Utayimuwin: Kaa Uskaach Testament

⁴ Jesus maak chii iteu, “Iskweu, chekwaan wehchi wiihtamuyin an, taapaa eshkw utihchipayuu an nitipahiikan anit che chischeyimakuyaan awen e aawiyaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒌᓴᔅ ᒫᒃ ᒌ ᐃᑌᐤ, ᐃᔅᑴᐤ, ᒉᒀᓐ ᐌᐦᒋ ᐐᐦᑕᒧᔨᓐ ᐊᓐ, ᑖᐹ ᐁᔥᒄ ᐅᑎᐦᒋᐸᔫ ᐊᓐ ᓂᑎᐸᐦᐄᑲᓐ ᐊᓂᑦ ᒉ ᒋᔅᒉᔨᒪᑯᔮᓐ ᐊᐌᓐ ᐁ ᐋᐎᔮᓐ᙮

John 2:4 Iomraidhean Croise

Matthew 15:28

Ekw Jesus kaa itaat, “Iiskweu, taapwe suuhchisiimakan chitaapwehtamuwin. Chika ishi ihtuutamaakuun maak taan e ishi pukuseyihtaman.” Tiiwehch maak chii miinuwaatisiyuuh aniyuu utaanisa an iskweu.

Matthew 8:29

Iskutak maak wiyaapamikut Jesus aniyuuh naapeuh tiiwehch chii uhchi aashihkweyuuh e itweyich, “Jesus, taan waa ishiihkuuyaahch, chiya Chishemanituu Ukusisa, shaash aa chiwii pechi wawiisacheyihtamihiinaan eshkw maak ekaa utihchipayihch anit che wawiisacheyihtamuwaauhchipane.” Ekun kaa itikut aniyuuh niishu naapeuh.

Luke 2:49

Ekw Jesus kaa itaat, “Chekwaan wehchi naanituweyimiyekw. Namui aa chichischeyihtenaawaau ekut nipaa ihtaan utah Nuuhtaawii wiichihch.”

John 12:23

Ekw Jesus kaa itaat, “Shaash utihchipayuu Chishemanituu chechii waapahtiiwet e chisteyihtaakusiyich Iinuu Ukusisa.

John 13:1

Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.

John 2:3

Iskutak maak misiwe kaa chistaakanuuhch an shuuminaapuu, Jesus chii itikuu ukaawiih, “Shaash nuuhtepayuuch shuuminaapuuyuu.”

John 20:13

Ekw kaa itikut aniyuu enchil, “Iskweu, Chekwaan wehchi maatuuyin.” Ekw Mary kaa itaat, “Chii utineuch Nitipeyihchikem namui maak nichischeyimaauch taanite kaa chiskahaatwaau.”

John 20:15

Chii itikuu maak, “Iskweu, chekwaan wehchi maatuuyin. Awen kaa nanituwaapamat.” Kaa kanawaapamaat Mary aniyuu nihtaauchihchikanh kaa naanaakachihtaayich e iteyimaat, ekw kaa itaat, “Pechi wiihtamuu maa taanite kaa ahiit ekw maak che nituwaapamak.”

John 7:30

Ekut kaa wii maakunaatwaau Jesus mikw maak namui uhchi pischeyimeuch, wesh eshkw namui uhchi utihchipayuu anit chipaa maakunaakanuu.

John 7:6

Ekw Jesus kaa itaat, “Taapaa eshkw utihchipayuu chechii chistuhteyaan, chiyawaau maak mikw waaishpish ituhteyekw chika chii ituhtenaawaau.

John 7:8

Maachiikw chiyawaau ituhtekw nete e makushaanuuhch, taapaa eshkw utihchipayuu niya chechii ituhteyaan anite.”

John 8:20

Eukw uyuu kaa itwet Jesus anite chisheayimiheukamikuhch kaa chiskutamaachet anite kaa chii kanuweyihtaakanuyikwaauh pachishtinichewinh. Namui maak aweyuu uhchi maakunikuu wesh namui eshkw uhchi utihchipayuu anit chipaa maakunaakanuu.

2 Corinthians 5:16

Namui maak ekw uschich e ishinawaakanuut awen nit ishi kanawaapamaanaan. Ekun kaa ishi kanawaapamachiht Christ peyakwaau. Namui ekw anite nit ishi kanawaapamaanaan.