John 2:2 - Chishemanituu Utayimuwin: Kaa Uskaach Testament

² Jesus ekw maak aniyuu uchischinuhamuwaakanh kaye wiyawaau chii wiishaamaakanuuch aniyuu e niipuunaanuyich,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒌᓴᔅ ᐁᒄ ᒫᒃ ᐊᓂᔫ ᐅᒋᔅᒋᓄᐦᐊᒧᐙᑲᓐᐦ ᑲᔦ ᐎᔭᐙᐤ ᒌ ᐐᔖᒫᑲᓅᒡ ᐊᓂᔫ ᐁ ᓃᐴᓈᓄᔨᒡ,

John 2:2 Iomraidhean Croise

Matthew 12:19

Namui chika uhchi naanituu machipayuu kaye namui chika uhchi taachikweu nitaapachihaakan, maak chechii papehtaakuhut anite meskanaahch.

Matthew 25:40

Ekw Chisheuchimaau kaa itaat, ‘Chiwiihtamaatinaawaau, aniyuu taan kaa ishi ihtuutawekw peyakw an niichishaan ekaa mitun kaa aapateyihtaakusit kaa iteyimaakanuut, niya chichii ihtuutuunaawaau.’ ”

Matthew 25:45

Ekw maak che itikutwaau Utipeyihchikeu, ‘Taapwe chiwiihtamaatinaawaau an ekaa uhchi wiichihekw peyakw niichishaan an ekaa mitun kaa aapateyihtaakusit kaa iteyimaakanuut, niya kaye namui chuuhchi wiichihiinaawaau.’

John 2:12

Ekw Jesus kaye maak ukaawiih ekw maak wiichishaanh kaye aniyuu uchischinuhamuwaakanh chii ituhteuch anite ihtaawiniyuu Capernaum kaa ishinihkaateyich, ekute anite kaa ihtaatwaau. Namui mikw naashch mihchetu chiishikaau uhchi ihtaauch anite.

John 2:17

Uchischinuhamuwaakanh maak chii uhchi chischisiyuuh anite masinahiikanihch kaa itashteyich, Mitun nika shaakuuchihiikuun naashch e saachihtaayaan chiwaaskaahiikanim.

John 2:22

Iskutak maak kaa wanishkaanaakanuut nipuwinihch uhchi, ekw kaa chischisiyich aniyuu uchischinuhamuwaakanh uyuu kaa itwet. Chii taapwehtamuch maak taan e itashteyich Chishemanituu utayimuwinihch kaye taan kaa itweyich Jesus.

John 2:3

Iskutak maak misiwe kaa chistaakanuuhch an shuuminaapuu, Jesus chii itikuu ukaawiih, “Shaash nuuhtepayuuch shuuminaapuuyuu.”

John 3:22

Anite Judea aschiihch chii ituhteu Jesus uchischinuhamuwaakan e wiicheukut. Ekute anite kaa ihtaatwaau, Jesus maak chii siikahaahtaacheu.

John 4:2

Mikw maak namayeu wiya Jesus kaa siikahaahtaachet, uchischinuhamuwaakanh aniyuu kaa siikahaahtaacheyich.

John 4:33

Ekw kaa kakwechimitutwaau, “Chii petuweu kaakaye awen chekwaayuu chechii miichiyich.”

John 4:8

Namui mekwaach uhchi ihtaayuuh Jesus uchischinuhamuwaakanh aniyuu wesh anite ihtaawinihch chii ituhteyuuh miichimiyuu e chii nituu utinamiyich.

John 6:12

Iskutak maak misiwe awen kaa tepimiichisut, ekw Jesus kaa itaat aniyuuh uchischinuhamuwaakan, “Maamuustinamukw misiwe taan e ishpish iskupayihch, ekaawii mitun nanaayuuhtaataau chekwaan.”

John 6:16

Iskutak maak e ati utaakushiyich Jesus uchischinuhamuwaakan chii naasipeyuuh.

John 6:60

Iskutak maak kaa pehtaakut mihchetu aniyuu kaa nuushuushkaakut aniyuu e itwet, chii itweyuuh, “Taapwe aayimaniyuu aniyuu kaa itwet, awen chechii nisituhtahk.”

John 6:66

Iskutak maak kaa itwet uyuu mihchetu aniyuuh kaa nuushuushkaakut chii nakatikuu kaye namui uhchiwii wiicheukuu.

John 6:67

Ekw Jesus kaa kakwechimaat aniyuu niishushaap uchischinuhamuwaakanh e itaat, “Kaye aa chiyawaau chiwii nikasinaawaau.”

John 6:70

Jesus kaa nishkweushihaat e itaat, “Namui aa niya kuuhchi wiyaapamitinaawaau e niishushaapuyekw, peyakw maak anit e tashiyekw machimanituu.”

John 6:71

Judas, Simon Iscariot ukusiyuu eukw aniyuu kaa aayimuumaat wesh eukw an peyakw anit e niishushaapuutwaau che wiyeshipachishtinaakupane aniyuu Jesus.

John 6:8

Ekw peyakw aniyuu kutak uchischinuhamuwaakan Andrew, aniyuu Simon Peter wiichiinuu chii iteyuuh,

John 7:3

Ekw Jesus wiichishaanh kaa itikut, “Chistuhte maa, nete Judeahch che ituhteyin, che waapahtahkwaau anichii kaa nuushuushkaaskwaau taan e ishi maamishkaach ihtuut.

ᐊᐸᔅᑕᓚᒡ 11:26

Iskutak maak meskawaat, chii peshuweu anite Antiochihch. Taapishkun maak e niishitwaau mitun peyakw pipun muush chii nishtuuneuch aniyuu umaamuuayimihaauh chechii maamuu ayimihaatwaau kaye mihchetu aniyuu chii chiskutamuweuch. Ekut maak anit Antiochihch maauch niishtam Christianich kaa ishinihkaataakanuutwaau anichii kaa taapweyimaatwaau Jesus.

ᐊᐸᔅᑕᓚᒡ 11:29

Ekw anichii chischinuhamuwaakanich misiwe paahpeyakw e tashitwaau kaa wiyeyihtahkwaau suuhk che wiichihaatwaau taan e ishi nituweyihtamiyich aniyuu wiichishaanawaau anite Judea aschiihch kaa ihtaayich.

1 Corinthians 10:31

Maau chipaa ihtinaawaau. Misiwe chekwaan e ihtiyekw, e miichisuyekw maak e minihkweyekw, chipaa ihtuutenaawaau Chishemanituu mikw chechii chisteyimaakanuut.

1 Corinthians 7:39

E niipuut iskweu namui iteyihtaakusuu chechii wiichimaat kutak naapeu eshkw e pimaatisiyich unaapem. Mikw maak nipiichen unaapemh chika chii wiichimeu mikw e ishinaakusiyich naapeu e kweskaatisiikwen.

Colossians 3:17

Misiwe chekwaan e ihtuutamekw kaye taan e itweyekw, Utipeyihchikeu Jesus utishinihkaasuwinihch chipaa ishi ihtuutenaawaau e nanaaskumekw Chishemanituu Kuuhtaawinuu wiya Jesus uhchi.

Hebrews 13:4

Kaye miin kutach chekwaan che ititakuch, misiwe awen chipaa chisteyihtamihiikuu wiichihtuuwiniyuu. An naapeu kaye wiichiskweu mikw wiyawaau chipaa wiihpemituuch. Namui chipaa uhchi pisikwaatisiyuch. Wesh Chishemanituu cheshtinaash kata wiyaaskuneu aniyuu kaa wiinisuuwaatisiyich kaye aniyuu kaa pisikwaatisiyich.

Revelation 3:20

Nituhtamukw. Niniipuun ishkwaahtemihch e paahpawahiicheyaan. An awen che pehtuukwe piihtakahiite maak nika piihchewaan anite e ihtaat ekw maak che wiich miichisuumituyaahch.