John 2:16 - Chishemanituu Utayimuwin: Kaa Uskaach Testament

¹⁶ Chii iteu maak aniyuu piyeshiisha kaa ataawaacheyitaauh, “Maachiikw wiiwiihtahaahkuch nete anichii. Nuuhtaawii uyuu wiichi, namayeu uu ataawaaukamikw. Ekun ekw ishpish ataawekw chekwaan utah.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᒌ ᐃᑌᐤ ᒫᒃ ᐊᓂᔫ ᐱᔦᔒᔕ ᑳ ᐊᑖᐙᒉᔨᑖᐤᐦ, ᒫᒌᒄ ᐐᐐᐦᑕᐦᐋᐦᑯᒡ ᓀᑌ ᐊᓂᒌ᙮ ᓅᐦᑖᐐ ᐅᔫ ᐐᒋ, ᓇᒪᔦᐤ ᐆ ᐊᑖᐙᐅᑲᒥᒄ᙮ ᐁᑯᓐ ᐁᒄ ᐃᔥᐱᔥ ᐊᑖᐌᒄ ᒉᒀᓐ ᐅᑕᐦ᙮

John 2:16 Iomraidhean Croise

Matthew 21:12

Ekw Jesus kaa piihchet chisheayimiheukamikuyuu. Chii waapameu maak aniyuu kaa ataaweyitwaau kaye aniyuu kaa utinaasuyitwaau anite piihtakamihch, ekw kaa wiiwiitishihwaat. Chii kwetapuwepinamuweu maak umiichisuunaahtikuyuu aniyuu kaa miiskutuunaayich shuuliyaanaapiskwa kaye utehtapuuniyuuh chii kwetapuwepinamuweu aniyuu kaa aataaweyitwaauh piyeshiisha.

Matthew 21:13

Ekw Jesus kaa itaat, “Itashteu Chishemanituu utayimuwinihch, ‘Ayimiheukamikw kata ishinihkaateu niwaaskaahiikanim.’ Mikw maak chiyawaau chimutiskach uwaaskaahiikanamuwaau ekun e taapachihtaayekw uu chisheayimiheukamikw.” Ekun maak uyuu kaa ishi wiihtamuwaat Jesus aniyuu kaa ataaweyitwaau anite chisheayimiheukamikuhch.

Matthew 22:5

Mikw maak anichii kaa wiishaamaakanuutwaau namui uhchi ayaapatihtamuch, aahchiiuh chii ishi kachistuhteuch. Peyakw an anite unihtaauchihchikan e ihtakuniyikwaauh chii ituhteu. Ekw miin kutak chii ayaakupane taan e ishi ataawet. ekute kaa ituhtet wiya.

Mark 11:17

Chii chiskutamaacheu maak, e itwet, “Namui aa itashteu Chishemanituu umasinahiikanihch, Ayimiheukamikw kata ishinihkaateu niwaaskaahiikanim, anite misiwe awen e itiskaanesit chechii ayimihaat. Chiyawaau maak muyaam chimutiskach uwaatakuwaauh ekun e ishinaakuhtaawekw Chishemanituu uwaaskaahiikanim.”

Luke 2:49

Ekw Jesus kaa itaat, “Chekwaan wehchi naanituweyimiyekw. Namui aa chichischeyihtenaawaau ekut nipaa ihtaan utah Nuuhtaawii wiichihch.”

John 10:29

Nuuhtaawii, an kaa pechi miit uyuu maanishchaanisha, eukw maauch chesteyihtaakusit. Namui maak aweyuuh ihtaayuuh chechii miskamikut uyuuh maanishchaanisha e tahkunaat.

John 2:15

Ekw kaa ushihtaat pishishtehiikaniyuu apisiyuu e aapachihtaat, ekw kaa wiiwiitishihwaat aniyuuh kaa ataaweyitwaau kaye aniyuu awesiisa anit chisheayimiheukamikuhch, taapishkun aniyuu maanishchaanisha kaye aniyuu mistusa. Chii kwetipuwepinamuweu kaye umiichisuunaahtikuyuuh aniyuu kaa miishkutuunamiyich shuuliyaayuu, kaa aschewepinamuwaat aniyuu ushuuliyaamiyuu.

John 20:17

Jesus kaa itwet, “Ekaawii taahtin wesh eshkw namui Nuuhtaawii e ihtaat nuuhchii ishi uhpiskaan. Nituwaapamach niichishaanich che wiihtamuutwaau che uhpiskaauch Nuuhtaawii kaye chiyawaau Kuuhtaawiiwaau e ihtaat ishi, Nichishemanituum kaye chiyawaau Chichishemanituumiwaau.”

John 5:17

Ekw kaa itikutwaau Jesus, “Nuuhtaawii muush miyutuutam aat e ayimiheuchiishikaayich, kaye niya maak ekun che wii ihtiyaan.”

John 8:49

Jesus maak chii iteu, “Namui nipiihchishkaakw machiahchaahkw. Nichisteyimaau Nuuhtaawii mikw maak chiyawaau namui chichisteyiminaawaau niya.

1 Timothy 6:5

Uchii maak kaa mamachipayihtaasutwaau namui chischeyihtamuch taapwewiniyuu kaye namui kuiskw chii ishi nisituhtamuch taapwewiniyuu. Eyuu maak iteyihtamuch e Chishemanituuwaatisiinaanuyich ekut chechii uhchi uhtisiitwaau.

2 Peter 2:3

Aniyuu maak che ishpish wii weyuuch ayaatwaau uchii naspaach chiskutamaachesuuch nitamukw tipaachimuwin chika waawiihtamaakuwaauch. Ekut maak niyaanitam aniyuu nitamukw e itaachimushtaataakuch che uhchi wii itaapachihiitaakuch chechii uhchi ushuuliyaamihkaasutwaau. Eukunich maak uchii shaash weskach kaa ayeskushteyich taan che ishi waweshihaakanuutwaau kaye muush chii cheshtinaachisteyuu taan che ishi wanaatisiitwaau.