John 2:11 - Chishemanituu Utayimuwin: Kaa Uskaach Testament

¹¹ Ekut maak anit Canahch anite Galilee aschiihch, niishtam kaa maamishkaach ihtit Jesus, ekut kaa nuukuniyich uchisteyihtaakusuwin. Ekut maak kaa uhchi taapweyimikut uchischinuhamuwaakanh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐁᑯᑦ ᒫᒃ ᐊᓂᑦ ᑫᓇᐦᒡ ᐊᓂᑌ ᑲᓕᓖ ᐊᔅᒌᐦᒡ, ᓃᔥᑕᒻ ᑳ ᒫᒥᔥᑳᒡ ᐃᐦᑎᑦ ᒌᓴᔅ, ᐁᑯᑦ ᑳ ᓅᑯᓂᔨᒡ ᐅᒋᔅᑌᔨᐦᑖᑯᓱᐎᓐ᙮ ᐁᑯᑦ ᒫᒃ ᑳ ᐅᐦᒋ ᑖᐺᔨᒥᑯᑦ ᐅᒋᔅᒋᓄᐦᐊᒧᐙᑲᓐᐦ᙮

John 2:11 Iomraidhean Croise

John 1:14

An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.

John 1:17

Chishemanituu chii aapachiheu aniyaanaa Moses chechii wiihtamuwaayich iinuuh uwiishuwewinh. Kaye maak Jesus Christ chii aapachiheu chechii nuukuhtaayich utaapwewin kaye uchishewaatisiiwin.

John 1:43

Miin aniyuu e ati chiishikaayich Jesus chii iteyihtam Galilee aschiihch chechii ituhtet. Ekute anite kaa miskuwaat Philip ekw kaa itaat, “Pechi papaawiicheu.”

John 1:50

Ekw Jesus kaa itaat, “Chitaapwehten aa an mikw e chii wiihtamaataan e chii waapamitaan shiipaa misishuuminaahtikuhch. Etituu maak eshkw chika waapahten maamishkaach chekwaayuuh.”

John 10:41

Mihchetu maak aweyuu chii pechi nituwaapamikuu kaa itweyich, “Namui wiiskaat uhchi maamishkaach ihtuutam John, mikw maak misiwe taapwemakaniyuu taan kaa itaachimaat uyuuh naapeuh.”

John 11:15

Nimiyeyihten ekaa uhchi ihtaayaan mekwaach ekaa kaa miyupayit Lazarus ekw maak che nihiipayihch chechii taapweyimiyekw. Maachiitaau nituwaapamaataau.”

John 11:47

Ekw anichii Phariseech kaye kaa niikaanapitwaau ayimiheuchimaauch chii nishtuuneuch kaa uchimaawiitwaau kaa niikaanishkuwaayich iinuu e itaatwaau, “Taan che ihtiihkw. Naashch mihchetu maamishkaach chekwaayuu e ishi ihtuutahk uu naapeu.

John 12:18

Eukw maak aniyuu wehchi nituu nachihaatwaau Jesus mihchetu awenichii iskutak tekushiniyich anite Jerusalemihch, aniyuu e chii pehtahkwaau taan kaa ishi maamishkaach ihtiyich.

John 12:37

Aat maak mihchetwaau naashch e maamishkaateyihtaakuniyikwaau chekwaayuuh e chii ihtuutahk anit Jewa e ihtaayich yaapach namui uhchi wii taapweyimikuu wiya e aawit Christ.

John 12:41

Isaiah chii iteu uyuu wesh chii waapahtamuweu Jesus uchisteyihtaakusuwiniyuu, ekw maak kaa aayimuumaat.

John 14:13

Nika ihtuuten taan e ishi nitutamaayekw nitishinihkaasuwin aapachihtaayekwe, ekw maak che nuukuhch e ishpish chisteyihtaakusit Chishemanituu aniyuu uhchi taan e ishi ihtuutamiyich Ukusisa.

John 16:27

Wesh chisaachihiikuwaau Uhtaawiimaau e chii saachihiyekw kaye e chii taapwehtamekw uhtaawiimaau e ihtaat e chii uhtuhteyaan.

John 16:30

Nichischeyihtenaan maak misiwe chekwaan e chischeyihtaman, namui nituweyihtaakusuu awen chechii kakwechimisk chekwaayuu, eukw maak uu wehchi taapwehtamaahch Chishemanituu e ihtaat e chii uhtuhteyin.”

John 2:1

Nishtu chiishikaau maak ishpish chii niipuunaanuu anite an ihtaawin Cana kaa ishinihkaatech anite Galilee aschiihch kaa ihtakuhch. Ekute anite kaa ihtaayich Jesus ukaawiih.

John 2:23

Mekwaach maak Jesus kaa ihtaat anite Jerusalemihch aniyuu mekwaach kaa makushaanuyich miyaaskaacheu makushaaniyuu, mihchetu aweyuu chii taapweyimikuu wiya taapwe e aawiyit Christ iskutak kaa waapamikut e maamishkaach ihtit.

John 3:2

Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”

John 4:3

Iskutak piyehtahk Jesus e ayimitutawaakanuut, chii nakatam Judea aschiiyuu ekw Galilee aschiihch miin kaa ituhtet.

John 4:46

Ekw miin kaau kaa ituhtet anite Canahch Galilee aschiihch kaa ihtakuhch ihtaawin, anite kaa ihtuutahk nipiiyuu chechii shuuminaapuuniyich. Ekut kaa ihtaat naapeu e uchimaaut. An uchimaau chii ihtaayuuh ukusisa, e aahkusiyich, anite maak Capernaum ihtaawinihch chii ihtaayuuh mekwaach.

John 4:54

Eukw maak uyuu niishwaa kaa maamishkaach ihtit Jesus e takushinit anite Galilee aschiihch, anite Judea aschiihch e uhtuhtet.

John 5:23

Ekw maak misiwe awen che chisteyimaat Ukusisimaau muyaam e ishi chisteyimaat Uhtaawiimaau. An awen ekaa kaa chisteyimaat Ukusisimaau namui chisteyimeu kaye Uhtaawiimaau aniyuu kaa pechi itishahukuyich.”

John 6:14

Anichii maak iinuuch anit kaa ihtaatwaau, anichii kaa waapamaatwaau Jesus aniyuu miskach ihtuwiniyuu e ihtuutamiyich chii iteuch, “Cheshtinaash eukw uu uchischiwehiichesuu an kaa ashuwaapamuhkw chechii pechi itishahwaakanuut utah aschiihch.”

John 6:2

Chii mihchetiyuu maak aweyuuh kaa nuushuushkaakut wesh chii wii waapamikuu e maamishkaach ihtit e miinuwaachihaat aweyuuh e aahkusiyich.

John 6:26

Jesus kaa itaat, “Kuiskw chiwiihtamaatinaawaau, namui mikw an e chii waapamiyekw maamishkaach waapahtiiwewinh e ihtuutamaan wehchi pechi naanituwaapamiyekw. An e chii muwekw aaihkunaau kaye e chii chiishpuyekw ekun wehchi naanituuwaapamiyekw.

John 6:30

Ekw kaa itaatwaau aniyuu Jesus, “Taan chechii ishi miskaach ihtiyin chechii uhchi taapweyimataahch.

John 7:31

Mihchetu maak aweyuu chii taapweyimikuu e itweyich, “Mistahii chii ishi maamishkaach ihtuu uu naapeu. Pechi itishahwaate maak Chishemanituu aniyuuh Christ, uste aa kata ishi maamishkaach ihtuutamiyuuh taan e ishi ihtuutamiyich uyuu naapeu.”

John 9:16

Pasch maak anichii Phariseech chii iteuch, “Uu naapeu Jesus namui Chishemanituu e ihtaayich uhchiyuu, taapaa aapateyihtam e Jewa ayimiheuchiishikaayich.” Kutakach maak chii iteuch, “Taanite chechii uhchi maamishkaach ihtit awen e machituutamukwe. Chii pahkaanipayuuch maak uyuu uhchi.”

2 Corinthians 3:18

Chiyaanuu maak wii namui nituweyihtaakun chechii aakuuhwehusuyihkw chechii waapahtamuhkw Utipeyihchikeu uchisteyihtaakusuwin. E kanawaapahtamuhkw Utipeyihchikeu uchisteyihtaakusuwin wetaach chikweschinaakuhiikunaanuu wiya chechii nispituuhkw. Wetaach chitihtuutaakunaanuu kaye chiyaanuu etituu chechii chisteyihtaakusiihkw. Wiya maak Utipeyihchikeu uyuu chitishihiikunuu Utahchaahkwa uhchi.

2 Corinthians 4:17

Namui naashch chekwaan iteyihtaakun taan e ishi nachishkamuhkw kaye maak an taan e ishi nachishkamuhkw namui chineush chika uhchi pimipayuu. Wesh Chiwiichihiikunaanuu chechii ayaayihkw kaachiche chisteyihtaakusuwin. Etituu maak mistahii iteyihtaakun uu ishpishaat taan e ishi nachishkamuhkw.

2 Corinthians 4:6

Itashteu Chishemanituu utayimuwinihch e chii itwet Chishemanituu, “Chika waashteu anite uhchi wanitipiskusiiwinihch.” Eukw uu yaapach Chishemanituu kaa ihtuutahk chechii waashteyich chitehiinaahch. Ekut maak wehchi kaschihupayihch chechii wiichihiihkwaau kutakach awenichii chechii waapahtahkwaau uyuu waashtewiniyuu. Uu maak waashtewin eukw aniyuu Chishemanituu uchisteyihtaakusuwin. Jesus Christ maak e ihtaat ekut wehchi nuukuniyich aniyuu uchisteyihtaakusuwin.

1 John 5:13

Chimasinahaamaatinaawaau chiyawaau kaa taapweyimekw Chishemanituu Ukusisa chechii chischeyihtamekw e ayaayekw kaachiche pimaatisiiwin.