John 2:1 - Chishemanituu Utayimuwin: Kaa Uskaach Testament

¹ Nishtu chiishikaau maak ishpish chii niipuunaanuu anite an ihtaawin Cana kaa ishinihkaatech anite Galilee aschiihch kaa ihtakuhch. Ekute anite kaa ihtaayich Jesus ukaawiih.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓂᔥᑐ ᒌᔑᑳᐤ ᒫᒃ ᐃᔥᐱᔥ ᒌ ᓃᐴᓈᓅ ᐊᓂᑌ ᐊᓐ ᐃᐦᑖᐎᓐ ᑫᓇ ᑳ ᐃᔑᓂᐦᑳᑌᒡ ᐊᓂᑌ ᑲᓕᓖ ᐊᔅᒌᐦᒡ ᑳ ᐃᐦᑕᑯᐦᒡ᙮ ᐁᑯᑌ ᐊᓂᑌ ᑳ ᐃᐦᑖᔨᒡ ᒌᓴᔅ ᐅᑳᐐᐦ᙮

John 2:1 Iomraidhean Croise

Matthew 12:46

Eshkw maak mekwaach Jesus chii ayimiheu aniyuu iinuu, kaa uhchi takushiniyich ukaawiih kaye wiichishaanh. Wiiwiitamihch anite chii niipuuyuuh e wii ayimihiikut.

John 1:29

Miin maak aniyuu wiyaapaniyich John chii waapameu Jesus e pechi naatikut, ekw kaa itwet, “Kanawaapamaahkw maa uu naapeu, eukw uyuu Chishemanituu umaanishchaanishimh kaa pechi itishahwaat chechii wepeyihtamuwaakanuyich aweyuuh umachihtwaawiniyuuh.

John 1:35

Miin maak aniyuu e chiishikaayich miin chii ihtaau anit John kaye maak aniyuu niishu uchischinuhamuwaakanh.

John 1:43

Miin aniyuu e ati chiishikaayich Jesus chii iteyihtam Galilee aschiihch chechii ituhtet. Ekute anite kaa miskuwaat Philip ekw kaa itaat, “Pechi papaawiicheu.”

John 2:11

Ekut maak anit Canahch anite Galilee aschiihch, niishtam kaa maamishkaach ihtit Jesus, ekut kaa nuukuniyich uchisteyihtaakusuwin. Ekut maak kaa uhchi taapweyimikut uchischinuhamuwaakanh.

John 21:2

Maamuu chii ihtaauch uchii misiwe, Simon Peter, Thomas, an Kaa niishitwaau kaa ishinihkaataakanuut, Nathanael, an Cana kaa uhchiit anite Galilee aschiihch kaa ihtakuniyich, kaye aniyuu niishu Zebedee ukusisa ekw maak niishu kutakach chischinuhamuwaakanich.

John 4:46

Ekw miin kaau kaa ituhtet anite Canahch Galilee aschiihch kaa ihtakuhch ihtaawin, anite kaa ihtuutahk nipiiyuu chechii shuuminaapuuniyich. Ekut kaa ihtaat naapeu e uchimaaut. An uchimaau chii ihtaayuuh ukusisa, e aahkusiyich, anite maak Capernaum ihtaawinihch chii ihtaayuuh mekwaach.

Hebrews 13:4

Kaye miin kutach chekwaan che ititakuch, misiwe awen chipaa chisteyihtamihiikuu wiichihtuuwiniyuu. An naapeu kaye wiichiskweu mikw wiyawaau chipaa wiihpemituuch. Namui chipaa uhchi pisikwaatisiyuch. Wesh Chishemanituu cheshtinaash kata wiyaaskuneu aniyuu kaa wiinisuuwaatisiyich kaye aniyuu kaa pisikwaatisiyich.