John 19:34 - Chishemanituu Utayimuwin: Kaa Uskaach Testament

³⁴ Peyakw maak an shimaakanish chii tahkameu aniyuu Jesus anite uhpimeyuu. Tiiwehch kaa uhchi kuikwaasikuuniyich umihkuyuu kaye nipiiyuu anit uhchi.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᐯᔭᒄ ᒫᒃ ᐊᓐ ᔑᒫᑲᓂᔥ ᒌ ᑕᐦᑲᒣᐤ ᐊᓂᔫ ᒌᓴᔅ ᐊᓂᑌ ᐅᐦᐱᒣᔫ᙮ ᑏᐌᐦᒡ ᑳ ᐅᐦᒋ ᑯᐃᒀᓯᑰᓂᔨᒡ ᐅᒥᐦᑯᔫ ᑲᔦ ᓂᐲᔫ ᐊᓂᑦ ᐅᐦᒋ᙮

John 19:34 Iomraidhean Croise

1 John 5:6

Wiya Jesus Christ chii takushinuu Chishemanituu e chii itashumikut chechii siikahaahtuwaakanuut nipiihch, kaye chechii wanihtaat umihkw aashiteyaahtikuhch kaa chiistaaskuhwaakanuut. Namui uhchi takushinuu mikw chechii siikahaahtuwaakanuut nipiihch maak eyuu chechii wanitaat umihkw.

1 John 5:8

Nishtuyich chuuhchi wiihtamaakunaanuu chechii uhchi chischeyihtamuhkw Jesus e aaut Chishemanituu Ukusisa. Ahchaahkw chiwiihtamaakunuu, ekw maak nipiih ekw maak umihkw. Misiwe uyuuh peyakunihch ishi wiihtamaachemakanh taapwe Jesus e aaut Chishemanituu Ukusisa.

Revelation 7:14

Ekw kaa itak, “Namui niya nichischeyimaauch. Chii eukw chescheyimatwaau.” Nichii itikw maak, “Eukunich uchii kaa shaapushkahkwaau taan kaa ishi nanehkaachihaakanuutwaau. Chii chishtaapautaauch utakuhpuwaauh aniyuu Maanishchaanisha umihkuyich ekw maak kaa waapaayikwaauh aniyuuh utakuhpuwaauh.

Ephesians 5:26

Eukw uyuu kaa ihtit Christ Chishemanituu e ihtaayich chechii ishi pachishtinaat umaamuuayimihaauh iskutak kaa payehchihaat, nipiihch e chii chishtaapawiyaat aniyuu taan kaa ishi aayimuuteyich Chishemanituu utayimuwiniihch.

Revelation 1:5

Jesus Christ kaye, an muush kuiskw kaa wiihtahk e tipaachimaat Chishemanituuh, nipukuseyimaau chechii shaweyimitaakw kaye chechii miitaakw chiyaameyihtamuwiniyuu. Wiya Jesus Christ maauch niishtam chii wanishkaanaakanuu nipuwinihch uhchi kaachiche chechii pimaatisiit. Wiya chisheuchimaaututaweu misiwe chisheuchimaauh utah aschiihch. Chisaachihiikunuu kaye chii pachishtinisuu chechii nipahaakanuut chiyaanuu uhchi ekaa chechii tipeyimikuyihkw chimachihtwaawinuuh.

1 Peter 3:21

An maak nipii, mwehch siikahaahtaachewin chii ishinaakun, siikahaahtaachewiniyuu maak eukw pemaachihiikut awen kaa taapwehtahk. Mikw maak e siikahaahtuwaakanuut awen namui wiiyuu chishtaapautaakanuuyuu. Nuukuhtaau Chishemanituuh e itaat taapwe Christ che nuushuushkuwaat. Pimaachihiikuu e siikahaahtuwaakanuut aniyuu uhchi Jesus Christ e chii wanishkaanaakanuyich nipuwinihch uhchi.

Hebrews 9:22

An wiishuwewin kaa aapatahch e nuuchiishtuwaakanuut Chishemanituu itashteu misiwe chekwaan chechii payehchihtaakanuuhch mihkw e aapatahch ekun maak kaa ihtuutaakanuuhkwaau misiwe chekwaayuu piihtakamihch anit maahkiihch kaa ihtakuhkwaauh, chii pichishtepayihtaakanuu mihkw taanit e ati ihtakuhkwaauh aniyuu chekwaayuu Chishemanituu e ihtaat e ishi aapatihkwaau. Wesh paatish mihkw kaa uhchikuuhch ekw yaakw che ihtakuhch wepeyihtamaachewin.

Hebrews 9:13

Anite Moses uwiishuwewinihch chii itashteu ekaa chechii nuuchiishtuwaatwaau Chishemanituuh anichii ekaa kaa payehchisiitwaau ayimihewinihch ishi. E payehchisiitwaau chii ishi kanawaapamaakanuuch iskutak kaa pihchikuunikanuyich maanishchaanish kaye naape mistus mihkuyuu anit e ihtaatwaau. Kaye aniyuu ishkwaaschiseyuu e chii ishkwaashwaakanuyich uschi nuushe mistusa chii usuwepinikanuyuu anite e ihtaatwaau.

Titus 2:14

Chii pachishteyimitisuu Christ chiyaanuu uhchi, chechii wepeyihtamaakuyihkw misiwe chimachihtwaawinuuh kaye chechii payehchihiitahkw mikw wiya chechii ayaautahkw. Chinituweyimikunuu suuhk chechii iteyihtamihiikuyihkw kuiskw chechii ihtiihkw.

1 Corinthians 6:11

Pasch anit e tashiyekw ekun kaa chii ishi pimaatisiyekw. Mikw maak shaash chichii chishtaapawiikunaawaau, chichii payehchihiikunaawaau, kaye chichii kuiskunaakuhiikunaawaau Utipeyihchikeu Jesus Christ utishinihkaasuwinihch neshta Chishemanituu Utahchaahkuhch ishi.

1 Corinthians 1:30

Wiya Chishemanituu chii nihiipayihtaau chechii wiicheumekw Jesus Christ. Jesus maak e ihtaat uhchi ekute wehchi ayaayihkw kachehtaaweyihtamuwin, kaye kuiskutaatisiiwin, kaye payehchi pimaatisiiwin, kaye maak pimaachihiikusiiwin.

Matthew 27:62

An maak miin wiyaapahch eukw uyuu Jewa iinuuch utayiwepuu chiishikaamuwaau. Anichii maak chisheayimiheuchimaauch ekw maak anichii Phariseech chii nachishkaweuch Pilate.

ᐊᐸᔅᑕᓚᒡ 22:16

Maachiih maak, ekaawii nanakaawiih. Pisikuuh, che siikahaahtaakuyin, ekw maak che wepeyihtamaakuyin chimachihtwaawin e tepwaatat Utipeyihchikeu chechii wepeyihtamaask.’ ”

John 19:33

Jesus maak shaash chii puunipimaatisiyuu wiya iskutak wetihtaatwaau anichii shimaakanishach namui maak uhchi naatwaakaatehweuch.

John 20:20

Iskutak maak kaa chiishi waachiyemaat aniyuu uchischinuhamuwaakanh ekw kaa waapahtiyaat utihchii kaye uhpimeyuu. Nuwach maak chii sichiyeyihtamuch e chii waapamaatwaau utipeyihchikemuwaau.