John 17:9 - Chishemanituu Utayimuwin: Kaa Uskaach Testament

⁹ “Nitayimiheshtamuwaauch, namui wii anichii ekaa kaa chischeyimiskwaau upimaatisiiwiniwaahch nitayimiheshtamuwaauch. Uchii eukw kaa pechi miyin nitayimiheshtamuwaauch wesh chiya chitipiyeusiin uchii kaa pechi miyin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᓂᑕᔨᒥᐦᐁᔥᑕᒧᐙᐅᒡ, ᓇᒧᐃ ᐐ ᐊᓂᒌ ᐁᑳ ᑳ ᒋᔅᒉᔨᒥᔅᒀᐤ ᐅᐱᒫᑎᓰᐎᓂᐙᐦᒡ ᓂᑕᔨᒥᐦᐁᔥᑕᒧᐙᐅᒡ᙮ ᐅᒌ ᐁᐅᒄ ᑳ ᐯᒋ ᒥᔨᓐ ᓂᑕᔨᒥᐦᐁᔥᑕᒧᐙᐅᒡ ᐌᔥ ᒋᔭ ᒋᑎᐱᔦᐅᓰᓐ ᐅᒌ ᑳ ᐯᒋ ᒥᔨᓐ᙮

John 17:9 Iomraidhean Croise

Luke 22:32

Chichii ayimihchikeshtamaatin maak chii ekaa chechii puuniyin e taapwehtaman. Iskutak maak chiishkwaa kakwechihiiske machimanituu miin maak kaau chii pechi naashiine che yaaichikaapuuhiitwaau chiichishaanich taapwehtamuwinihch ishi.”

Luke 23:34

Ekw Jesus kaa itwet, “Nuuhtaa, wepeyihtamuuch, wesh namui chischeyihtamuch taan e ihtitwaau.” Ekw anichii shimaakanishach kaa chaahkahuututwaau, ekut kaa uhchi wiyeyihtahkwaau aweyuu che ayaayich aniyuuh uchekwaanimiyuuh.

Luke 8:34

Iskutak maak anichii kaa naanaakachihaatwaau kuuhkuusha kaa waapahtahkwaau taan kaa ispayiyich chii ushimuuch, kaa nituu wiihtahkwaau anite ihtaawinihch kaye anite waaskaa wiiwiitamihch aniyuu ihtaawiniyuu.

John 14:16

Nika ayimihaan e nitutamuuk Nuuhtaawii chechii itishahamaataakw miin kutak aweyuuh chechii wiichihiikuwekw kaye muush kaachiche chechii ihtaat anit e ihtaayekw.

John 17:2

Wesh chichii miyaau tipeyihchichewiniyuu misiwe aweyuu chechii tipeyimaat. Ekw maak kaachiche pimaatisiiwiniyuu chechii miyaat misiwe aniyuuh aweyuuh kaa miyat.

John 17:20

“Namui mikw uchii utah kaa ihtaatwaau nitayimiheshtamuwaauch. Nitayimiheshtamuwaauch kaye anichii kaa taapweyimatwaau aniyuu uhchi taan kaa ishi pechi aayimuumiyich uyuuh.

John 17:6

“Nichii ihtuutawaauch uchii naapeuch kaa pechi miyin utah aschiihch uhchi chechii chischeyimiskwaau. Chiya chichii tipiyeusiin ekw maak kaa pechi miyin. Chii nanihiihtamuch maak chitayimuwiniyuu.

John 6:37

Misiwe aniyuu aweyuu Uhtaawiimaau kaa pechi miit nika pechi naatikuch. An maak awen che pechi naasit namui wiiskaat nika uhchi iichenaau.

John 6:39

Eukw maak uyuu Chishemanituu utiteyihtamuwin an kaa pechi itishahuut, ekaa chechii wanihiimach waachipeyakw aniyuu aweyuu kaa pechi miit, maak chechii wanishkaanimach maahchishtai chiishikaayiche kaachiche chechii pimaatisiyich.

Hebrews 7:25

Tekash chika chii pimaachiheu misiwe aweyuuh kaa taapweyimikut e naataayich Chishemanituuh. Wesh kaachiche pimaatisiyuu ekw maak muush chechii ayimiheshtamuwaat utiiniim.

Hebrews 9:24

Wesh Christ chii piihcheu aniyuu maauch kaa chisteyihtaakuniyich ayimiheu maahkiiyuu anite kihchikiishikuhch kaa ihtakuniyich, aniyuu ekaa naapeu uhchi ushihtaayich. Uu maahkii utah aschiihch kaa ihtakuhch nispitaachemakan e ishinaakuhch an maahkii kihchikiishikuhch kaa ihtakuhch. Jesus maak anite kihchikiishikuhch wechiihch chii piihcheu, anite muush e ayimiheshtamaatahkw Chishemanituu e ihtaayich.

1 John 5:19

Chichischeyihtenaanuu Chishemanituu e utawaashiimituutaatahkw. Misiwe anichii utah aschiihch kaa ihtaatwaau tipeyimikuuch machimanituu.

Revelation 12:9

Ekw kaa niihchiwepinaakanuut an mista maanichuus kihchikiishikuhch uhchi. Eukw maak an chinepukw weskach anite kaa ihtaat, Machimanituu maak Satan kaa ishinihkaataakanuut. Eukw uu kaa chii wiyeshihaat misiwe aweyuu utah aschiihch. Anite maak aschiihch chii ishuwepinaakanuu kaye misiwe aniyuu utenchilamh.

Revelation 13:8

Ekw maak misiwe awen aschiihch kaa ihtaat chika nuuchiishtuweu aniyuu machi awesiisa. Mikw anichii pimaatisiyuu masinahiikanihch kaa masinaateyikwaau utishinihkaasuwinawaau, aniyuu masinahiikaniyuu taanit kaa masinaasutwaau awenichii eshkw ekaa uhchi usihtaakanuuhch aschii, eukunich anichii namui uhchi nuuchiishtuweuch aniyuu machi awesiisa. Uu maak masinahiikan an Maanishchaanish kaa nipahaakanuut tipeyihtam.

Revelation 20:15

An maak awen ekaa kaa masinaateyich utishinihkaasuwin anite masinahiikanihch anit mesinaasuyich aniyuuh aweyuuh che ayaayich kaachiche pimaatisiiwiniyuu machishkuteusaakahiikanihch chii ishuwepinaakanuu.