John 17:4 - Chishemanituu Utayimuwin: Kaa Uskaach Testament

⁴ Nichii waapahtiiwen utah aschiihch taan e ishpish chisteyihtaakusiyin, e chii chiishihtaayaan an atushchewin kaa pechi miyin che ihtuutamaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᓂᒌ ᐙᐸᐦᑏᐌᓐ ᐅᑕᐦ ᐊᔅᒌᐦᒡ ᑖᓐ ᐁ ᐃᔥᐱᔥ ᒋᔅᑌᔨᐦᑖᑯᓯᔨᓐ, ᐁ ᒌ ᒌᔑᐦᑖᔮᓐ ᐊᓐ ᐊᑐᔥᒉᐎᓐ ᑳ ᐯᒋ ᒥᔨᓐ ᒉ ᐃᐦᑑᑕᒫᓐ᙮

John 17:4 Iomraidhean Croise

Luke 22:37

Wesh uu wehchi ititakuch kata tipipayuu taan kaa ishi niikaan aayimuumikuyaan anite Chishemanituu utayimuwinihch kaa itashtech, Chii asitachimaakanuu anite e chimutiskuunaanuyich. Uu maak kaa ishi tipaachimikuyaan taapwe kata ispayuu.”

John 12:28

Teyakuch nika itaau, Nuuhtaa, mikw anit chechii uhchi chisteyihtaakusiyin, eukun waa ishi ihtuutamaan.” Ekw kaa uhchi pehtaakuniyich Chishemanituu upehtaakusuwin anite kihchikiishikuhch uhchi e itwet, “Shaash nichii chisteyihtaakuhtaan nitishinihkaasuwin miin maak yaapach ekun che ihtuutamaan.”

John 14:13

Nika ihtuuten taan e ishi nitutamaayekw nitishinihkaasuwin aapachihtaayekwe, ekw maak che nuukuhch e ishpish chisteyihtaakusit Chishemanituu aniyuu uhchi taan e ishi ihtuutamiyich Ukusisa.

John 14:31

Mikw maak iinuuch utah aschiihch chipaa chischeyihtamuch e saachihiimach Uhtaawiimaau ekun maak muush wehchi nanihiihtuuk misiwe taan e itashumit. Aashtamukw maak chistuhtetaau.”

John 15:10

Wesh nanihiihtamekwe nikacheskwewinh muush chika chischeyihtenaawaau e saachihiitakuch mwehch niya kaa ishi nanihiihtuuk Nuuhtaawii taan kaa itashumit nichischeyihtamuwaan e saachihiit.”

John 19:28

Paatimaa maak Jesus chii chischeyihtam shaash misiwe chekwaayuu e chii chiishipayiniyich ekw kaa itwet, “Niwii minihkwen.” Eukw uyuu kaa itwet chechii tipipayiyich taan kaa ishi niikaan wiihtaakuniyich anite Chishemanituu utayimuwinihch che itwekupane.

John 19:30

Iskutak Jesus kaa minihkwet ekw kaa itwet, “Shaash chiishipayuu.” Ekw kaa chistaawaniskweyit kaa ati puunipimaatisiit.

John 4:34

Jesus kaa itaat, “Chechii ihtuutamuch utiteyihtamuwin an kaa pechi itishahuut kaye chechii chiishihtaauch aniyuu kaa ishi nituweyimit chechii ihtuutamuch eukun an mwehch nimiichim e iteyihtamaan.

John 5:36

Chii taapweu John taan kaa itaachimit, mikw maak niya taan e ishi maamishkaach ihtiyaan wetaach chiihkanaakuniyuu nuuhtaawii e chii pechi itishahuut. Wesh Nuuhtaawii nichii miikw suuhkaatisiiwiniyuu chechii maamishkaach ihtuuch chechii uhchi chischeyimakuyaan niya e aawiyaan Christ, wiya Nuuhtaawii e chii pechi itishahut.

John 9:3

Jesus kaa nishkweushihaat, “Namiyeyuu wii umachihtwaawin maak uniichihiikw umachihtuutamuwiniyuu kaa ihtuutaakut wehchi ekaa chii waapahtahk. Chechii waapahtaakanuyich Chishemanituu usuuhkaatisiiwin ekun wehchi ekaa chii waapahtahk uu naapeu.

ᐊᐸᔅᑕᓚᒡ 20:24

Namui maak mitun wiyesh nititeyihtamihiikun nipimaatisiiwin tepiyaahch iskutak chiishipayihche nipimaatisiiwin utah aschiihch chii chiishitaayaane taan kaa itashumit Utipeyihchikeu Jesus che itaapatisuuch, eukw uyuu chechii waawiihtamuch miywaachimuwiniyuu. Utah maak miywaachimuwinihch ekut e aayimuuteyich Chishemanituu ushaweyihchichewin.”

2 Timothy 4:7

Shaash nichiishihtaan an taan nipaa ishi miyu maasihtaan, shaash nichiishihtaan taan kaa ishi kakwechiskatahiicheyaan kaye nichii kanuweyihten taan kaa ishi taapwehtamaan.