John 17:2 - Chishemanituu Utayimuwin: Kaa Uskaach Testament

² Wesh chichii miyaau tipeyihchichewiniyuu misiwe aweyuu chechii tipeyimaat. Ekw maak kaachiche pimaatisiiwiniyuu chechii miyaat misiwe aniyuuh aweyuuh kaa miyat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐌᔥ ᒋᒌ ᒥᔮᐤ ᑎᐯᔨᐦᒋᒉᐎᓂᔫ ᒥᓯᐌ ᐊᐌᔫ ᒉᒌ ᑎᐯᔨᒫᑦ᙮ ᐁᒄ ᒫᒃ ᑳᒋᒉ ᐱᒫᑎᓰᐎᓂᔫ ᒉᒌ ᒥᔮᑦ ᒥᓯᐌ ᐊᓂᔫᐦ ᐊᐌᔫᐦ ᑳ ᒥᔭᑦ᙮

John 17:2 Iomraidhean Croise

Matthew 11:27

Ekw Jesus iskutak kaa chiish ayimihaat chii iteu, “Nuuhtaawii misiwe chekwaayuu nichii miikw chechii nanaakatuweyihtamuch. Wesh namui awen chischeyimeu aweyuu aniyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau chischeyimeu, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

Matthew 25:46

Eukw maak uchii kaa machaatisiitwaau che itishahwaakanuutwaau anite kaachiche che ishi nanehkaateyimutwaau, ekw anichii kaa kuiskutaatisiitwaau anite kaachiche pimaatisiiwinihch che itishahwaakanuutwaau.”

Matthew 28:18

Ekw kaa naatikutwaau Jesus kaa itikutwaau, “Nichii miikuun niya tekash chechii uchimaahkahtamaan kihchikiishikw nesht aschii.

John 17:24

“Nuuhtaawii, chiya chichii pechi miyin uchii, chinitutamaatin maak kaye wiyawaau eshkw chechii ihtaatwaau taanite che ihtaauch. Ekw maak che waapahtahkwaau nichisteyihtaakusuwiniyuu, aniyuu chisteyihtaakusuwiniyuu kaa pechi miyin wesh chichii saachihiin eshkw ekaa uhchi ushihtaayin uu aschii.

John 17:6

“Nichii ihtuutawaauch uchii naapeuch kaa pechi miyin utah aschiihch uhchi chechii chischeyimiskwaau. Chiya chichii tipiyeusiin ekw maak kaa pechi miyin. Chii nanihiihtamuch maak chitayimuwiniyuu.

John 17:9

“Nitayimiheshtamuwaauch, namui wii anichii ekaa kaa chischeyimiskwaau upimaatisiiwiniwaahch nitayimiheshtamuwaauch. Uchii eukw kaa pechi miyin nitayimiheshtamuwaauch wesh chiya chitipiyeusiin uchii kaa pechi miyin.

John 3:35

Uhtaawiimaau saachiheu Ukusisimaau. Chii miyeu misiwe chekwaayuu chechii wiishuwaatamiyich.

John 4:14

Awen maak che minihkwekwe aniyuu nipiiyuu che miyak chechii minihkwet, namui wiiskaat miin chika uhchi paahkutaahtam. Wesh an nipii che miiweyaan kata piihchishkaakuu muyaam e uhchi muuschichuuniyich kata ishinaakuniyuu, eukw maak uu kaa pimaachihiiwemakahch nipii anit chechii uhchi ayaat awen kaachiche pimaatisiiwiniyuu minihkwete.”

John 6:27

Ekaawii aapatisikw mikw e wii uhchistamaasuyekw miichim an che wiinipayihch, teyakuch wii uhchistamaasuk an miichim kaachiche che ihtakuhch. Iinuu Ukusisa chika miikuwaau miichimiyuu ekaa nihtaa che uhchi wiinipayihch. Wesh Chishemanituu Uhtaawiimaau chii nuukuhtaau taapwe e naheyimaat.”

John 6:37

Misiwe aniyuu aweyuu Uhtaawiimaau kaa pechi miit nika pechi naatikuch. An maak awen che pechi naasit namui wiiskaat nika uhchi iichenaau.

John 6:39

Eukw maak uyuu Chishemanituu utiteyihtamuwin an kaa pechi itishahuut, ekaa chechii wanihiimach waachipeyakw aniyuu aweyuu kaa pechi miit, maak chechii wanishkaanimach maahchishtai chiishikaayiche kaachiche chechii pimaatisiyich.

Romans 6:23

Wesh nipuwinihch ituhtahiikuu awen machihtwaawiniyuu. Ekw an awen kaa wiichewaat Jesus Christ Chitipeyihchikeminuuh Chishemanituuh sehchei miikuu kaachiche pimaatisiiwiniyuu.

1 Corinthians 15:25

Wesh wiya kata uchimaau Christ paatish Chishemanituuh chii ashpashihaayichenh misiwe aniyuuh kaa uhkaateyimikut Christ nesht chii miikute tekash chechii tipeyimaat.

Ephesians 1:20

Eukw uyuu e peyakuniyich e suuhcheyihtaakuniyich maskuusiiwiniyuu kaa aapachihtaat Chishemanituu kaa wanishkaanaat Christ nipuwinihch uhchi kaye kaa apihaat anite unihiiwinihch itehche anite kihchikiishikuhch.

Philippians 2:10

Ekw maak misiwe awen che maamihchimaat Jesus kaa ishinihkaataakanuyich, misiwe awen kihchikiishikuhch kaye aschiihch ekw maak nitamihch aschiihch kaa ihtaat.

1 Timothy 1:16

Aat maak niya maauch e chii machaatisiyuuch nichii weyuuch chishewaatutaakw Chishemanituu chechii nuukuhtaat taan chechii ishpish weyuuch siipiiwesiistuwaat aniyuuh che taapweyimikut kaye maak che ayaayich kaachiche pimaatisiiwiniyuu.

Hebrews 1:2

Anuhchiish maak, uyuuh maahchishtai e chiishikaakwaauh Ukusisa uhchi ekut wehchi ayimihiitahkw. Eukw uyuu Ukusisa Chishemanituu kaa aapachihaat misiwe chekwaayuu kaa ushihtaat kaye eukw uyuu kaa wiyaapamaat misiwe chekwaayuu che aashuumiyaat.

1 Peter 3:22

Eukw uu Christ kihchikiishikuhch kaa ishi uhpiskaat kaye kaa waaweyipahiikut Chishemanituu unihiiwiniihch itehche anit maauch e chisteyihtaakuniyich chechii apit awen. Ekut maak kaa miyaakanuut chechii uchimaahkahtuwaat misiwe enchil kaye chechii tipeyihtahk misiwe kihchikiishikw tipeyihchewiniyuu kaye misiwe suuhkaatisiiwiniyuu.

1 John 1:2

Muush Uhtaawiimaauh e ihtaayich chii ihtaau. Chii nuukuhtaakanuuyuu upimaatisiiwin. Nichii waapahtamuwaanaan. Ekw maak tepaatutamuwachiht, e aayimuutamaataahch kaachiche pimaatisiiwin.

1 John 2:25

Eukw maak uyuu kaa itwet Christ, cheshtinaash che miitahkw kaachiche pimaatisiiwiniyuu.

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.

Jude 1:21

Kanuweyimisukw Chishemanituu usaachihiiwewinihch e ashuwaapiyekw Jesus Christ chechii miitaakw kaachiche pimaatisiiwiniyuu aniyuu e shaweyimuwet uhchi.