John 16:4 - Chishemanituu Utayimuwin: Kaa Uskaach Testament

⁴ Mikw maak chiwii wiihtamaatinaawaau uu chechii chischisiyekw taan kaa ishi aayimuumakwaau iskutak utihchipayiyiche uyuuh chekwaayuuh chechii ihtuutaataakuch. Namui kuuhchi wiihtamaatinaawaau uyuu uskach anite kaa pechi chiskutamaatakuch wesh ekut kaa ihtaayaan anit e ihtaayekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒥᒄ ᒫᒃ ᒋᐐ ᐐᐦᑕᒫᑎᓈᐙᐤ ᐆ ᒉᒌ ᒋᔅᒋᓯᔦᒄ ᑖᓐ ᑳ ᐃᔑ ᐋᔨᒨᒪᒀᐤ ᐃᔅᑯᑕᒃ ᐅᑎᐦᒋᐸᔨᔨᒉ ᐅᔫᐦ ᒉᒀᔫᐦ ᒉᒌ ᐃᐦᑑᑖᑖᑯᒡ᙮ ᓇᒧᐃ ᑰᐦᒋ ᐐᐦᑕᒫᑎᓈᐙᐤ ᐅᔫ ᐅᔅᑲᒡ ᐊᓂᑌ ᑳ ᐯᒋ ᒋᔅᑯᑕᒫᑕᑯᒡ ᐌᔥ ᐁᑯᑦ ᑳ ᐃᐦᑖᔮᓐ ᐊᓂᑦ ᐁ ᐃᐦᑖᔦᒄ᙮

John 16:4 Iomraidhean Croise

John 14:29

Misiwe chiwiihtamaatinaawaau uu eshkw ekaa ispayihch, ekw maak iskutak ispayihche che taapwehtamekw.

Mark 13:23

Yaakwaamiikw maak. Shaash niyaakan chichii wiihtamaatinaawaau che ispayihkwaau uyuu chekwaayuu.”

John 13:19

Ekun maak uu e ititakuch eshkw ekaa ispayihch, ekw maak iskutak taapwe ispayihche, ekw che taapwehtamekw niya eukw taapwe e awiyaan.

Matthew 9:15

Jesus maak chii iteu, “Muyaam e niipuunaanuuhch, namui macheyihtamuch anichii kaa wiishaamaakanuutwaau mekwaach anit e ihtaayich aniyuu uschinaapewaan. Ekun maak e ishinaakuhch utah mekwaach e ihtaayaan anichii chischinuhamuwaakanich e ihtaatwaau mikw maak iskutak utihchipayihche che pechi utinikuyaan anit e ihtaatwaau uhchi ekw maak yaakw che ihtitwaau meshikum ekaa miichisutwaau anichii chischinuhamuwaakanich.”

Mark 2:19

Jesus chii ishi nishkweushiheu e itaat, “Mwehch anite mekwaach e niipuunaanuuhch chika chii ihtuuch aa ekaa chechii miichisutwaau anichii kaa wiishaamaakanuutwaau e makushaanuyich. Namui naanituu. Michihpin e ihtaayich anit e ihtaatwaau aniyuu uschinaapewaan namui mechim kata uhchi iteyihtamuch ekaa chechii miichisutwaau.

Matthew 24:25

Nituhtuukw maak, wesh shaash niyaakan chiwiihtamaatinaawaau che ispayihkwaau uyuu chekwaayuu.”

2 Peter 1:14

Wesh nichischeyihten shaash wiipach che puunipimaatisiyaan utah wii uu aschii, muyaam taan kuiskw kaa ishi pechi wiihtamuut Chitipeyihchikeminuu Jesus Christ.

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

Matthew 10:7

Nituu kacheskwekw e wiihtamekw shaash e peshunaakuhch kihchikiishikw chisheuchimaawin.

Luke 1:2

Eukw uyuu kaa ishi wiihtamaakuyaahch anichii awenichii niishtam kaa waapamaatwaau kaye kaa pehtawaatwaau Jesus. Eukunich anichii kaa wiihtahkwaau miywaachimuwiniyuu.

2 Thessalonians 2:5

Namui aa chichischisinaawaau shaash misiwe e chii wiihtamaatakuch uu mekwaach anite e ihtaayekw kaa ihtaayaan.