John 16:2 - Chishemanituu Utayimuwin: Kaa Uskaach Testament

² Uchii Jewa iinuuch chika wiiwiitisinikuwaauch utayimiheukamikuwaahch. Ehe, chek taapwe chika utihchipayuu awen nipahiitaakwe che iteyihtahk Chishemanituu e wiichihaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐅᒌ ᒎᐗ ᐄᓅᒡ ᒋᑲ ᐐᐐᑎᓯᓂᑯᐙᐅᒡ ᐅᑕᔨᒥᐦᐁᐅᑲᒥᑯᐙᐦᒡ᙮ ᐁᐦᐁ, ᒉᒃ ᑖᐺ ᒋᑲ ᐅᑎᐦᒋᐸᔫ ᐊᐌᓐ ᓂᐸᐦᐄᑖᑴ ᒉ ᐃᑌᔨᐦᑕᐦᒃ ᒋᔐᒪᓂᑑ ᐁ ᐐᒋᐦᐋᑦ᙮

John 16:2 Iomraidhean Croise

Matthew 10:28

Ekaawii kushtaahkuch awenichii kaa nipahaatwaau aweyuuh. Chika chii nipaheuch aweyuu kaye chika chii wanaachihtaauch miiyuuyuu mikw maak namui chika chii wanaachiheuch ahchaahkwa. Chishemanituu maak eukw kushpaniishtuwaahkw an chechii wanaachihtaat miiyuuyuu kaye ahchaahkwa chechii wanaachihaat machishkutehch.

Matthew 24:9

“Ekw maak che maakunikuyekw kaye chika nanehkaachihiikunaawaau. Waawaach chika nipahiikunaawaau. Misiwe e itiskaanesitwaau awenichii chika uhkaatikuwaauch e nuushuushkuyekw.

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

John 12:42

Mihchetu maak yaapach anichii Jewa iinuuh kaa niikaanishkuwaatwaau chii taapweyimeuch Jesus mikw maak namui uhchi aayimuutamuch anite e pehtawaakanuutwaau wesh chii kushteuch aniyuu Phariseeh kaye namui uhchi nituweyihtamuch chihchiwe chechii wiiwiitishihwaakanuutwaau anit utayimiheukamikuwaahch.

John 16:25

“Uyuu chekwaayuuh kaa wiihtamaatakuch naashch taapwe aayiman chechii nisituhtaakuhkwaau. Chika utihchipayuu maak chek anit che piyekasch nisituhtamekw aayimuutamaatakuche Uhtaawiimaau.

John 16:32

Chikaa utihchipayuu, shaash maak taapwe utihchipayuu anit misiwe paahpeyakw che ihtaayekw, kachepaan che ihtaayekw tipiiwe chiichiwaawaahch. Ekw niya che peyakushiyaan ekaa aapateyimiyekw. Namui mikw chihchiwe nika uhchi peyakushin wesh Nuuhtaawii ihtaau utah e ihtaayaan.

John 4:21

Jesus kaa itaat, “Taapwehtuuh, chika ispayuu eshkw Kuuhtaawiinuu ekaa che uhchi nuuchiishtuwaakanuut utah wachiihch maak anite Jerusalemihch.

John 4:23

Wesh shaash peshunaakun, kaye ekun shaash e ispayihch, anichii chihchiwe kaa nuuchiishtuwaatwaau Uhtaawiimaau, ahchaahkuwinihch kaye taapwewinihch ishi nuuchiishtuweuch. Eukw uyuu e ishi nituweyimaat aweyuu chechii ishi nuuchiishtaakut Kuuhtaawiinuu.

John 9:22

Chii kushteuch aniyuu Jewa iinuu uyuu wehchii itwetwaau uchii uniichihiikumaauch. Wesh chii chischeyimeuch aniyuu Jewa iinuuh kaa niikaanishkuwaayitwaauh che wiiwiitishihwaayich anit ayimiheukamikuhch aweyuu che itweyikwen Christ e aawiyich aniyuu Jesus.

John 9:34

Ekw anichii kaa niikaanishkuwaatwaau Jewa iinuuh kaa nishkweushihaatwaau aniyuu naapeu e itaatwaau, “Machaatisiiwinihch chichii uhchi pimaatisiin kaye anite machaatisiiwinihch ekute kaa ishi nihtaauchinikuyin, e iteyihtaman maak yaapach chechii chiskutamuuyaahch.” Ekw kaa wiiwiitishihwaatwaau chihchiwe anit ayimiheukamikuhch aniyuu naapeu.

ᐊᐸᔅᑕᓚᒡ 5:33

Iskutak maak piyehtahkwaau uyuu anichii kaa nishtuwiitwaau an kaa niikaaniit chisheayimiheuchimaau kaye aniyuu kaa wiichihiikut chii mista chishuwaasuuch, ekw kaa kakweteyihtahkwaau chechii itwetwaau chechii nipahaakanuyich uyuu apastalh.

ᐊᐸᔅᑕᓚᒡ 7:56

Chii iteu maak Stephen, “Kanawaapahtamukw maa, niwaapahten kihchikiishikw e aapahiipayihch kaye niwaapamaau Iinuu Ukusisa e niipuut anite Chishemanituu unihiiwiniihch itehche.”

1 Corinthians 4:13

E maayeyimiyamihtwaau awenich e atushkaamachiht Christ, pehkaach nitayimihaanaanich e nishkweuhiichihtwaauh. Kaye maak anuhchiish mekwaach mwehch wepinaasun ekun e ihtuutaakuyaahch, niyaan maauch namui chekwaan nititeyimikunaanich awenich utah aschiihch.

Philippians 3:6

Kaa ishpish chii aashihcheyihtamaan kuiskw e wii ihtuutamaan taan e ishi wiishtech wiishuwewinihch nichii nenehkaachihaauch umaamuuayimihaauch. Mitun tekash nichii iteyihten e chii nanihiihtamaan wiishuwewin. Namui awen nipaa uhchii itikw ekaa misiwe uhchi nanihiihtamaan wiishuwewin.

Revelation 6:9

Ekw an Maanishchaanish kaa apahahk miin kutachiyuu chiishaawaach pasakuhiikaniyuu. Eukw ekw niyaayin kaa aapahahk. Iskutak maak kaa aapahahk aniyuu chiishaawaach pasakuhiikaniyuu ekw kaa waapamach utahchaahkuwaauh anichii kaa nipahaakanuutwaau Chishemanituuh utayimuwiniyuu e chii taapwehtamuwaatwaau kaye e chii waawiihtahkwaau taan e ishi taapwehtahkwaau. Anite pachishtinicheu miichisuunaahtikuhch taanit kaa chii maamihchimaakanuyich Chishemanituuh, anit maak niihtaahch ekut kaa waapamach utahchaahkuwaauh uchii.