John 14:3 - Chishemanituu Utayimuwin: Kaa Uskaach Testament

³ Chiishihtaayaane maak anit che ihtaayekw, ekw che pechi nituwaapamitakuch ekw che chistuhtahiitakuch wesh chinituweyimitinaawaau chechii ihtaayekw anit e ihtaayaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒌᔑᐦᑖᔮᓀ ᒫᒃ ᐊᓂᑦ ᒉ ᐃᐦᑖᔦᒄ, ᐁᒄ ᒉ ᐯᒋ ᓂᑐᐙᐸᒥᑕᑯᒡ ᐁᒄ ᒉ ᒋᔅᑐᐦᑕᐦᐄᑕᑯᒡ ᐌᔥ ᒋᓂᑐᐌᔨᒥᑎᓈᐙᐤ ᒉᒌ ᐃᐦᑖᔦᒄ ᐊᓂᑦ ᐁ ᐃᐦᑖᔮᓐ᙮

John 14:3 Iomraidhean Croise

John 12:26

An maak awen niya kaa atushkuut nika pechi nuushuushkaakw. Ekw maak che ihtaat nitaapachihaakan taanite che ati aihtaauch. Kata chisteyimikuu Nuuhtaawiih an awen che atushkuukwe.”

John 14:28

Chichii pehtuunaawaau kaa ititakuch, ‘Nika nikatitinaawaau mikw maak miin kaau nikapechi takushin.’ Chii saachihiyekw maak chipaa miyeyihtenaawaau Nuuhtaawii e ihtaat e ituhteyaan, wesh wiya uste suuhcheyihtaakusuu ishpish niya.

John 14:4

Chichischeyihtenaawaau maak taanite e ituhteyaan kaye taanite chechii uhchi ituhtaanuuhch anite.”

John 17:24

“Nuuhtaawii, chiya chichii pechi miyin uchii, chinitutamaatin maak kaye wiyawaau eshkw chechii ihtaatwaau taanite che ihtaauch. Ekw maak che waapahtahkwaau nichisteyihtaakusuwiniyuu, aniyuu chisteyihtaakusuwiniyuu kaa pechi miyin wesh chichii saachihiin eshkw ekaa uhchi ushihtaayin uu aschii.

ᐊᐸᔅᑕᓚᒡ 1:11

Ekw kaa itikutwaau, “Chiyawaau naapeutikw Galileehch kaa uhchiyekw, chekwaan wehchi niipuuyekw utah, ishpimihch e iitaapiyekw. Uu Jesus taan kaa ishi pechi utinaakanuut kihchikiishikuhch ishi, kaa ishi waapamekw e ituhtet kihchikiishikuhch ekun mwehch che ishinaakusit miin takushihke.”

Romans 8:17

Ekw maak e utawaashiimitutaatahkw Chishemanituu cheshtinaash chika miikunuu aniyuuh kaa ishi miywaashiyikwaauh shaweyihchichewinh kaa ayeskuushtamuwaat utawaashiimh. Kaye maak taapishkun Jesus ekw maak chiyaanuu chika ayaanaanuu taan kaa ishi ayeskuushtamuwaakanuut Jesus. Wesh chiishpin wiich nanehkaateyimuumahkwe Jesus aniyuu e taapweyimahkw kaye chiyaanuu chika chisteyihtaakuhiikunaanuu chisteyihtaakuhaakanuute.

Philippians 1:23

Taapishkun nimushteneyihten aniyuuh. Naashch taapwe niwii nakaten uu aschii, Jesus Christ e ihtaat chechii ihtaayaan. Eukw uu uste meywaashich.

2 Thessalonians 1:12

Ekut uu che uhchi chisteyihtaakuhtaawekw chitipeyihchikeminuu Jesus utishinihkaasuwin kaye chiyawaau maak chika chisteyihtaakuhiikuwaau. Eukuu che ihtuutaakuyekw e ishpish shaweyihtaakusitwaau Chichishemanituuminuu ekw maak Utipeyihchikeu Jesus Christ.

2 Timothy 2:12

Kanawaach che siipiiwesiistamuwaauhkwe nanehkaateyimuwin, chika wiich tipeyihchikemaanuu. Kaye maak itweyihkwe ekaa chischeyimahkw, kaye wiya chika iteu ekaa chischeyimitahkw.

Hebrews 9:28

Kaye wiya maak Christ mikw peyakwaa chii pachishtinam upimaatisiiwin anit chechii uhchi ihtakuniyich misiwe awen chechii wepeyihtamuwaakanuut umachihtwaawinh. Mikw maak miin chika takushinuu, namui wii chechii nihiipayihtaat anit chechii uhchi wepeyihtamaachaanuyich machihtwaawinh, chika takushinuu mikw chechii pimaachihaat aniyuuh aweyuu kaa ashuwaapamikut che ishpish takushihk.

Revelation 3:21

An awen che shaakuuchihtaakwe taan che ishi kakwechihiikut machi chekwaayuu nika miyaau chechii wiitapimit nichisheuchimaau tehtapuwinihch. Mwehch niya e chii shaakuuchihtaayaan misiwe machi chekwaan Nuuhtaawii nichii miikw chechii wiitapamak uchisheuchimaau tehtapuwinihch.”