John 13:8 - Chishemanituu Utayimuwin: Kaa Uskaach Testament

⁸ Ekw Peter kaa ishi nishkweushihaat e itaat, “Namui wiiskaat chika uhchi chishtaapautaan nisit.” Chii itikuu maak Jesus, “Ekaa chishtaapautaayaane chisith namui chika uhchi uchischinuhamuwaakanitutaatin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᒄ ᐲᑕᕐ ᑳ ᐃᔑ ᓂᔥᑴᐅᔑᐦᐋᑦ ᐁ ᐃᑖᑦ, ᓇᒧᐃ ᐐᔅᑳᑦ ᒋᑲ ᐅᐦᒋ ᒋᔥᑖᐸᐅᑖᓐ ᓂᓯᑦ᙮ ᒌ ᐃᑎᑰ ᒫᒃ ᒌᓴᔅ, ᐁᑳ ᒋᔥᑖᐸᐅᑖᔮᓀ ᒋᓯᑦᐦ ᓇᒧᐃ ᒋᑲ ᐅᐦᒋ ᐅᒋᔅᒋᓄᐦᐊᒧᐙᑲᓂᑐᑖᑎᓐ᙮

John 13:8 Iomraidhean Croise

Matthew 16:22

Ekw Peter pahkaan kaa ituhtahaat aniyuu Jesus, kaa chistahamuwaat aniyuu kaa itweyich e itaat, “Utipeyihchikeu, namui kata uhchi pachishtinam Chishemanituu uyuu chechii ispayiyich. Namui nihtaa chika chii ihtuutaakuun uu.”

Matthew 21:29

Ekw kaa itikut aniyuu ukusisa, ‘Namui nikaa uhchi nituu aapatisin.’ Paatimaa maak chii nituu aapatisiyuuh.

Matthew 26:33

Peter maak chii iteu, “Aat misiwe awen nakatiske an che ihtuutaakuyin namui wii niya nihtaa chika uhchi nakatitin.”

Matthew 26:35

Peter maak chii iteu, “Aat kaye niya wii nipahiikuyaane iskutak nipahiikuyine namui yaapach nika uhchi itwen ekaa chischeyimitaan.” Ekw anichii kutakach chischinuhamuwaakanich ekun kaye wiyawaau kaa itwetwaau aniyuu kaa itweyich Peter.

John 13:6

Chii naateu Simon Peter ekw kaa itikut, “Utipeyihchikeu, chika chishtaapauchisitenin aa.”

John 13:9

Simon Peter kaa itaat, “Utipeyihchikeu, ekaawii maataan mikw nisith chishtaapautaah, chishtaapautaah kaye nistikwaan ekw maak nitihchiih.”

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

ᐊᐸᔅᑕᓚᒡ 22:16

Maachiih maak, ekaawii nanakaawiih. Pisikuuh, che siikahaahtaakuyin, ekw maak che wepeyihtamaakuyin chimachihtwaawin e tepwaatat Utipeyihchikeu chechii wepeyihtamaask.’ ”

1 Corinthians 6:11

Pasch anit e tashiyekw ekun kaa chii ishi pimaatisiyekw. Mikw maak shaash chichii chishtaapawiikunaawaau, chichii payehchihiikunaawaau, kaye chichii kuiskunaakuhiikunaawaau Utipeyihchikeu Jesus Christ utishinihkaasuwinihch neshta Chishemanituu Utahchaahkuhch ishi.

Ephesians 5:26

Eukw uyuu kaa ihtit Christ Chishemanituu e ihtaayich chechii ishi pachishtinaat umaamuuayimihaauh iskutak kaa payehchihaat, nipiihch e chii chishtaapawiyaat aniyuu taan kaa ishi aayimuuteyich Chishemanituu utayimuwiniihch.

Colossians 2:18

Ekaawii chika uhchi pachishtinaawaauch anichii awenichii ayaahch kaa ihtitwaau e tipihteyimisutwaau kaye enchilh kaa nuuchiishtuwaatwaau chechii pisiiwiitaakuch e wii ayaayekw chikaaniyuwinawaau. Euk uchii naashch taapwe piichishkweuhiikuuch taan e ishi waapahtahkwaau waapahtiiwewinh. Namui maak aapateyihtaakuniyuu aniyuu taan e ishi aayimuutahkwaau, wesh mikw e ishi maamituneyihtaakanuyich utah aschiihch ekun pishikw e ishi maamituneyihtahkwaau.

Colossians 2:23

Mwehch chipaa kachehtaaweyihtaakunh ekun e iteyihtaakuhkwaauh uyuuh chiskutamaachewinh. Ekut anit waahtamaakuyihkw taan chipaa ihtinaanuu e nuuchiishtuuhkw awen. Kaye chiwiihtamaakunaanuu taan che ihtiihkw chechii iteyimikawiihkwaau awenich e tipihteyimisuyihkw. Kaye maak chiwiihtamaakunaanuu ekaa chechii manaachihtaayihkw chiiyuunuuh. Mikw maak namui mitun chiwiichihiikunaanuu uyuuh chiskutamaachewinh chechii nakaahukuyihkw e wii machituutamuhkw.

Titus 3:5

chichii pimaachihiikunuu. Namui wii taan kaa ishi chimiyuutuutamuhkw chuuhchi pimaachihiikunuu mikw aniyuu Chishemanituu e chii chistimaacheyimitahkw ekut kaa uhchi pimaachihiitahkw. Kaa payehchisiit Ahchaahkw chichii payehchihiikunuu kaye miin chichii uschihiikunuu.

Hebrews 10:22

Ekw maak chechii naatahkw Chishemanituu Jesus e uchisheayimiheuchimaamiihkw, mitun e taapwehtamukw che miyeyihtahk naatahkwe, ekaa che uhchi aataweyimitahkw. Chika chii naataanuu wesh tekash chichii wepeyihtamaakunuu chimachihtwaawinuuh. Tekash chii payehchihtaakanuu chitehiinuu ekw maak namui ekw chimakushkaateyihtamihiikunaanuu taan kaa chii ishi machituutamuhkw. Chii payehchihtaakanuu chiiyuunuu e miywaakamihch nipii.

Revelation 1:5

Jesus Christ kaye, an muush kuiskw kaa wiihtahk e tipaachimaat Chishemanituuh, nipukuseyimaau chechii shaweyimitaakw kaye chechii miitaakw chiyaameyihtamuwiniyuu. Wiya Jesus Christ maauch niishtam chii wanishkaanaakanuu nipuwinihch uhchi kaachiche chechii pimaatisiit. Wiya chisheuchimaaututaweu misiwe chisheuchimaauh utah aschiihch. Chisaachihiikunuu kaye chii pachishtinisuu chechii nipahaakanuut chiyaanuu uhchi ekaa chechii tipeyimikuyihkw chimachihtwaawinuuh.

Revelation 7:14

Ekw kaa itak, “Namui niya nichischeyimaauch. Chii eukw chescheyimatwaau.” Nichii itikw maak, “Eukunich uchii kaa shaapushkahkwaau taan kaa ishi nanehkaachihaakanuutwaau. Chii chishtaapautaauch utakuhpuwaauh aniyuu Maanishchaanisha umihkuyich ekw maak kaa waapaayikwaauh aniyuuh utakuhpuwaauh.