John 13:3 - Chishemanituu Utayimuwin: Kaa Uskaach Testament

³ Jesus chii chischeyihtam Uhtaawiimaau e chii miikut suuhkaatisiiwiniyuu misiwe chekwaayuu chechii ihtuutahk, kaye chii chischeyihtam Chishemanituu e ihtaayich e uhchiit kaye miin kaau anite Chishemanituu e ihtaayich che ituhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒌᓴᔅ ᒌ ᒋᔅᒉᔨᐦᑕᒻ ᐅᐦᑖᐐᒫᐤ ᐁ ᒌ ᒦᑯᑦ ᓲᐦᑳᑎᓰᐎᓂᔫ ᒥᓯᐌ ᒉᒀᔫ ᒉᒌ ᐃᐦᑑᑕᐦᒃ, ᑲᔦ ᒌ ᒋᔅᒉᔨᐦᑕᒻ ᒋᔐᒪᓂᑑ ᐁ ᐃᐦᑖᔨᒡ ᐁ ᐅᐦᒌᑦ ᑲᔦ ᒦᓐ ᑳᐤ ᐊᓂᑌ ᒋᔐᒪᓂᑑ ᐁ ᐃᐦᑖᔨᒡ ᒉ ᐃᑐᐦᑌᑦ᙮

John 13:3 Iomraidhean Croise

Matthew 11:27

Ekw Jesus iskutak kaa chiish ayimihaat chii iteu, “Nuuhtaawii misiwe chekwaayuu nichii miikw chechii nanaakatuweyihtamuch. Wesh namui awen chischeyimeu aweyuu aniyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau chischeyimeu, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

Matthew 28:18

Ekw kaa naatikutwaau Jesus kaa itikutwaau, “Nichii miikuun niya tekash chechii uchimaahkahtamaan kihchikiishikw nesht aschii.

Luke 10:22

Ekw Jesus iskutak kaa chiishi ayimihaat kaa itaat aniyuu anit kaa ihtaayitwaauh, “Nuuhtaawii misiwe chekwaayuu nichii miikw chechii naanaakatuweyihtamaan. Wesh namui awen chischeyimeu aweyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

John 1:18

Namui wiiskaat awen uhchi waapameu Chishemanituu, mikw aniyuu kaa peyakushiyich Ukusisa kaa saachihaat chii ihtuutaakuu chechii chischeyimaakanuut.

John 13:1

Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.

John 17:2

Wesh chichii miyaau tipeyihchichewiniyuu misiwe aweyuu chechii tipeyimaat. Ekw maak kaachiche pimaatisiiwiniyuu chechii miyaat misiwe aniyuuh aweyuuh kaa miyat.

John 3:13

Namui maak awen uhchi uhpiskaau kihchikiishikuhch ishi mikw Iinuu Ukusisa kihchikiishikuhch kaa uhtuhteyich.”

John 3:35

Uhtaawiimaau saachiheu Ukusisimaau. Chii miyeu misiwe chekwaayuu chechii wiishuwaatamiyich.

John 7:29

Mikw maak nichischeyimaau niya wesh wiya e ihtaat nuuhchiiwaan kaye wiya nichii pechi itishahuukw.”

John 7:33

Jesus maak chii iteu, “Eshkw weipishchiish nika ihtaan utah e ihtaayekw. Mikw maak shaash wiipach nika ituhten anite nuuhtaawii e ihtaat, an kaa pechi itishahuut.

John 8:14

Jesus kaa itaat, “Aat mikw niya e tipaachimisuyaan taapwemakan taan e itweyaan. Wesh nichischeyihten taanite wehchiyaan kaye taanite che ituhteyaan. Chiyawaau maak namui chichischeyiminaawaau taanite wehchiyaan kaye taanite che ituhteyaan.

John 8:42

Ekw Jesus kaa itaat, “Taapwe Chishemanituu wehtaawiiwekwe, chipaa saachihiinaawaau wesh Chishemanituu e ihtaat nuuhchiin ekw maak utah piyechi ihtaayaan. Namui niya nuuhchi pechi itishahusun, wiya Chishemanituu nichii pechi itishahuukw.

ᐊᐸᔅᑕᓚᒡ 2:36

Kaa ati itwet miin Peter, “Misiwe chiyawaau iinuuch utah Israelihch chika cheshtinaahunaawaau uu Jesus kaa chiistaaskuhwekw aashiteyaahtikuhch eukw uyuu Chishemanituu kaa wiyaapamaat chechii utipeyihchichewiyich kaye Christ chechii itapiyich.”

1 Corinthians 15:27

Wesh itashteu Chishemanituu utayimuwinihch, “Chishemanituu misiwe chekwaayuu chii miyeu chechii tipeyihtamiyich.” Uu maak kaa itashtech misiwe chekwaayuu chii miyaakanuu wiya chechii tipeyihtahk nisituhtaakun ekaa asitichimaakanuut Chishemanituu anit aniyuu kaa itashteyich. Wesh Chishemanituu Christ miyeu misiwe chekwaayuu chechii tipeyihtamiyich.

Hebrews 1:2

Anuhchiish maak, uyuuh maahchishtai e chiishikaakwaauh Ukusisa uhchi ekut wehchi ayimihiitahkw. Eukw uyuu Ukusisa Chishemanituu kaa aapachihaat misiwe chekwaayuu kaa ushihtaat kaye eukw uyuu kaa wiyaapamaat misiwe chekwaayuu che aashuumiyaat.