John 13:1 - Chishemanituu Utayimuwin: Kaa Uskaach Testament

¹ Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐁᔥᒄ ᐁᑳ ᐅᐦᒋ ᐅᑎᐦᒋᐸᔨᔨᒡ ᒥᔮᔅᑳᒉᐤ ᒪᑯᔐᐎᓐ, ᔖᔥ ᒌ ᒋᔅᒉᔨᐦᑕᒻ ᒌᓴᔅ ᐁ ᐅᑎᐦᒋᐸᔨᔨᒡ ᒉ ᓇᑲᑕᐦᒃ ᐅᔫ ᐊᔅᒌᔫ ᑲᔦ ᒉ ᓂᑐᐙᐸᒫᑦ ᐅᐦᑖᐐᒫᐤ᙮ ᒨᔥ ᒌ ᓵᒋᐦᐁᐤ ᒥᓯᐌ ᐊᓂᔫ ᑳ ᑖᐺᔨᒥᑯᑦ ᐅᑕᐦ ᐊᔅᒌᐦᒡ ᑳ ᐃᐦᑖᔨᒡ ᐁᒄ ᒫᒃ ᒉ ᐅᑎᐦᒋᐸᔨᐦᒡ ᒉᒌ ᐙᐸᐦᑎᔮᑦ ᑖᓐ ᐁ ᐃᔥᐱᔥ ᓵᒋᐦᐋᑦ᙮

John 13:1 Iomraidhean Croise

Matthew 26:45

Ekw miin kaau kaa nituwaapamaat aniyuu uchischinuhamuwaakan, kaa itaat, “Eshkw aa chinipaanaawaau. Eshkw aa chitaasteyeskusinaawaau. Iitaapikw maa, shaash utihchipayuu an tipahiikan che wiyeshipachishtinaakanuut Iinuu Ukusisa anite umachihtwaauh e ihtaayich.

Matthew 28:20

Kaye che chiskutamuwekuch chechii nanihiihtahkwaau misiwe taan kaa itashumitakuch. Muush maak chika wiicheutinaawaau piihiim ati iskwaapayihche aschii.”

Luke 22:53

Aat eshikum chiishikaau e chii ihtaayihkw chisheayimiheukamikuhch namui wiiskaat kuuhchi kuchihtaanaawaau chechii maakuniyekw. Ekw maak wetihchipayihch chechii ihtuutamekw taan waa ihtuutamekw mekwaach e suuhcheyihtaakuhch wanitipiskusiiwin.”

Luke 9:51

Wetaach maak chii ati peshunaakuniyuu Jesus kihchikiishikuhch che ishi utinaakanuut ekw naashch kaa iteyihtamihiikut yaaitei chechii ituhtet Jerusalemihch. Ekw maak kaa chistuhtet.

John 11:55

Chii peshunaakun maak an Jewa miyaaskaacheu makushewin. Mihchetu awenich chii pechi ituhteuch Jerusalemihch nanaahkuu ihtaawinihch e uhtuhtetwaau e pechi takushihkwaau chechii ihtuutahkwaau taan kaa ishi wiishteyich ayimihewin wiishuwewinihch chipaa ihtuuch chechii payehchisiitwaau.

John 12:23

Ekw Jesus kaa itaat, “Shaash utihchipayuu Chishemanituu chechii waapahtiiwet e chisteyihtaakusiyich Iinuu Ukusisa.

John 13:29

Chii iteyihtamuch e itaakanuyich chechii nituu utinamiyich makushaaniyuu maak chechii nituu utinamuwaayich chekwaayuu aniyuu kaa chistimaatisiyich, wesh wiya Judas chii naanaakachihtaau aniyuu shuuliyaawatiyuu.

John 13:3

Jesus chii chischeyihtam Uhtaawiimaau e chii miikut suuhkaatisiiwiniyuu misiwe chekwaayuu chechii ihtuutahk, kaye chii chischeyihtam Chishemanituu e ihtaayich e uhchiit kaye miin kaau anite Chishemanituu e ihtaayich che ituhtet.

John 13:34

E uskaach kacheskwewin chimiitinaawaau eukw uu chechii saachihiituyekw. Muyaam taan e ishpish saachihiitakuch ekun chipaa ishpish saachihiitunaawaau.

John 14:28

Chichii pehtuunaawaau kaa ititakuch, ‘Nika nikatitinaawaau mikw maak miin kaau nikapechi takushin.’ Chii saachihiyekw maak chipaa miyeyihtenaawaau Nuuhtaawii e ihtaat e ituhteyaan, wesh wiya uste suuhcheyihtaakusuu ishpish niya.

John 14:31

Mikw maak iinuuch utah aschiihch chipaa chischeyihtamuch e saachihiimach Uhtaawiimaau ekun maak muush wehchi nanihiihtuuk misiwe taan e itashumit. Aashtamukw maak chistuhtetaau.”

John 16:28

Taapwe maak Uhtaawiimaau e ihtaat nichii uhtuhten kaa pechi takushiniyaan utah aschiihch miin maak kaau nikaa chistuhten Nuuhtaawii e ihtaat nikaa ituhten.”

John 17:1

Iskutak maak Jesus kaa chiishi ayimit, chii tastasaapuu kihchikiishikuhch ishi ekw kaa itwet, “Nuuhtaawii, ekw wetihchipayihch tipahiikan. Waapahtiiwe taan e ishpish chisteyihtaakusit Chikus ekw maak che waapahtiiwet taan e ishpish chisteyihtaakusuut chiya.

John 17:16

Mwehch e ishi ekaa tipeyihtaakusuuch utah aschiihch ekun mwehch kaye wiyawaau e ishinaakusitwaau. Namui kaye wiyawaau utah aschiihch tipeyihtaakusuuch.

John 17:26

Nichii ihtuutawaauch chechii chischeyimiskwaau kaye maak namui nika uhchi puuniiwaan aniyuu e ihtuutuukwaau. Ekw maak an taan e ishpish saachihiyin kaye wiyawaau chechii piihchishkaakutwaau. Ekw maak kaye niya che piihchishkuukwaau.”

John 17:5

Nuuhtaawii, chisteyihtaakuhiih mwehch an kaa ishpish chisteyihtaakusiyaan eshkw e chii ihtaayaan anite e ihtaayin, eshkw ekaa uhchi ushihtaayin uu aschii.”

John 18:4

Chii chischeyihtam maak Jesus misiwe taan che ispayit ekw kaa pechi nimitaasikaapuut kaa itaat, “Awen kaa naanituwaapamekw.”

John 19:28

Paatimaa maak Jesus chii chischeyihtam shaash misiwe chekwaayuu e chii chiishipayiniyich ekw kaa itwet, “Niwii minihkwen.” Eukw uyuu kaa itwet chechii tipipayiyich taan kaa ishi niikaan wiihtaakuniyich anite Chishemanituu utayimuwinihch che itwekupane.

John 2:13

Shaash maak chii peshunaakuniyuu Jewa iinuuch kaa chii makushetwaau, miyaaskaacheu makushewin kaa ishinihkaateyich, ekw anite Jerusalemihch kaa ituhtet Jesus.

John 6:4

Shaash chii peshunaakuniyuu aniyuu Jewa iinuuch kaa chii makushetwaau Miyaaskaachewin makushewin kaa ishinihkaateyich.

John 7:30

Ekut kaa wii maakunaatwaau Jesus mikw maak namui uhchi pischeyimeuch, wesh eshkw namui uhchi utihchipayuu anit chipaa maakunaakanuu.

John 7:6

Ekw Jesus kaa itaat, “Taapaa eshkw utihchipayuu chechii chistuhteyaan, chiyawaau maak mikw waaishpish ituhteyekw chika chii ituhtenaawaau.

John 8:20

Eukw uyuu kaa itwet Jesus anite chisheayimiheukamikuhch kaa chiskutamaachet anite kaa chii kanuweyihtaakanuyikwaauh pachishtinichewinh. Namui maak aweyuu uhchi maakunikuu wesh namui eshkw uhchi utihchipayuu anit chipaa maakunaakanuu.

Romans 8:37

Aat maak misiwe uu e ishi nanaahkuu ispayihch anit e ihtaayihkw chitayaanaanuu pischiyaachewin Christ uhchi, an kaa saachihiitahkw wesh wiya chiwiichihiikunuu.

1 Corinthians 1:8

Wiya chika wiichihiikuwaau muush chechii suuhchikaapuwekw taapwehtamuwinihch ekw maak namui chika uhchi ihtakun taan che ishi ataameyihtaakusiyekw iskutak utihchipayiche aniyuu e chiishikaayich che takushihk Utipeyihchikeu Jesus Christ.

Hebrews 3:14

Chipaa suuhchikaapuunaanuu chitaapwehtamuwinaahch che ishpish pimaatisiiwaauhkwe, mwehch taan kaa ishpish suuhchikaapuuyihkw uskach kaa taapweyimahkw. Uu maak ihtiihkwe Christ misiwe taan e ishi ayaat chika miikunuu kaye chiyaanuu chechii ayaauhk taan e ishi ayaat.

Hebrews 3:6

Aniyuu maak Chishemanituuh e Ukusitutaakut Jesus, kuiskw ishi atushkuweu Chishemanituu e niikaanishkuumaat utiiniimiyuuh. Christ eukw Chishemanituu Uukusisa. Chiyaanuu maak chika utiiniimitutaakanuu Chishemanituu, chiishpin suuhchiteheyihkwe taapwehtamuwinihch kaye suuhk mamechiminamuhkwe taan e ishi aspeyimuyihkw.

Hebrews 6:11

Chipukuseyimitinaan misiwe kanawaach chechii miyutuutamekw piihiim ati iskwaayaakwaawenh chipimaatisiiwinuwaauh. Ekw maak che cheshtinaahuyekw taapwe che miitaakw Chishemanituu misiwe taa waa ishi miitaakw.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.

1 John 4:19

Wiya niishtam chichii saachihiikunuu Chishemanituu. Ekun maak wehchi saachihiiweyihkw.

Revelation 1:5

Jesus Christ kaye, an muush kuiskw kaa wiihtahk e tipaachimaat Chishemanituuh, nipukuseyimaau chechii shaweyimitaakw kaye chechii miitaakw chiyaameyihtamuwiniyuu. Wiya Jesus Christ maauch niishtam chii wanishkaanaakanuu nipuwinihch uhchi kaachiche chechii pimaatisiit. Wiya chisheuchimaaututaweu misiwe chisheuchimaauh utah aschiihch. Chisaachihiikunuu kaye chii pachishtinisuu chechii nipahaakanuut chiyaanuu uhchi ekaa chechii tipeyimikuyihkw chimachihtwaawinuuh.