John 11:2 - Chishemanituu Utayimuwin: Kaa Uskaach Testament

² Eukuu Mary kaa kutapinamuwaat wiihchimaakuhuuniyuu Utipeyihchikeu usitiihch kaye ustikwaaniyaapiih kaa aapachihtaat e kaasiihamuwaat usitiyuuh. Eukuu iskweu wiichishaanh Lazarus kaa aahkusiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᐅᑰ ᒣᕇ ᑳ ᑯᑕᐱᓇᒧᐙᑦ ᐐᐦᒋᒫᑯᐦᐆᓂᔫ ᐅᑎᐯᔨᐦᒋᑫᐤ ᐅᓯᑏᐦᒡ ᑲᔦ ᐅᔅᑎᒀᓂᔮᐲᐦ ᑳ ᐋᐸᒋᐦᑖᑦ ᐁ ᑳᓰᐦᐊᒧᐙᑦ ᐅᓯᑎᔫᐦ᙮ ᐁᐅᑰ ᐃᔅᑴᐤ ᐐᒋᔖᓐᐦ ᓚᓴᕋᔅ ᑳ ᐋᐦᑯᓯᔨᒡ᙮

John 11:2 Iomraidhean Croise

Mark 14:3

Bethanyihch mekwaach kaa ihtaat Jesus, anite Simon wiichiihch ekute kaa ihtaat. Uyuu naapeu Simon kaa umichiiwaaspinet chii ishinihkaataakanuuyuu. Miichisuunaahtikuhch chii apuuch e miichisutwaau kaa uhchi piihcheyich iskweu e pechi tahkunamiyich naashch e miywaashiyich puutayuu e asiniiyuuniyich. E mista shuuliyaauniyich tuuminikaniyuu e wiihchimaakusiyich chii piihchishtiniyuu anit. Chii mushtaakamiyuu maak uyuu tuuminikaniyuu, nard chii ishinihkaateyuu. Chii piikunam anit e ustikwaanuuniyich aniyuu puutaayuu ekw kaa kutapinahk aniyuu tuuminikaniyuu Jesus ustikwaaniihch.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Luke 7:19

Kaa itishahwaat uyuu chechii ishi kakwechimaayich Utipeyihchikeu, “Eukw aa chiya Christ an chipaa takushinikupane maak eshkw che ashuwaapamaauchihtipane kutak chechii takushihk.”

John 11:21

Ekw Martha kaa itaat aniyuu Jesus, “Utipeyihchikeu, shaash utah chii ihtaauhpane namui chipaa uhchi puunipimaatisiyuu niichishaan.

John 11:3

Lazarus maak wiichishaaniskwem chii nituweyihtamiyuuh chechii nituu wiihtamwaakanuyich Jesus e aahkusiyich aniyuu uwiichewaakan kaa saachihaat.

John 11:32

Iskutak maak Mary tekushihk anit Jesus kaa ihtaayich wiyaapamaat maak chii uchihchiihkunapayihuu anite usitiihch, e itaat, “Utipeyihchikeu, shaash chii ihtaauhpane namui chipaa uhchi puunipimaatisiyuu niichishaan.”

John 12:3

Mary chii uhchi utinam puutaayuu, e piihchishtiniyich anit kaa wiihchimaakusiyich tuuminikaniyuu naashch e shuuliyaaniyich. Kaa kutapinamuwaat anite Jesus usitiihch, ekw kaa paahkusitenaat ustikwaaniyaapii e aapachihtaat. Misiwe maak anite piihtakamihch aniyuu waaskaahiikaniyuu chii miyaakuniyuu aniyuu kaa wiihchimaakusiyich.

John 13:13

Chischinuhamaachesuu kaye Utipeyihchikeu chitishinihkaasinaawaau, ekun maak taapwe nipaa ishinihkaatikuun wesh taapwe eukw niya e awiyaan.

John 13:14

Niya eukw Chitipeyihchikemuwaau kaye Chichischinuhamaachesiimuwaau, yaapach maak niya chichii chishtaapauchisitenitinaawaau. Kaye chiyawaau maak chipaa chishtaapauchisitenitunaawaau.