John 10:6 - Chishemanituu Utayimuwin: Kaa Uskaach Testament

⁶ Jesus chii wiihtamuweu uyuu chiskutamaacheu tipaachimuwiniyuu mikw maak namui uhchi nisituhtaakuu aniyuu taan kaa ishi aayimuutamuwaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᒌᓴᔅ ᒌ ᐐᐦᑕᒧᐌᐤ ᐅᔫ ᒋᔅᑯᑕᒫᒉᐤ ᑎᐹᒋᒧᐎᓂᔫ ᒥᒄ ᒫᒃ ᓇᒧᐃ ᐅᐦᒋ ᓂᓯᑐᐦᑖᑰ ᐊᓂᔫ ᑖᓐ ᑳ ᐃᔑ ᐋᔨᒨᑕᒧᐙᑦ᙮

John 10:6 Iomraidhean Croise

Matthew 13:34

Muush tipaachimuwin chiskutamaachewinh chii aapachihtaau Jesus e aayimuutahk Chishemanituu uchisheuchimaawiniyuu anite e mihchetinaanuyich, eukw uyuuh pisikw kaa aapachihtaat e ayimihaat aweyuuh.

Matthew 13:51

Ekw Jesus kaa itaat, “Chinisituhtenaawaau aa uu kaa ishi wiihtamaatakuch.” “Ehe,” chii iteuch maak anichii chischinuhamuwaakanich.

Mark 4:34

Eukw uyuu pisikw kaa aapachihtaat e ayimihaat aweyuu. Mikw maak iskutak mikw wiyawaau e ihtaatwaau uchischinuhamuwaakanh ekut kaa chii waawiihtamuwaat taan e ishi chiishuwemakaniyikwaau uyuuh tipaachimuwinh.

John 16:25

“Uyuu chekwaayuuh kaa wiihtamaatakuch naashch taapwe aayiman chechii nisituhtaakuhkwaau. Chika utihchipayuu maak chek anit che piyekasch nisituhtamekw aayimuutamaatakuche Uhtaawiimaau.

John 16:29

Ekw kaa itikut aniyuu uchischinuhamuwaakanh, “Ekw maak yaakw nesituhtaakusiyin taan e itweyin. Namui aayiman chechii nisituhtaakuhch taan e ishi aayimuutaman.

John 6:52

Ekw anichii Jewa iinuuch chii machipayuuch e itwetwaau, “Taanite chechii uhchi miiwet uu naapeu wiyaas chechii uhchi miichinaanuyich.”

John 6:60

Iskutak maak kaa pehtaakut mihchetu aniyuu kaa nuushuushkaakut aniyuu e itwet, chii itweyuuh, “Taapwe aayimaniyuu aniyuu kaa itwet, awen chechii nisituhtahk.”

John 7:36

Taan e ishi chiisuwemakaniyich aniyuu kaa itwet, chika naanituwaapaminaawaau mikw maak namui chika uhchi miskaaunaawaau. Kaye kaa itwet, namui chika chii ituhtenaawaau anite che ituhteyaan. Taan e ishi chiisuwet aniyuu kaa itwet, ekun kaa ishi ayimihiitutwaau.”

John 8:27

Anichii maak iinuuch anit kaa ihtaatwaau namui uhchi nisituhtaweuch Jesus Uhtaawiimaau aniyuuh kaa aayimuumaayich.

John 8:43

Chekwaan wehchi ekaa chii nisituhtamekw taan e itweyaan. Namui chiwii nanihiihtenaawaau taan e ishi chischinuhamaacheyaan ekun wehchi ekaa nisituhtamekw.

1 Corinthians 2:14

An awen ekaa kaa ayaawaat Chishemanituuh Utahchaahkuyuu, namui katachii utinam aniyuuh miiwewinh taan e ishi miiweyich Chishemanituuh Utahchaahkuyuuh. Uu awen namui taapwe nisituhtam chekwaayuuh uyuuh, namui wiyesh itaapatanh iteyihtam. Wesh mikw anichii Payehchi Ahchaahkwa kaa ayaawaatwaau kata chii nisituhtamuch taan e ishi chihchiwe iteyihtaakuniyikwaauh uyuuh miiwewinh.

2 Peter 2:22

Aniyuu maak kaa ispayitwaau eukw uyuu kaa chii iinaanuyich: “Atim kaau naatam upaakumuwin ekw maak kuuhkuush e chii chistaapauyaakanuut, miin tihtipishimuu anite e iipataniyich.”

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.