John 10:4 - Chishemanituu Utayimuwin: Kaa Uskaach Testament

⁴ Aniyuu maak e ati wiiwiihtahaat wiya niikaanihteu. Nuushuushkaakuu maak aniyuuh maanishchaanisha wesh nisituhtamiyuuh upehtaakusuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐊᓂᔫ ᒫᒃ ᐁ ᐊᑎ ᐐᐐᐦᑕᐦᐋᑦ ᐎᔭ ᓃᑳᓂᐦᑌᐤ᙮ ᓅᔔᔥᑳᑰ ᒫᒃ ᐊᓂᔫᐦ ᒫᓂᔥᒑᓂᔕ ᐌᔥ ᓂᓯᑐᐦᑕᒥᔫᐦ ᐅᐯᐦᑖᑯᓱᐎᓐ᙮

John 10:4 Iomraidhean Croise

Matthew 16:24

Ekw Jesus kaa itaat aniyuu uchischinuhamuwaakan, “Awen waa nuushuushkuukwe ekush chipaa pachishtinam aniyuu wiya taan waa ishi naniheyihtamihiisut, chipaa utineu utaashiteyaahtikum ekw maak nipaa pechi nuushuushkaakw.

John 10:16

Kutakach maanishchaanishach nitayaawaauch ekaa utah uyuu maanishchaanishikamikuyuu uhchiitwaau. Kaye wiyawaau maak yaaitei nika peshuwaauch. Chika nisituhtamuch kaye wiyawaau nipehtaakusuwiniyuu ekw maak che peyakuhch maanishchaanishikamikw kaye chika peyakushuu an maanishchaanishuiinuu.”

John 10:27

Nituhtamuch nipehtaakusuwiniyuu nimaanishchaanishimach. Kaye maak nichischeyimaauch, ekw maak piyechi nuushuushkuutwaau.

John 10:3

Aapahamaakuu maak aniyuu kaa kanuushkwaahtuweyich anit maanishchaanishikamikuhch. Aniyuu maak maanishchaanisha nisituhtamiyuu upehtaakusuwin iskutak tiyepwaataach wesh wiya aniyuuh umaanishchaanishim. Ekw maak piyechi wiiwiiyich ekw e ati nuushuushkaakut.

John 10:5

Kutak aweyuu namui chika uhchi nuushuushkuweuch anichii maanishchaanishach. Chika ushimeuch, wesh taapaa nisituhtamuweuch maaniteuh upehtaakusuwiniyuu.”

John 10:8

Misiwe kutakach kaa takushihkwaau e wii wiiwiihtahaatwaau aniyuu maanishchaanisha eshkw ekaa uhchi takushinuuch chimutiskach wiyawaau. Mikw maak namui uhchi nituhtaakuuch wiyawaau aniyuuh maanishchaanisha.

John 12:26

An maak awen niya kaa atushkuut nika pechi nuushuushkaakw. Ekw maak che ihtaat nitaapachihaakan taanite che ati aihtaauch. Kata chisteyimikuu Nuuhtaawiih an awen che atushkuukwe.”

John 13:15

Chichii waapahtiitinaawaau taan chechii ishi chischinuwaapamiyekw an taan kaa ihtuutaatakuch.

John 18:37

Ekw Pilate kaa itaat, “Taapwe kiipaa chichisheuchimaaunaache.” Jesus maak chii iteu, “Chititwen e chisheuchimaawiyaan. Ekun wehchi pimaatisiyaan kaye ekun wehchi pechi takushiniyaan utah aschiihch chechii tipaatutamaan an taapwewin Chishemanituu e ihtaat kaa uhchipayihch. Tahtu awen taapwewinihch kaa ihtaat eukw an piyechi nituhtuut.”

John 3:29

Muyaam uschinaapewaan wiya tipeyimeu aniyuu uschiskwewaan. Aniyuu maak uwiichewaakanh an uschinaapewaan, aniyuu kaa wiichihiiweyich ashuwaapamikuu che ishpish takushinit kaye miyeyihtamiyuu iskutak piyehtaakut. Ekun maak mwehch kaye niya e ishpish miyeyihtamaan shaash e ihtaat an kaa pechi itishahukut Chishemanituu.

1 Corinthians 11:1

Uu kaa ishi waapamiyekw e ishi pimaatisiyaan e kweskaatisiyaan, ekun kaye chiyawaau ishi pimaatisiikw.

Ephesians 5:1

Suuhk wii nispituwaahkw Chishemanituu taan e iteyihtaakusit, wesh eukw chiyawaau utawaashiimh kaa saachihaat.

Hebrews 12:2

Kaye kanawaapamaataau Jesus, an kaa ihtuutaatahkw chechii taapwehtamuhkw. Wiya chiwiichihiikunuu wetaach chechii suuhchikaapuuyihkw chitaapwehtamuwinaahch paatish tekash chii nanihiiwehiihkwe Chishemanituu. Chii shaapushkam nipuwiniyuu asiteyaahtikuhch kaye namui mechim uhchi aapateyihtamihiikuu aat e chii maayeyimaakanuut kaye e chii nenehkaateyimuhaakanuut wesh mikw aniyuu taan che ishpish muuchicheyihtahk iskutak miyaaupayiche anit e nanehkaateyimut ekun aniyuu kaa maamituneyihtamihiikut. Ekw maak anuhchiish, wiya chuuchisheuchimaaminaanuu anite maak apuu Chishemanituu unihiiwiniihch iitehche.

Hebrews 6:20

Jesus maak uu kaa cheshtinaateyimahkw. Anite aniyuu kaa piihchet ekute e ayimiheshtamaatahkw. Wiya kaachiche chisheayimiheuchimaau Jesus mwehch Melchizedek.

1 Peter 2:21

Wesh eukuu wehchii wiishaamikuyekw, aniyuu Christ e chii wawiisacheyihtamihaakanuut chichii nakatamaakuwaau chekwaayuu che chischinuwaapahtamuwekw, chechii taahtaapahamewekw taanite kaa pimuhtet.

1 Peter 4:1

Christ maak e chii waawiisacheyihtahk wiyaasuwinihch mekwaach utah aschiihch kaa pimaatisiit kaye chiyawaau ekun chipaa ishi maamituneyihtamihiikunaawaau chechii ishi ayeskuwiishtamekw, wesh an awen kaa waawiisacheyihtamihaakanuut wiyaasuwinihch puunihtaau machaatisiiwiniyuu.

1 Peter 5:3

Ekaawii wii ishinaakusikw naashch chechii wii uchimaahkahtuwekuch anichii kaa miikuyekw chechii niikaanishkuwekuch teyakuch uste wii miyutuutawaahkuch che ihtakuniyich maak anit chechii uhchi chischinuwaapamitaakuch.