John 10:3 - Chishemanituu Utayimuwin: Kaa Uskaach Testament

³ Aapahamaakuu maak aniyuu kaa kanuushkwaahtuweyich anit maanishchaanishikamikuhch. Aniyuu maak maanishchaanisha nisituhtamiyuu upehtaakusuwin iskutak tiyepwaataach wesh wiya aniyuuh umaanishchaanishim. Ekw maak piyechi wiiwiiyich ekw e ati nuushuushkaakut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐋᐸᐦᐊᒫᑰ ᒫᒃ ᐊᓂᔫ ᑳ ᑲᓅᔥᒀᐦᑐᐌᔨᒡ ᐊᓂᑦ ᒫᓂᔥᒑᓂᔑᑲᒥᑯᐦᒡ᙮ ᐊᓂᔫ ᒫᒃ ᒫᓂᔥᒑᓂᔕ ᓂᓯᑐᐦᑕᒥᔫ ᐅᐯᐦᑖᑯᓱᐎᓐ ᐃᔅᑯᑕᒃ ᑎᔦᑆᑖᒡ ᐌᔥ ᐎᔭ ᐊᓂᔫᐦ ᐅᒫᓂᔥᒑᓂᔑᒻ᙮ ᐁᒄ ᒫᒃ ᐱᔦᒋ ᐐᐐᔨᒡ ᐁᒄ ᐁ ᐊᑎ ᓅᔔᔥᑳᑯᑦ᙮

John 10:3 Iomraidhean Croise

John 10:14

Niya eukw maanishchaanishuiinuu kaa miyu kanuweyimaat umaanishchaanishimh. Nichischeyimaauch nimaanishchaanishimach anichii kaa tipiyeusiyaan kaye maak wiyawaau nichischeyimakuch,

John 10:16

Kutakach maanishchaanishach nitayaawaauch ekaa utah uyuu maanishchaanishikamikuyuu uhchiitwaau. Kaye wiyawaau maak yaaitei nika peshuwaauch. Chika nisituhtamuch kaye wiyawaau nipehtaakusuwiniyuu ekw maak che peyakuhch maanishchaanishikamikw kaye chika peyakushuu an maanishchaanishuiinuu.”

John 10:4

Aniyuu maak e ati wiiwiihtahaat wiya niikaanihteu. Nuushuushkaakuu maak aniyuuh maanishchaanisha wesh nisituhtamiyuuh upehtaakusuwin.

John 10:9

Niya eukw ishkwaahtem. An awen niya e ihtaauch kaa uhchi piihchet chika pimaachihuu. Taapwe chika wiihkuchihuu an awen kaye taapwe chika miyeyimuu.

John 6:37

Misiwe aniyuu aweyuu Uhtaawiimaau kaa pechi miit nika pechi naatikuch. An maak awen che pechi naasit namui wiiskaat nika uhchi iichenaau.

John 6:45

Mwaauyuu kaa itasinahiichetwaau aniyehkaanaanich uchischiwehiichesuuch, Chishemanituu chika chiskutamuweu misiwe aweyuuh. Misiwe maak anichii kaa pehtawaatwaau kaye kaa chiskutamaakutwaau Nuuhtaawii nika pechi naatikuch.

Romans 8:30

Aniyuuh maak niyaakan kaa wiyeyimaat aweyuu chii tepwaateu. Uyuuh maak kaa tepwaataat chii kuiskunaakuheu wiya ishi e ihtaat. Uyuu maa kaa kuiskunaakuhaat chii chisteyihtaakuheu.

1 Corinthians 16:9

Mekwaach naashch nihiipayuu chechii miyu aapatisiyaan utah aat e mihchetitwaau awenich e wii machipayihkahtuutwaau.

Philippians 4:3

Niwiichewaakan muush kuiskw kaa chii ihtiyin e wiich aapatisiimitaan chipukuseyimitin chechii wiichihiitwaau uchii iskweuch chechii puuniitwaau e machipayitwaau. Wesh taapishkun chii mista aapatisuuch e wiichihiitwaau e waawiihtamuch miywaachimuwiniyuu. Kaye Clement ekw maak anichii kutakach kaa wiich aapatisiimakwaau, utishinihkaasuwinawaau kaa masinaateyikwaauh Chishemanituu upimaatisiiwin masinahiikanihch chechii ayaatwaau kaachiche pimaatisiiwiniyuu nichii wiichihiikuuch.

Colossians 4:3

Kaye niyaan ayimiheshtamuunaan Chishemanituu chechii taupayihtwaakuyaahch chechii waawiihtamaahch miywaachimuwin anit yaayimuumaakanuut Christ, an ekaa uhchi chischeyimaakanuut anite utaahch. Ekun wehchi chipahukuyaan anuhchiish, uu e chii ishi waawiihtamaan.

2 Timothy 2:19

Mikw maak aniyuu Chishemanituu uchiskutamaachewin taan e ishi taapwemakaniyich namui chika chii aahtinikanuuyuu e ishpish yaaitaniyich, kaye an kaa itashtech, “Utipeyihchikeu chischeyimeu aniyuuh aweyuuh wiya tepiyeusiit” kaye “Misiwe awen Utipeyihchikeu e ihtaayich kaa ishi tipeyihtaakusit chipaa nakatam machaatisiiwiniyuu.”

1 Peter 1:12

Chii chischeyihtamihaakanuuch maak aniyehkaanaanich uchischiwehiichesuuch ekaa wiyawaau mekwaach e pimaatisiitwaau che ispayiyich uyuu. Chiyawaau chechii chischeyihtamuwekw eukw wehchii aayimuutahkwaau aniyuuh chekwaayuuh anuhchiish taan e ishi waawiihtamaataakuch anichii kaa waawiihtahkwaau miywaachimuwiniyuu. Kaa payehchisiit Ahchaahkw an kaa pechi itishahwaakanuut kihchikiishikuhch uhchi eukun an kaa miyaat chechii waawiihtamiyich uyuu miywaachimuwiniyuu. Eukw uyuuh chekwaayuu waawaach enchilich wii chischeyihtamuch.

1 John 4:6

Chiyaanuu wii Chishemanituu chichii pimaachihiikunuu. An awen kaa chischeyimaat e iteyihtaakusiyich Chishemanituuh chinituhtaakunuu taan e iteuhkw. Ekw an awen ekaa kaa chischeyimaat Chishemanituu namui chinituhtaakunuu. Ekut wehchi chischeyimahkw taapwewin Ahchaahkw kaye maak kaa wiyeshimuwet ahchaahkw.

3 John 1:14

Nipukuseyihten wiipach chechii waapamitakuch ekw maak uhchishkuu chechii ayimihiituyihkw.

Revelation 20:15

An maak awen ekaa kaa masinaateyich utishinihkaasuwin anite masinahiikanihch anit mesinaasuyich aniyuuh aweyuuh che ayaayich kaachiche pimaatisiiwiniyuu machishkuteusaakahiikanihch chii ishuwepinaakanuu.

Revelation 3:20

Nituhtamukw. Niniipuun ishkwaahtemihch e paahpawahiicheyaan. An awen che pehtuukwe piihtakahiite maak nika piihchewaan anite e ihtaat ekw maak che wiich miichisuumituyaahch.

Revelation 7:17

Wesh an Maanishchaanish tetaauch anit e ihtakuniyich aniyuu chisheuchimaau tehtapuwiniyuu eukuu Maanishchaanishuiinuu che miyu kanuweyimaat uyuuh. Kaye chika ituhtaheu anit e ihtakuniyich e muuschichuuniyich pimaatisiyuu nipiiyuu. Ekw maak Chishemanituu che kaasiihamuwaat uschiishikuyuuh misiwe aniyuuh kaa uhchihkuwaapiitwaauh.”