John 10:16 - Chishemanituu Utayimuwin: Kaa Uskaach Testament

¹⁶ Kutakach maanishchaanishach nitayaawaauch ekaa utah uyuu maanishchaanishikamikuyuu uhchiitwaau. Kaye wiyawaau maak yaaitei nika peshuwaauch. Chika nisituhtamuch kaye wiyawaau nipehtaakusuwiniyuu ekw maak che peyakuhch maanishchaanishikamikw kaye chika peyakushuu an maanishchaanishuiinuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᑯᑕᑲᒡ ᒫᓂᔥᒑᓂᔕᒡ ᓂᑕᔮᐙᐅᒡ ᐁᑳ ᐅᑕᐦ ᐅᔫ ᒫᓂᔥᒑᓂᔑᑲᒥᑯᔫ ᐅᐦᒌᑣᐤ᙮ ᑲᔦ ᐎᔭᐙᐤ ᒫᒃ ᔮᐃᑌᐃ ᓂᑲ ᐯᔓᐙᐅᒡ᙮ ᒋᑲ ᓂᓯᑐᐦᑕᒧᒡ ᑲᔦ ᐎᔭᐙᐤ ᓂᐯᐦᑖᑯᓱᐎᓂᔫ ᐁᒄ ᒫᒃ ᒉ ᐯᔭᑯᐦᒡ ᒫᓂᔥᒑᓂᔑᑲᒥᒄ ᑲᔦ ᒋᑲ ᐯᔭᑯᔔ ᐊᓐ ᒫᓂᔥᒑᓂᔓᐄᓅ᙮

John 10:16 Iomraidhean Croise

1 Peter 2:25

Wesh mwehch maanishchaanishach e wanishihkwaau chichii ishinaakusinaawaau. Anuhchiish maak shaash kaau chichii peshiikunaawaau chechii nuushuushkuwekw an maanishchaanishuiinuu kaa naanaakachihiitaakw kaye kaa kanuweyimaat chitahchaahkuwaauh.

John 11:52

Mikw maak namui mikw Jewa iinuuh che nipuushtamuwaayich, misiwe kaye aniyuuh Chishemanituu utiiniimiyuuh paahpiiwe kaa ihtaayitwaauh che maamuunaayich, peyakutenuu chechii ishinaakusiyich.

John 6:37

Misiwe aniyuu aweyuu Uhtaawiimaau kaa pechi miit nika pechi naatikuch. An maak awen che pechi naasit namui wiiskaat nika uhchi iichenaau.

John 10:27

Nituhtamuch nipehtaakusuwiniyuu nimaanishchaanishimach. Kaye maak nichischeyimaauch, ekw maak piyechi nuushuushkuutwaau.

John 10:11

“Niya eukw maanishchaanishuiinuu kaa miyu kanuweyimaat umaanishchaanishimh. An awen kaa miyu kanuweyimaat umaanishchaanishimh chika pachishtinam upimaatisiiwin aniyuu umaanishchaanishimh chechii uhchi pimaachihuyich.

Revelation 3:20

Nituhtamukw. Niniipuun ishkwaahtemihch e paahpawahiicheyaan. An awen che pehtuukwe piihtakahiite maak nika piihchewaan anite e ihtaat ekw maak che wiich miichisuumituyaahch.

1 Peter 2:10

Anite weskach namui kuuhchi utiiniimitutaakuwaau Chishemanituu ekw maak anuhchiish weutiiniimitutaataakw. Anite weskach namui chuuhchi chistimaacheyimikuwaau ekw maak anuhchiish ekw chestimaacheyimitaakw.

2 Thessalonians 2:13

Iteyihtaakun muush chechii nanaaskumachiht Chishemanituu chiyawaau uhchi, chiyawaau kaa saachihiitaakw Utipeyihchikeu. Wesh shaash chichii wiyaapamikuwaau Chishemanituu chechii pimaachihuwekw eshkw ekaa mechim uhchi ushihtaat uyuu aschiiyuu. Chika pimaachihunaawaau maak wesh Chishemanituu kaa suuhcheyihtaakusiyich Utahchaahkwa chika ihtuutaakuwaau Chishemanituu chechii utiiniimitutaataakw wesh chitaapwehtenaawaau taapwewin.

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

ᐊᐸᔅᑕᓚᒡ 22:14

ekw kaa iishit, ‘Aniyuuh Chishemanituu kaa taapweyimaatwaau aniyehkaanaanich chimushuuminuuch, chichii wiyaapamukw chechii chischeyihtamut taan e ishi nituweyihtahk che ihtinaanuyich utah aschiihch, kaye chechii waapamat aniyuu Christ kaa kuiskutaatisiyich kaye chechii pehtuumat e ayimihiisk.

ᐊᐸᔅᑕᓚᒡ 18:10

Wesh chiwiicheutin. Namui awen chika chii wiyesh ihtuutaakw wesh mihchetu iinuuch utah ihtaawinihch niya anichii nitiiniimach.”

ᐊᐸᔅᑕᓚᒡ 15:14

Simon Peter chichii wiihtamaakunuu taan kaa ihtit Chishemanituu niishtam kaa waapahtiiwet ekaa mikw Jewa iinuuh uhchi wiyaapamaat, kutak aweyuu kaye chii wiyaapameu chechii utiiniimit.

Hebrews 13:20

Ekw maak nitayimihaau Chishemanituu, an kaa ihtuutaataakw chechii ayaawekw chiyaameyihtamuwiniyuu. Wiya chii wanishkaaneu aniyuuh maanishchaanishuiinuu kaa chisteyihtaakusiyich nipuwinihch uhchi, eukw uyuu Jesus. Chii ihtuutaweu chechii miyu kanuweyimaayich utiiniimiyuuh mwehch e ihtiyich manischaanishuiinuu e miyu kanuweyimaayich maanishchaanisha. Chishemanituu chii ihtuutam chechii aapataniyich aniyuu kaa ushkaayich niskumuwiniyuu kaachiche che ihtakuniyich Jesus umihkuhch uhchi.

John 10:2

Ekw an anite e ishkwaahtemuuniyich maanishchaanishikamikuyuu kaa uhchi piihchet eukw uyuu umaanishchaanishuuiiniimuwaauh anichii maanishchaanishach.

1 Peter 5:4

Ekw maak iskutak pechi nuukusite an maauch kaa niikaaneyihtaakusit maanishchaanishuiinuu che miikuyekw an maauch e chisteyihtaakuhch kaaniyuwin an ekaa wiiskach che uhchi paasikunaakuhch.

John 10:3

Aapahamaakuu maak aniyuu kaa kanuushkwaahtuweyich anit maanishchaanishikamikuhch. Aniyuu maak maanishchaanisha nisituhtamiyuu upehtaakusuwin iskutak tiyepwaataach wesh wiya aniyuuh umaanishchaanishim. Ekw maak piyechi wiiwiiyich ekw e ati nuushuushkaakut.

John 10:4

Aniyuu maak e ati wiiwiihtahaat wiya niikaanihteu. Nuushuushkaakuu maak aniyuuh maanishchaanisha wesh nisituhtamiyuuh upehtaakusuwin.

John 10:5

Kutak aweyuu namui chika uhchi nuushuushkuweuch anichii maanishchaanishach. Chika ushimeuch, wesh taapaa nisituhtamuweuch maaniteuh upehtaakusuwiniyuu.”

John 17:20

“Namui mikw uchii utah kaa ihtaatwaau nitayimiheshtamuwaauch. Nitayimiheshtamuwaauch kaye anichii kaa taapweyimatwaau aniyuu uhchi taan kaa ishi pechi aayimuumiyich uyuuh.

Romans 11:25

Niichishaanitikw, chinituweyimitinaawaau chechii nisituhtamuwekw uyuu kaa ishi chischeyihtaakuhtaat Chishemanituu ekw maak namui chika uhchi iteyihtenaawaau naashch e iipwaahkaayekw. Anuhchiish mekwaach mihchetu anichii Jewa kaa itiskaanesitwaau wii suuhchitamuch. Namui wii taapweucheyimeuch Chishemanituuh. Mikw maak chika utihchipayuu taanit che taapwehtahkwaau. Eshkw maak ekaa utihchipayihch uu misiwe anichii ekaa Jewa kaa itiskaanesitwaau tahtu mikw che wiyaapamikuwaakwenich Chishemanituuh chechii pimaachihutwaau, chika pimaachihuuch.

Luke 15:8

Ekw Jesus kaa wiihtamuwaat kutachiyuu chischinuhamaacheu tipaachimuwiniyuu e itaat, “Taan e ihtit iskweu e ayaawaat mitaahtu shuuliyaaunaapiskw, peyakw maak aniyuu wanihaat. Saskaham waashtenamaakaniyuu, wepahiicheu kaye anit uwaaskaahiikanihch, tekash naanituwaapameu paatish meskawaat.