John 10:1 - Chishemanituu Utayimuwin: Kaa Uskaach Testament

¹ “Kuiskw chiwiihtamaatinaawaau, awen e chimutiskuut namui anite e ishkwaahtemuuniyich maanishchaanishikamikuyuu uhchi piihcheu. Aahchiiuh anite uhchi paastaahtawiyuu e wii piihchet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᑯᐃᔅᒄ ᒋᐐᐦᑕᒫᑎᓈᐙᐤ, ᐊᐌᓐ ᐁ ᒋᒧᑎᔅᑰᑦ ᓇᒧᐃ ᐊᓂᑌ ᐁ ᐃᔥᒀᐦᑌᒨᓂᔨᒡ ᒫᓂᔥᒑᓂᔑᑲᒥᑯᔫ ᐅᐦᒋ ᐲᐦᒉᐤ᙮ ᐋᐦᒌᐤᐦ ᐊᓂᑌ ᐅᐦᒋ ᐹᔅᑖᐦᑕᐎᔫ ᐁ ᐐ ᐲᐦᒉᑦ᙮

John 10:1 Iomraidhean Croise

Matthew 7:15

“Ayaakwaamiishtawaahkuch machi uchischiwehiichesuuch. Mwehch maanishchaanishach ishinaakusuuch utah uschich mikw maak piihch anite upimaatisiiwiniwaahch mwehch mahiihkanich iteyihtaakusuuch.”

John 10:7

Ekw maak Jesus miin kaa itaat, “Kuiskw chiwiihtamaatinaawaau, niya eukw ishkwaahtem anite wehchi piihchetwaau kaye anite wehchi wiiwiitwaau anichii maanishchaanishach.

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

Romans 10:15

Taanite chechii uhchi kacheskwetwaau awenichii ekaa chihchitishahwaakanuutwaawenich. Wesh itashteu Chishemanituu utayimuwinihch, Nuwach miyeyihtaakuniyuu tekushihkwaauh uchii miywaachimuwiniyuu kaa petaatwaau.

Romans 16:18

Namui Chitipeyihchikeminuuh Christ atushkuweuch uchii uyuu e ihtitwaau, mikw taan aniyuuh chekwaayuuh chechii miichitwaau maak taan aniyuuh ekaa chechii miichitwaau eukunh mekushkaateyihtamihiikutwaau. Naashch taapwe miyuuhtaakuhiisuuch taan e ishi ayimitwaau kaye nitamukw ihtuuch aniyuu e miywaachimaatwaau aweyuu. Ekut maak wehchi wiyeshimaatwaau aniyuuh naashch kaa wehchipayihch chechii wiyeshimaakanuyich.

Titus 1:11

Iteyihtaakuniyuu maak chechii chipihchihaakanuutwaau uyuu e ishi wiihtamaachetwaau wesh machipayiheuch aweyuu e chiskutamuwaatwaau aniyuu chekwaayuu ekaa chipaa uhchi chiskutamuweuch mikw aniyuu e wii ushuuliyaamihkaasutwaau uhchi.

Hebrews 5:4

Namui awen chika chii wiyeyihtam chechii chisteyihtaakuhiisut e chisheayimiheuchimaaut. Chishemanituu eukw weyaapamaat aweyuu che chisheayimiheuchimaawiyich, muyaam kaa ishi wiyaapimaat Aaron chechii chisheayimiheuchimaawiyich.

1 Peter 1:10

Eukw uyuu pimaachihiikusiiwiniyuu naashch suuhk kaa nituu chischeyihtahkwaau aniyehkaanaanich uchischiwehiichesuuch kaye naashch yaakwaau chii ishi nituu chischeyihtamuch. Chii niikaan aayimuutamuch maak uyuu miiwewiniyuu Chishemanituuh che miikuwekw.

2 Peter 2:1

Chii pechi ihtaauch maan anite utaahch naspaach uchischiwehiichesuuch. Ekun maak yaapach che ispayihch anite niishtaamihch. Chika ihtaauch nitamukw kaa ishi chiskutamaachetwaau mekwesiinuu anit Chishemanituu utiiniim e ihtaayich. Nitamukw chika ishi chiskutamaacheuch, kaye naashch taapwe chika wanihtahiiwemakaniyuu taan che ishi chiskutamaachetwaau. Waawaach aniyuu kaa nipistamaakutwaau tekash chika aataweyimeuch. Ekut maak anit che uhchi ihtuutaasutwaau sischikuuch chechii wanaatisiitwaau.

2 Peter 2:3

Aniyuu maak che ishpish wii weyuuch ayaatwaau uchii naspaach chiskutamaachesuuch nitamukw tipaachimuwin chika waawiihtamaakuwaauch. Ekut maak niyaanitam aniyuu nitamukw e itaachimushtaataakuch che uhchi wii itaapachihiitaakuch chechii uhchi ushuuliyaamihkaasutwaau. Eukunich maak uchii shaash weskach kaa ayeskushteyich taan che ishi waweshihaakanuutwaau kaye muush chii cheshtinaachisteyuu taan che ishi wanaatisiitwaau.

1 John 4:1

Niichishaanitikw kaa saachihiitakuch ekaawii misiwe awen Chishemanituuh kaa aayimuutamaataakw mikw chika uhchi ishi taapwehtawaawaau. Yaakwaau nituu chischeyimaahkuch ati chechii uhchi chischeyihtamekw taapwe Chishemanituu e ihtaayich wehchipayikwe taan e ishi chiskutamaachetwaau. Wesh mihchetuuch mishihte utah aschiihch anichii machi uchischiwehiichesuuch.